Եվրոպայի խորհրդի, Եվրոպական միության և այլ գործընկերների միջև երեք տարվա համագործակցությունը նշանակալի առաջընթաց է ապահովել երկրի արդարադատության համակարգի ամրապնդման ուղղությամբ։

Իրականացված օրենսդրական բարեփոխումները, արդարադատության ոլորտի մասնագետների կարողությունների զարգացումը, քաղաքացիական դատարանների ծանրաբեռնվածության զգալի կրճատումը, հաշտարարության մեխանիզմների ամրապնդումը և նորարարական թվային գործիքների ներդրումը էականորեն նպաստել են Հայաստանում արդարադատության հասանելիության բարձրացմանը։

Այս արդյունքները ձեռք են բերվել Եվրոպայի խորհրդի և Եվրոպական միության համատեղ նախաձեռնությամբ իրականացվող՝ «Գործընկերություն հանուն լավ կառավարման» ծրագրային շրջանակի մաս կազմող «Աջակցություն դատաիրավական բարեփոխումների իրականացմանը Հայաստանում» ծրագրի շնորհիվ։

Ծրագրի առանցքային ուղղություններից մեկը եղել է արդարադատության համակարգի մի շարք ոլորտներում՝ ներառյալ քրեական, քաղաքացիական և վարչական իրավունքի ոլորտներում, օրենսդրական բարեփոխումներին աջակցությունը։ Եվրոպայի խորհրդի Մարդու իրավունքների և իրավունքի գերակայության գլխավոր տնօրինության, ինչպես նաև Իրավունքի միջոցով ժողովրդավարության Եվրոպական հանձնաժողովի (Վենետիկի հանձնաժողով) կողմից տրամադրված փորձագիտական խորհրդատվության և իրավական կարծիքների շնորհիվ Հայաստանի իրավական դաշտն առավել համապատասխանեցվել է եվրոպական չափանիշներին։Top of Form

Bottom of Form

Top of Form

Bottom of Form

Համակարգային ամենատեսանելի արդյունքներից մեկը դատարանների ծանրաբեռնվածության զգալի կրճատումն է մոտ 82 տոկոսով։

Ծրագիրը նաև նպաստել է երկրում հաշտարարության համակարգի ամրապնդմանը՝ ընդլայնելով վեճերի այլընտրանքային լուծման մեխանիզմները և խթանելով ավելի արագ ու մատչելի արդարադատությունը։ Ծրագրի շրջանակում  հավաստագրվել է 125 հաշտարար, ինչպես նաև վերապատրաստվել է 12 հաշտարար-վերապատրաստող, ինչը հիմք է ստեղծել ապագա կարողությունների համակարգի ձևավորման և հաշտարարների հավաստագրման ավելի կառուցակարգված գործընթացի ապահովման համար։

Top of Form

Bottom of Form

Դատական պրակտիկայում նորարարությունների խթանման շրջանակում աջակցություն է ցուցաբերվել նաև Հայաստանի Վճռաբեկ դատարանի համար Իրավական հղումների և մեջբերումների էլեկտրոնային համակարգի մշակման և ներդրման ուղղությամբ։ Այս համակարգը հնարավորություն կտա դատարանին ավելի արդյունավետ կառավարել իրավական հղումները և բարելավել գործերի աճող հոսքի կառավարումը։ Այն Եվրոպայի խորհրդի անդամ պետությունների շրջանում եզակի թվային լուծում է և էականորեն նպաստում է դատական գործունեության արդիականացմանը։

Կարողությունների զարգացումը ծրագրի առանցքային ուղղություններից մեկն է եղել։ Ընդհանուր առմամբ 987 դատավոր, դատախազ և իրավական ոլորտի այլ մասնագետներ մասնակցել են վերապատրաստումներին, որոնք նպատակաուղղված էին նրանց մասնագիտական կարողությունների զարգացմանը՝ իրենց ամենօրյա մասնագիտական գործունեության ընթացքում եվրոպական չափանիշների և Մարդու իրավունքների եվրոպական դատարանի նախադեպային իրավունքի արդյունավետ կիրառման նպատակով։

Ծրագրի արդյունքները ներկայացվել են ամփոփիչ միջոցառման ընթացքում, որտեղ արդարադատության ոլորտի առանցքային հաստատությունների և միջազգային գործընկերների ներկայացուցիչները անդրադարձել են արձանագրված առաջընթացին և ընդգծել շարունակական համագործակցության նշանակությունը՝ ապահովելու արդարադատության համակարգի արդյունավետությունը, հասանելիությունը և դրա նկատմամբ հանրային վստահության հետագա ամրապնդումը։

Այս միջոցառումը Եվրոպական միության և Եվրոպայի խորհրդի՝ «Գործընկերություն հանուն լավ կառավարման» համատեղ ծրագրի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից «Աջակցություն դատաիրավական բարեփոխումների իրականացմանը Հայաստանում» ծրագրի շրջանակում։

Top of Form