Հայաստանի Հանրապետության ոստիկանության, քննիչների, դատախազների և քաղաքացիական հասարակության ներկայացուցիչների համար անցկացվեց դասընթաց՝ նվիրված ատելությամբ պայմանավորված հանցագործությունների և խտրականության հետ կապված տվյալների հավաքագրման մեխանիզմների բարելավմանը։ Միջոցառումը կազմակերպվել էր Եվրոպայի խորհրդի կողմից։
Դասընթացը մասնակիցներին օգնեց կիրառել եվրոպական չափանիշները՝ աշխատելով հայաստանյան օրենսդրության և իրական դեպքերի օրինակների հետ։ Քննարկվեցին գործնական մարտահրավերներ, ինչպիսիք են զգայուն տվյալների պաշտպանությունը, այդ թվում՝ Մարդու իրավունքների եվրոպական դատարանի նախադեպային իրավունքի շրջանակներում քննված գործերը։
Համապատասխան պետական հաստատությունների, մասնավորապես՝ իրավապահ մարմինների և քաղաքացիական հասարակության կազմակերպությունների միջև համագործակցությունը ամրապնդելով՝ դասընթացը նպատակաուղղված էր համակարգված և արդյունավետ արձագանքների միջոցով խտրականությունից, ատելության հանցագործություններից և ատելության խոսքից տուժածների պաշտպանության բարելավմանը։
Սույն միջոցառումը Եվրոպական միության և Եվրոպայի խորհրդի «Գործընկերություն հանուն լավ կառավարման» համատեղ ծրագրի մի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից՝ «Հավասարության խթանումը և խտրականության բացառումը Հայաստանում» ծրագրի շրջանակներում։