ՀՀ կառավարությունը 2022 թվականի փետրվարի 17-ի նիստում թիվ 182-Ն որոշմամբ հաստատեց բուժաշխատողի մասնագիտական էթիկայի կանոնները:
Բարեփոխումների նպատակն է կանոնակարգել Հայաստանի Հանրապետությունում ավագ, միջին և կրտսեր բուժաշխատողներին ներկայացվող էթիկական պահանջների հետ կապված հարաբերությունները՝ բուժաշխատող-պացիենտ, բուժաշխատող-բուժաշխատող հարաբերություններում, ինչպես նաև բուժաշխատողներին ներկայացվող էթիկական պահանջները՝ հանրային առողջության պահպանման ոլորտում: Իրավական ակտի ընդունումը մեծապես կբարելավի պացիենտներին մատուցվող բժշկական օգնության և սպասարկման որակը:
«Բուժաշխատողի մասնագիտական էթիկայի կանոնները» հաստատելու մասին ՀՀ կառավարության որոշման մշակումն իրականացվել է Եվրոպայի խորհրդի «Մարդու իրավունքները կենսաբժշկության մեջ» ծրագրի փորձագիտական աջակցությամբ:
