Ծրագրի լուրեր

«Երեխաների իրավունքների պաշտպանությունը Հայաստանում» ծրագիրը Հայաստանում փախստականների ներհոսքին արձագանքման համալիր փաթեթի մաս է, որն իրականացվում է Եվրոպայի խորհրդի՝ Հայաստանի համար իրականացվող գործողությունների 2023-2026թթ․ ծրագրի շրջանակում։ Ծրագրի նպատակն է աջակցել Հայաստանի իշխանություններին՝ միջազգային և Եվրոպայի խորհրդի չափանիշներին համապատասխան երեխաների պաշտպանության համակարգի դիմակայունությունն ու կարողությունները հզորացնելու նրանց ջանքերում։

Ծրագրի հիմնական բաղադրիչներն են՝ 1) առանց ուղեկցողի և ընտանիքից անջատված երեխաների պաշտպանություն հետկոնֆլիկտային համատեքստում, և 2) երեխաների պաշտպանություն սեռական բռնությունից և շահագործումից։

Ծրագիրը հիմնված է հետկոնֆլիկտային պայմաններում երեխաների իրավունքները պաշտպանելու Եվրոպայի խորհրդի փորձի վրա: Եվրոպայի խորհրդի Երեխայի իրավունքների ռազմավարությանը համահունչ` ծրագիրը, ի թիվս այլնի, աջակցում է Միգրացիայի համատեքստում առանց ուղեկցության և ընտանիքից անջատված երեխաների արդյունավետ խնամակալության մասին Նախարարների կոմիտեի CM/Rec(2019)11 հանձնարարականի կատարմանը:

• ՀՀ աշխատանքի և սոցիալական հարցերի նախարարություն
• ՀՀ  կրթության, գիտության, մշակույթի և սպորտի նախարարություն
• ՀՀ ներքին գործերի նախարարություն
• ՀՀ արդարադատության նախարարություն
• ՀՀ առողջապահության նախարարություն
• ՀՀ տարածքային կառավարման և ենթակառուցվածքների նախարարություն 
• ՀՀ մարդու իրավունքների պաշտպանի գրասենյակ
• ՀՀ գլխավոր դատախազություն
• ՀՀ քննչական կոմիտե
• ՀՀ փաստաբանների պալատ
• քաղաքացիական հասարակության կազմակերպություններ
• լայն հասարակություն

Համագործակցության ծրագիրն իրականացվում է Եվրոպայի Խորհրդի կողմից Հայաստանի համար Եվրոպայի խորհրդի 2023-2026 թվականների գործողությունների ծրագրով սահմանված առաջնահերթություններին համահունչ: 

• որդեգրելով բազմակողմանի մոտեցում՝ առաջարկել Եվրոպայի խորհրդի չափանիշներին համապատասխան իրավական և քաղաքական աջակցություն՝ պաշտպանելու հայ երեխաների իրավունքները հետպատերազմյան համատեքստում,
• կենտրոնալ հանրային ծառայողների, պատասխանատու անձանց և այլ մասնագետների կարողությունների զարգացման վրա՝ արդյունավետորեն պաշտպանելու համար հակամարտությունից տուժած հայ երեխաների, ներառյալ՝ առանց ուղեկցության և ընտանիքից անջատված երեխաների իրավունքները,
• բարձրացնել արդյունավետ խնամակալության և երեխաների նկատմամբ բռնության կանխարգելման մասին երեխաների ու ծնողների իրազեկվածությունը։

 Երեխայի իրավունքների պաշտպանության ռազմավարություն (2022-2027)

 Նախարարների կոմիտեի CM/Rec(2019)11 հանձնարարական