Եվրոպայի խորհրդի կողմից իրականացվող «Աջակցություն Հայաստանում փախստականներին ընդունած համայնքներին» ծրագիրը հայտարարում է դրամաշնորհային մրցույթ, որի նպատակն է աջակցել ՏԻՄ-րին՝ իրականացնելու ծրագրեր, որոնք ուղղված են 2023 թվականի սեպտեմբեր-հոկտեմբեր ամիսներին Ղարաբաղից Հայաստանի Հանրապետություն տեղահանված փախստականների հրատապ և միջնաժամկետ կարիքների արձագանքմանը:

Այս դրամաշնորհային մրցույթը բաց է Հայաստանի 6 մարզերի՝ Կոտայքի, Արարատի, Արմավիրի, Սյունիքի, Գեղարքունիքի և Լոռու 43 առավել մեծ թվով  փախստականներ ընդունած համայնքների համար: Ընտրված համայնքները դրամաշնորհներ կստանան այն ծրագրերի համար, որոնք կնպաստեն

(ա) փախստականների համար հիմնական սոցիալական ծառայությունների հասանելիությանը, և/կամ նրանց մարդու իրավունքների պաշտպանության ամրապնդմանը, ինչպես նաև (բ) փախստականների սոցիալ-տնտեսական արագ ինտեգրմանն ու ներառմանը և սոցիալական համախմբվածության ամրապնդմանը:

Դրամաշնորհային մրցույթի բյուջեն կազմում է 100,000 Եվրո: Եվրոպայի խորհուրդը նախատեսում է տրամադրել 4 դրամաշնորհ՝ յուրաքանչյուր համայնքապետարանին՝ 25,000 Եվրո։

Դիմում-հայտերը պետք է ուղարկվեն մինչև 2024թ․-ի ապրիլի 19-ը (Հայաստանի ժամանակով՝ մինչև ժ․ 23:59-ը)։ 

Կից՝ 

Դիմում-հայտերի ներկայացման հրավերը

Ծրագրի դիմում-հայտի ձևը

Բյուջեի ձևը

Աշխատանքային պլանի ձևը

Դրամաշնորհային պայմանագրի ձևանմուշը

Հարց ու պատասխան