Ավստրիական զարգացման համագործակցության կողմից ֆինանսավորվող և Եվրոպայի խորհրդի կողմից իրականացվող «Ժողովրդավարական զարգացում, ապակենտրոնացում և լավ կառավարում Հայաստանում – 2-րդ Փուլ» ծրագիրը հայտարարում է դրամաշնորհային մրցույթ, որի նպատակն է համաֆինանսավորել միջհամայնքային (ՄՀՀ) կամ անդրսահմանային համագործակցության (ԱՍՀՀ) տեխնիկատնտեսական ուսումնասիրությունների իրականացումը:
Դրամաշնորհային մրցույթը բաց է Հայաստանի բոլոր 64 խոշորացված համայնքների համար:
Այն ծրագրերի առաջարկները, որոնք արդյունավետ և հստակ ձևով կհամապատասխանեն դրամաշնորհի չափանիշներին, կստանան դրամաշնորհ հետևյալ անվանակարգերում.
-
Միջհամայնքային համագործակցության կոնկրետ ծրագրերի տեխնիկատնտեսական ուսումնասիրություններ՝ աջակցելու համատեղ ծառայությունների մատուցման միջհամայնքային ծրագրերի իրականացմանը։
-
Անդրսահմանային համագործակցության կոնկրետ ծրագրերի տեխնիկատնտեսական ուսումնասիրություններ՝ աջակցելու, օրինակ, տնտեսական զարգացման կամ համօգտագործվող համայնքային ծառայությունների/ենթակառուցվածքների զարգացման ծրագրերի իրականացմանը։
Դիմում-հայտերը պետք է ուղարկվեն մինչև 2024թ․-ի հունվարի 5-ը (Հայաստանի ժամանակով՝ մինչև ժ․ 24:00-ը)։
Ծրագրերի իրականացման ժամանակահատվածն սկսվում է 2024թ․-ի փետրվարի 1-ից և ավարտվում է ոչ ուշ, քան 2024թ․-ի հուլիսի 31-ը։
Կից ներկայացվում են․
Դիմում-հայտերի ներկայացման հրավերը
Դրամաշնորհային պայմանագրի ձևանմուշը
Հարց ու պատասխան. 
https://rm.coe.int/clarifications-grant-award-procedure-ref-8900-2023-01-arm/1680ae2227
Կոնտակտներ