ევროპის საბჭო აცხადებს ტენდერს ადგილობრივ საკონსულტაციო მომსახურებაზე მარკეტინგის, ბრენდინგისა და კომუნიკაციების სფეროში, რომელიც დაყოფილია შემდეგ ლოტებად: 

ლოტი 1 – მარკეტინგი, ბრენდის სტრატეგია, სტრატეგიული კომუნიკაციები და კონტენტი 

ლოტი 2 – ვიზუალური იდენტობა, კრეატიული მიმართულება და დიზაინი. 

შესაბამისად, წინასწარ შერჩეულ პროვაიდერებს შესაძლოა მოეთხოვოთ შემდეგი მომსახურებების გაწევა: 

1-ლი ლოტის ფარგლებში: 

• ბრენდის არქიტექტურის, პოზიციონირების, ბრენდის საერთო სტრატეგიისა და სამოქმედო გეგმის შემუშავება; 

• ბრენდის საკომუნიკაციო მიმართულებების შემუშავება; 

• ბრენდის სტრატეგიასა და ნარატივის შექმნასთან დაკავშირებული სტრატეგიული კრეატიული მიმართულების განსაზღვრა; 

• პროდუქტის განვითარება და პოზიციონირება; 

• კონტენტ-სტრატეგიის შემუშავება; 

• პროექტისა და/ან მისი პარტნიორი ორგანიზაციისთვის ციფრული სტრატეგიის შემუშავება; 

• ციფრული მარკეტინგის დაგეგმვა და განხორციელება; 

• ბიზნესის განვითარების ინიციატივების შემუშავება, რომლებიც მიმართულია ბაზარზე პოზიციონირების გაძლიერებისკენ; 

• ბრენდის სტრატეგიისა და კომუნიკაციების ჭრილში, ბიზნესფუნქციების ორგანიზაციის გრძელვადიან მიზნებთან შესაბამისობაში მოსაყვანად, ოპერაციული ეფექტიანობის დაგეგმვა; 

• სხვადასხვა პროდუქტის ინიციატივისთვის საკომუნიკაციო სტრატეგიის შემუშავება; 

• პროექტისა და/ან მისი პარტნიორი ორგანიზაციებისთვის კომუნიკაციების ყოვლისმომცველი სტრატეგიის შემუშავება; 

• პროექტისა და/ან მისი პარტნიორი ორგანიზაციების კონტენტის პოპულარიზაცია; 

• კომუნიკაციისა და ბრენდის სტრატეგიის ან სამოქმედო გეგმის განმახორციელებელი გუნდის/გუნდების შესაძლებლობების გაძლიერება, მათ შორის, უნარების განვითარება და ცოდნის გაღრმავება საზოგადოებასთან ურთიერთობის კამპანიების განხორციელების, ახალი აუდიტორიის მოზიდვისა და სოციალური ქსელებისა და ვებგვერდებისთვის კონტენტის (პოსტების, სტატიებისა და საინფორმაციო ბიულეტენების) შექმნის მიმართულებით; 

• ორგანიზაციული ხედვისა და სტრატეგიული დაგეგმვის შემუშავება; 

• მარკეტინგთან, ბრენდინგსა და კომუნიკაციებთან დაკავშირებული ბიზნესის განვითარების, მართვისა და კოორდინაციის მომსახურებების გაწევა; 

• მარკეტინგის, კომუნიკაციების, ბრენდინგის, კონტენტის ან ბიზნესის განვითარების მიმართულებით  ნებისმიერი მომსახურების გაწევა, რომელიც ზემოაღნიშნულ ჩამონათვალში  არ არის მითითებული, თუმცა აუცილებელია წინამდებარე ლოტის მიზნების მისაღწევად. 

მე-2 ლოტის ფარგლებში: 

• ღონისძიებების, ონლაინ პლატფორმებისა და ბრენდის გაფართოებისათვის ვიზუალური იდენტობის შემუშავება; 

• ვიზუალური იდენტობის განვითარებასა და კრეატიული კამპანიების დიზაინთან დაკავშირებული კრეატიული დირექტორის მომსახურებების გაწევა; 

• მარკეტინგული მიზნებისთვის სტრატეგიული დიზაინის შემუშავება; 

• მხატვრული ხელმძღვანელობა და შემოქმედებითი ვიზუალური დიზაინის შემუშავება; 

• დიზაინის ინიციატივებისთვის სტრატეგიული მიმართულების განსაზღვრა; 

• საკომუნიკაციო მასალებსა და ციფრულ პლატფორმებზე ვიზუალური თანმიმდევრულობის უზრუნველყოფა; 

• კომუნიკაციისა და ბრენდის სტრატეგიის ან სამოქმედო გეგმის ვიზუალური იდენტობისა და დიზაინის ელემენტების განმახორციელებელი გუნდის/გუნდების შესაძლებლობების გაძლიერება, მათ შორის, უნარების განვითარება და ცოდნის გაღრმავება სოციალური ქსელებისა და ვებგვერდებისთვის ვიზუალური კონტენტის შექმნის მიმართულებით; 

• ვიზუალური იდენტობის, შემოქმედებით ან დიზაინის სფეროსთან დაკავშირებული ნებისმიერი მომსახურების გაწევა, რომელიც ზემოაღნიშნულ ჩამონათვალში არ არის მითითებული, თუმცა აუცილებელია წინამდებარე ლოტის მიზნების მისაღწევად. 

