Կլոր-սեղան քննարկումը համախմբեց Հայաստանի քաղաքացիական հասարակության կազմակերպություններին (ՔՀԿ)՝ գնահատելու երկրի դատաիրավական բարեփոխումների 2022-2026 թվականների ռազմավարության առաջընթացը։ Այս ռազմավարությունը կարևոր նշանակություն ունի ավելի թափանցիկ, արդյունավետ և հաշվետու արդարադատության համակարգ ապահովելու համար:

ՔՀԿ ներկայացուցիչների և Եվրոպայի խորհրդի քննարկումները հարթակ ստեղծեցին՝ վերանայելու ձեռքբերումները, մարտահրավերները և քաղված դասերը, միևնույն ժամանակ  սահմանելու երկրի դատաիրավական բարեփոխումների ռազմավարության իրականացման մնացած ժամանակահատվածի առաջնահերթությունները: Քննարկումներն անդրադարձան առանցքային ոլորտներին, ինչպիսիք են՝ քրեական արդարադատության ընթացիկ բարեփոխումները, քաղաքացիական և վարչական օրենսդրության բարեփոխումը և դատավարությունների կարիքը նվազեցնելու նպատակով վեճերի լուծման այլընտրանքային մեխանիզմի մշակումը։

Եվրոպայի Խորհուրդը կարևորում է ՔՀԿ-ների ներգրավվածությունը Հայաստանի իր աշխատանքում ուղղված արդարադատության ոլորտի բարեփոխումներին, ներառյալ Վենետիկի հանձնաժողովի կարծիքների պատրաստումը՝ ուղղված դատական ​​անկախության և հաշվետվողականության ամրապնդմանը:

Կլոր-սեղան քննարկման ընթացքում արտահայտված կարծիքներն ու առաջարկությունները հատկապես կարևոր են, քանի որ Հայաստանը հասել է դատաիրավական բարեփոխումների 2022-2026 թվականների ռազմավարության միջնակետին: Այս քննարկումները կօգնեն ձևավորել հաջորդ քայլերը՝ Հայաստանում ստեղծելու ավելի արդյունավետ, թափանցիկ և հաշվետու դատական ​​համակարգ՝ ի շահ քաղաքացիների:

Այս միջոցառումը Եվրոպական միության և Եվրոպայի խորհրդի՝ «Գործընկերություն հանուն լավ կառավարման» համատեղ ծրագրի մասն է, որը համաֆինանսավորվում է Եվրոպական միության և Եվրոպայի խորհրդի կողմից և իրականացվում է Եվրոպայի խորհրդի կողմից «Աջակցություն դատաիրավական բարեփոխումների իրականացմանը Հայաստանում» ծրագրի շրջանակում։