Մարդու իրավունքներ և կանայք Հայաստանի զինված ուժերում

Սկիզբ՝ 1 հունիսի 2019թ․

Տևողություն՝ 10 ամիս

Բյուջե՝ 287,726 եվրո

Դոնոր՝ ՄԹ կառավարության Հակամարտությունների, կայունության և անվտանգության հիմնադրամ

Գործընկերներ՝ ՀՀ Պաշտպանության նախարարություն, Մարդու իրավունքների պաշտպանի գրասենյակ, Ռազմական դատախազներ, ՀՀ Քննչական կոմիտե, քաղաքացիական հասարակության կազմակերպություններ

Այս Ծրագիրը նպաստել է զինված ուժերում մարդու՝ մասնավորապես կին սպաների իրավունքների ավելի լավ պաշտպանությանը՝ աջակցելով ՀՀ կառավարությանը երաշխավորել հավասար ծառայության պայմաններ կանանց համար և խրախուսել նրանց դրական փոփոխության ջատագովներ լինելը։

Ծրագրի արդյունքերը․

• Օրենսդրության բարեփոխում։ Կառավարությունը մշակեց զինված ուժերում մարդու իրավունքների խախտումների արդյունավետ կանխմանը, քննությանը և արմատախիլ անելուն, ինչպես նաև կանանց և տղամարդկանց միջև խտրականության և անհավասարության նվազեցմանը վերաբերող օրենսդրություն։
• Կարողությունների զարգացում․ հիմնական հաստատություններն իրենց աշխատակազմի համար մշակեցին գենդերազգայուն մեթոդներ, գործիքակազմ, գործընթացներ և դասընթացներ, որոնք կօգնեն կանխել, քննել և արմատախիլ անել մարդու իրավունքների խախտման դեպքերը զինված ուժերում և հաստատել արդյունավետ վերահսկողության արտաքին և ներքին մեխանիզմներ։
• Մարդու իրավունքների վերաբերյալ իրազեկում․ բարձրացվեց զինծառայողների և ապագա զորակոչիկների՝ զինված ուժերի համատեքստում մարդու իրավունքների խնդիրների և հավասարության սկզբունքների վերաբերյալ իրազեկության մակարդակը։

Մարդու իրավունքների համակարգային խախտումների գնահատման մեթոդաբանությունը (անգլերեն լեզվով)

Եվրոպայի խորհրդի որոշ անդամ պետությունների Մարդու իրավունքների եվրոպական դատարանում լիազոր ներկայացուցչի գրասենյակների միջգերատեսչական հանձնաժողովների վերաբերյալ համեմատական վերլուծություն (անգլերեն լեզվով)