Indietro Bakı Dövlət Universitetinin tələbələri Avropa Şurasının HELP proqramı ilə tanış ediliblər

30 noyabr 2017-ci il tarixində Azərbaycanda ilk dəfə olaraq Bakı Dövlət Universitetinin tələbələri üçün Avropa Şurasının İnsan Hüquqları üzrə Tədrisinə dair Proqramının (“HELP” proqramı) təqdimatı keçirilmişdir.
Bakı Dövlət Universitetinin tələbələri  Avropa Şurasının HELP proqramı ilə tanış ediliblər

Təqdimat zamanı tələbələr “HELP” proqramının xüsusiyyətləri, onlayn tədrisin əhəmiyyəti və proqramın platformasında qeydiyyatdan keçmək yolu ilə tanış ediliblər. Eyni zamanda iştirakçılara platformada yerləşdirilmiş onlayn sərbəst və distant kurslara yazılmaq və kurs materiallarından maksimal dərəcədə yararlanmaq yolu aşılanmışdır.

          20 nəfər tələbənin iştirak etdiyi təqdimat “HELP” proqramının Azərbaycan üzrə hakimlər ilə əlaqələndiricisi Zülfiqar Babayev tərəfindən aparılmışdır.

           Hal-hazırda “HELP” proqramının platformasında 18,000-ə yaxın istifadəçi qeydiyyatdan keçmişdir. “HELP” Proqramı hüquqşünaslar üçün Avropa İnsan Hüquqları Məhkəməsinin presedent hüququ və Avropa İnsan Hüquqları Konvensiyasının tətbiqi sahəsində yeniliklər ilə tanış olmaq imkanı yaradır. Proqramla daha ətraflı tanış olmaq üçün http://help.elearning.ext.coe.int// ünvanına daxil ola bilərsiniz.

Baku 30.11.2017
  • Diminuer la taille du texte
  • Augmenter la taille du texte
  • Imprimer la page