Ծրագրի լուրեր

«Աջակցություն փախստականներին ընդունած համայնքներին» ծրագրի նպատակն էր օգնել համայնքներին արդյունավետ արձագանքել տեղահանված բնակչության խնդիրներին՝ մարդու իրավունքների պաշտպանության շեշտադրումով: Այն ուղղված էր փախստականների ճգնաժամի հետևյալ կարճաժամկետ և երկարաժամկետ լուծումներին`

• Աջակցել այն թիրախային ծրագրերին (դրամաշնորհներին), որոնք ուղղված են փախստականներին ընդունած համայնքների անմիջական և միջնաժամկետ կարիքներին՝ հանրային ծառայությունների հզորացման ավելի երկարաժամկետ հեռանկարով:
• Աջակցել խոշորացված համայնքների կողմից դիմակայունության զարգացման ռազմավարությունների մշակմանը և որդեգրմանը՝ ապագա ճգնաժամերին դիմակայելու նրանց պատրաստվածության աստիճանը բարձրացնելու համար:

Ծրագրի իրականացման երկկողմանի ռազմավարությունը նախատեսում էր դրամաշնորհային ծրագրի իրականացում` ուղղված փախստական բնակչության զգալի զանգված ունեցող համայնքներին:

Միևնույն ժամանակ, արտակարգ իրավիճակներին արձագանքելուց դեպի արդյունավետ դիմակայունության մեխանիզմների անցմանը նպաստելու համար դրամաշնորհների տրամադրման նախապայմանը Եվրոպայի խորհրդի չափանիշներին և սահմանված գործիքակազմերին համահունչ Դիմակայունության զարգացման ռազմավարությունների իրականացման հանձնառությունն է:

• ՀՀ տարածքային կառավարման և ենթակառուցվածքների նախարարություն
• տեղական ինքնակառավարման մարմիններ
• ՏԻՄ ներկայացնող միավորումներ
• քաղաքացիական հասարակության կազմակերպություններ
• լայն հասարակություն

Համագործակցության ծրագիրն իրականացվել է Եվրոպայի Խորհրդի կողմից Հայաստանի համար 2023-2026թթ․ գործողությունների ծրագրով  սահմանված առաջնահերթություններին համահունչ։

 Եվրոպայում միգրացիայի և ապաստանի համատեքստում խոցելի անձանց պաշտպանության մասին Եվրոպայի խորհրդի գործողությունների ծրագիր (2021-2025 թթ.)