Փակ հաստատություններում ինքնավնասման և ինքնասպանության խնդիրներին առավել արդյունավետ արձագանքելու նպատակով՝ քրեակատարողական հիմնարկների (ՔԿՀ) մոտ 170 աշխատակիցներ մասնակցել են ինքնասպանության կանխարգելման միջամտության պլանների վերաբերյալ հմտությունների վրա հիմնված դասընթացների: Չորս երկօրյա և երկու մեկօրյա դասընթացները, որոնք կազմակերպվել են 2024 թվականի հունվար, փետրվար և մարտ ամիսներին, հարմարեցված էին ՔԿՀ ղեկավարության և բազմամասնագիտական թիմերի համար, որոնք ներառում են Հայաստանի բոլոր ՔԿՀ-ներից հոգեբաններ և անվտանգության աշխատակիցներ:
Այս վերապատրաստումների նպատակն էր մասնագետներին զինել համապարփակ գիտելիքներով, հմտություններով և կարողություններով՝ սուիցիդալ վարքի դեպքերն արդյունավետ կառավարելու համար: Դասընթացների նպատակն է ամրապնդել
հոգեկան առողջության աջակցության համակարգերը Հայաստանի ՔԿՀ-ներում՝ դրանով իսկ ապահովելով ազատությունից զրկված անձանց բարեկեցությունը։ Վերապատրաստվողներն ակտիվորեն մասնակցում էին դինամիկ ուսուցման դասընթացներին՝ ուսումնասիրելով ռազմավարություններ, որոնք համապատասխանում են ՔԿՀ միջավայրին բնորոշ հատուկ մարտահրավերներին: Դասընթացները բաղկացած էին ինչպես ինքնասպանության կանխարգելմանն ուղղված միջամտության տեսական հիմքից, այնպես էլ՝ դերախաղերի միջոցով նոր ձեռք բերված գիտելիքները կիրառելու վարժություններից:
Դասընթացները նախագծվել և իրականացել են հիմք ընդունելով Եվրոպայի խորհրդի ազգային և միջազգային փորձագետների կողմից ավելի վաղ մշակված «Հայաստանի քրեակատարողական հիմնարկներում ինքնասպանությունների կանխարգելման հատուկ միջամտությունների ուղեցույցը»:
Միջոցառումը կազմակերպվել է Եվրոպայի խորհրդի կողմից իրականացվող «Ազատությունից զրկված անձանց իրավունքների պաշտպանության ամրապնդումը» ծրագրի շրջանակներում: Ծրագիրը ֆինանսավորվում է Եվրոպայի խորհրդի 2023-2026 թվականների՝ Հայաստանի համար գործողությունների ծրագրի շրջանակներում և իրականացվում է Եվրոպայի խորհրդի կողմից: