Եվրոպայի խորհուրդը և Շվեդիայի միջազգային զարգացման համագործակցության գործակալությունը (SIDA) ստորագրել են համագործակցության շրջանակային նոր համաձայնագիր, որը նախատեսում է մոտ 5 միլիոն եվրոյի ֆինանսական ներդրում՝ ի աջակցություն Եվրոպայի խորհրդի 2023-2027 թվականների Հայաստանի, Վրաստանի, Մոլդովայի Հանրապետության և Ուկրաինայի համար իրականացվող գործողությունների ծրագրերի:

2015 թվականից ի վեր SIDA-ն ընդհանուր առմամբ 17 միլիոն եվրո է հատկացրել Եվրոպայի խորհրդի գործողությունների ծրագրերին և համագործակցության առաջնահերթություններին նախորդ Շրջանակային համաձայնագրերի շրջանակներում: