Back Երիտասարդ եվրոպական դեսպանները բարձր և հստակ ուղերձ են հղում Բուդապեշտից՝ Ո՛Չ ատելությանը

Երիտասարդ եվրոպական դեսպանները բարձր և հստակ ուղերձ են հղում Բուդապեշտից՝ Ո՛Չ ատելությանը

Ավելի քան 50 երիտասարդ եվրոպական դեսպաններ (ԵԵԴ) ծանոթացան ատելության խոսքի և խտրականության դեմ արդյունավետ պայքարի մեթոդներին, ինչը հնարավորություն կտա ԵԵԴ-ներին փոփոխություններ բերելու իրենց համայնքներում հավասարության և բազմազանության խթանման միջոցով՝ ի վերջո նպաստելով առցանց և անցանց ատելության խոսքի և խտրականության դեմ պայքարին:

Բուդապեշտի Եվրոպական երիտասարդական կենտրոնի շենքում Արևմտյան Բալկանների և Արևելյան գործընկերության տարածաշրջանների ԵԵԴ-ները մասնակցեցին «Հավասարության և հակախտրականության խթանում և ատելության խոսքի դեմ պայքար» դասընթացին։ Որպես 2023 թվականին անցկացված առցանց դասընթացի շարունակություն, ԵԵԴ-ները շարունակեցին իրենց ճանապարհը այս անգամ ծանոթանալով մարդու իրավունքների, խտրականության և ատելության դեմ պայքարի և ատելության խոսքի հակադիր պատմությունների ստեղծման հիմնական հասկացություններին։

Դասընթացի ժամանակ ներկայացվեց Եվրոպայի խորհրդի և նրա մարմինների, հատկապես Ռասիզմի և անհանդուրժողականության դեմ եվրոպական հանձնաժողովի (ՌԱԵՀ) աշխատանքը: ԵԵԴ-ներին տրվեցին գործնական հմտություններ մարդու իրավունքներին առնչվող լեզվի կիրառման վերաբերյալ, որոնք նրանք կարող են հետագայում օգտագործել իրենց հաղորդակցական աշխատանքում: Միաժամանակ, ներկայացվեց նաև Արևմտյան Բալկաններում նախորդ սերնդի ԵԵԴ-ների կողմից խտրականության և ատելության խոսքի դեմ պայքարի ոլորտում կատարված աշխատանքը՝ ոգեշնչելու Արևելյան գործընկերության և Արևմտյան Բալկանների տարածաշրջանների ներկա մասնակիցներին: 2020 թվականից ԵԵԴ-ների առաջին խումբը միացավ «Արգելափակի՛ր ատելությունը, կիսի՛ր սերը», իրազեկման բարձրացման նախաձեռնությանը, որն իրականացվել է «Հորիզոնական գործիք» ծրագրի շրջանակներում։

«Երիտասարդ եվրոպական դեսպաններ» ծրագիրը Եվրոպական միության նախաձեռնությունն է՝ ստեղծելու և զարգացնելու հմտություններ և ձևավորելու գաղափարներ փոխանակելու և երիտասարդության շրջանում ԵՄ արժեքներն ու հնարավորությունները խթանելու ցանց: Այս համատեքստում ԵԵԴ-ների դերը ատելության խոսքի դեմ պայքարին աջակցելու և եվրոպական արժեքներին և չափանիշներին համապատասխան հակադիր պատմություններ մշակելու գործում հիմնարար է Արևմտյան Բալկանում և Արևելյան գործընկերության տարածաշրջաններում հավասարության և բազմազանության զարգացման գործընթացում:

ԵԵԴ-ները կշարունակեն աջակցել և հանդես գալ ատելության խոսքի և խտրականության դեմ՝ օգտագործելով հակադիր պատմություններ՝ Ո՛Չ ասելու ատելությանը և խտրականությանը, և ԱՅ՛Ո ասելու՝ մարդու իրավունքներին և հավասարությանը՝ դարձնելով իրենց համայնքներն ավելի բազմազան և հավասար:

Սույն միջոցառումը կազմակերպվել են «Հավասարության խթանում և խտրականության բացառում. դեպի ավելի ճկուն և ներառական հասարակություններ» և «Հավասարության խթանում և ռասիզմի և անհանդուրժողականության դեմ պայքար Արևմտյան Բալկաններում» ծրագրերի շրջանակներում, որոնք իրականացվում են Եվրոպական միություն և Եվրոպայի

խորհրդի համատեղ «Գործընկերություն հանուն լավ կառավարման» և «Հորիզոնական հնարավորություն Արևմտյան Բալկանների և Թուրքիայի համար» ծրագրային ձևաչափերի շրջանակներում։

 

 
ԲՈՒԴԱՊԵՇՏ, ՀՈՒՆԳԱՐԻԱ 17-19 ՀՈՒՆՎԱՐԻ, 2024
  • Diminuer la taille du texte
  • Augmenter la taille du texte
  • Imprimer la page

Եվրոպայի խորհուրդն առաջատարն է մայրցամաքում մարդու իրավունքներով զբաղվող կազմակերպությունների շարքում։ Եվրոպայի խորհրդին անդամակցում են 46 անդամ պետություններ, այդ թվում Հայաստանը։ Եվրոպայի խորհրդի անդամ բոլոր պետությունները միացել են Մարդու իրավունքների եվրոպական կոնվենցիային, որը Եվրոպայում մարդու իրավունքների պաշտպանության հիմնաքարն է։

Երևանում Եվրոպայի խորհրդի գրասենյակը Հայաստանում ներկայացնում է Կազմակերպության Գլխավոր քարտուղարին: Այն սերտորեն համագործակցում է Հայաստանի իշխանությունների հետ` աջակցելու Հայաստանին իրականացնել Եվրոպայի խորհրդի առջև ստանձնած իր պարտավորությունները մի շարք համագործակցային ծրագրերի միջոցով:


 

Եվրոպայի խորհուրդը աշխատում է ձեզ համար։ Մենք ցանկանում ենք տեսանելի դարձնել Եվրոպայի խորհրդի  դերը, չափանիշները և աշխատանքը իր անդամ երկրներում, ցույց տալ, թե ինչպես է երկրի անդամակցությունն Եվրոպայի խորհրդին օգնել հասնել որոշակի արդյունքների կամ փոփոխության: Մեր նպատակն է տարբեր միջոցառումների և գործողությունների միջոցով ընդգծել այն ուղիները, որոնցով Եվրոպայի խորհրդի գործողություններն օգնել են բարելավել անհատների կյանքը և օգտվել հիմնարար իրավունքներից:

 

Անկախ նրանից՝ Մարդու իրավունքների եվրոպական կոնվենցիայի ազդեցությունն է ներպետական մակարդակով, թե տարբեր ոլորտներում Եվրոպայի խորհրդի աշխատանքը, ինչպես օրինակ՝ մահապատժի վերացումը կամ խոսքի ազատության և լրատվամիջոցների ազատության ապահովումը, կամ Ստամբուլի կոնվենցիայի և Կիբերհանցագործության մասին Բուդապեշտի կոնվենցիայի օգնությամբ առցանց կամ տեխնոլոգիաների միջոցով կանանց նկատմամբ բռնության կանխարգելումը, Եվրոպայի խորհուրդը ունի բազմաթից ձեռքբերումներ 1949 թվականից ի վեր: Դիտեք մեր ձեռքբերումները

 

ՄԻԱՑԵՔ ՄԵԶ ՍՈՑԻԱԼԱԿԱՆ ԿԱՅՔԵՐՈՒՄ