დასაშვებობის კრიტერიუმები: 

• განათლება: უმაღლესი განათლება კომუნიკაციების, ბრენდინგის, ხელოვნების, დიზაინის, მარკეტინგის, საზოგადოებასთან ურთიერთობის, ჟურნალისტიკის, ბიზნესის ადმინისტრირების, საერთაშორისო ურთიერთობების ან სხვა შესაბამის დარგში. 

• სამუშაო გამოცდილება: მინიმუმ ერთწლიანი გამოცდილება მარკეტინგის, ბრენდის სტრატეგიის, სტრატეგიული კომუნიკაციებისა და კონტენტის შექმნის მიმართულებით (1-ლი ლოტისთვის), ასევე ვიზუალური იდენტობის, შემოქმედებითი ხელმძღვანელობისა და დიზაინის სფეროებში (მე-2 ლოტისთვის). 

წარსადგენი დოკუმენტები:  

- ხელშეკრულების შევსებული და ხელმოწერილი ასლი  

- დეტალური CV, რომელშიც მითითებული იქნება: 

• მონაწილის მიერ დასაშვებობის კრიტერიუმების დაკმაყოფილება 

• დეტალური ინფორმაცია სამუშაო გამოცდილების შესახებ, რომელიც უკავშირდება იმ ლოტის (1-ლი ან მე-2) ფარგლებში მითითებულ ერთ ან რამდენიმე თემას, რომელზეც განაცხადი შეგაქვთ 

• ინგლისური ენის ცოდნის შესახებ ინფორმაცია 

• არასავალდებულოა: სამუშაო გამოცდილების დამასტურებელი ნიმუში (მაქსიმუმ 3) ქართულ ან ინგლისურ ენაზე, როგორიცაა მარკეტინგის, კომუნიკაციის/ბრენდის სტრატეგია,  სამოქმედო გეგმა ან ნებისმიერი სხვა დოკუმენტი, რომელიც ადასტურებს რეზიუმეში მოცემულ ინფორმაციას. 

• ყველა მფლობელისა და აღმასრულებელი ოფიცრის სია, მხოლოდ იურიდიული პირებისთვის. 

სატენდერო პროცედურების შესახებ დეტალურ აღწერას და დაწვრილებით ინფორმაციას გაეცნობით თანდართულ სატენდერო დოკუმენტებში, რომლებიც ხელმისაწვდომია ინგლისურ ენაზე: 

• ტენდერის შესახებ ინფორმაცია და ხელშეკრულება.  

• როგორ მიიღოთ მონაწილეობა ტენდერში? 

• განაცხადების მიღების ბოლო ვადაა 2026 წლის 7 ოქტომბერი, 23:59 სთ (სტრასბურგის დროით). 

ეს მნიშვნელოვანია: 

განაცხადი უარყოფილი იქნება, თუ: 

• ის მიღებულია დადგენილი ვადის შემდეგ. 

• ხელშეკრულება არ არის ხელმოწერილი და დათარიღებული. 

• CV არ ასახავს ნათლად, რომ კანდიდატს აქვს მინიმუმ ერთწლიანი გამოცდილება 1-ლი/მე-2 ლოტის შესაბამის სფეროში. CV ნათლად არ აჩვენებს, რომ განმცხადებელს აქვს უნივერსიტეტის ხარისხი შემდეგ დარგებში: კომუნიკაციები, ბრენდინგი, ხელოვნება, დიზაინი, მარკეტინგი, საზოგადოებასთან ურთიერთობები, ჟურნალისტიკა, ბიზნეს ადმინისტრირება ან საერთაშორისო ურთიერთობები.  

• განაცხადს აკლია ყველა მფლობელისა და აღმასრულებელი ოფიცრის სია, იმ შემთხვევაში, თუ განაცხადი იურიდიულ პირს შემოაქვს. 

აპლიკაციები უნდა გაიგზავნოს ელექტრონულ მისამართზე: [email protected] სათაურით “Tender - National Consultancy services in the fields of Marketing, Branding and Communications – in Georgia”. 

ტენდერთან დაკავშირებული ნებისმიერი კითხვა უნდა გაიგზავნოს ელექტრონულ მისამართზე:  [email protected]  შემდეგი სათაურით: “Questions – National Consultancy services in the fields of Marketing, Branding and Communications – in Georgia”. 

კითხვების გამოგზავნის ბოლო ვადაა 2026 წლის 30 სექტემბერი, 23h59 სტრასბურგის დროით (სატენდერო აპლიკაციის შემოტანის ვადამდე 5 სამუშაო დღით ადრე). შემოსულ კითხვებზე კონსოლიდირებული პასუხები გამოქვეყნდება მიმდინარე წლის 2 ოქტომბერს.