Վճարումը ստացողի բանկային տվյալները պետք է ուղարկվեն այն հասցեով, որը նշված է Մարդու իրավունքների եվրոպական դատարանի կողմից դիմողին ուղարկած նամակում` Դատարանի կայացրած վճռին կամ որոշմանը կից նամակում:

Մարդու իրավունքների եվրոպական դատարանի վճիռը բացահայտ կերպով սահմանում է, թե ով պետք է ստանա վճարը: Այս օգտառուն, այնուամենայնիվ, կարող է լիազորել մեկ այլ անձի, իր փաստաբանին, օրինակ, ստանալու խնդրո առարկա գումարները: 18 տարեկանից փոքր անձինք կամ խնամակալության տակ գտնվող անձինք սովորաբար վճարման նպատակների համար ներկայացված են լինում իրենց օրինական ներկայացուցիչներով: Հանգամանքներից ելնելով, երբեմն կարող է անհրաժեշտություն ծագել  հատուկ  պայմանավորվածությունների համար:.

Վճարման  սովորական միջոցը` բանկի հաշվեհամարին փոխանցում կատարելն է: Սակայն, հնարավոր են նաև բացառություններ: Գումարների վճարումը, որ պարտք են արդարացի բավարարում ստացող անձին, կարող է կատարվել նաև այլ միջոցներով, պայմանով, որ այն ողջամտորեն արդյունավետ է (օրինակ` չեկի կամ դրամական փոխադրության, դիմողի անունով բացված հաշվեհամարին գումար դնելով, ազգային բանկի տվյալ մարմնի  պաշտոնական ավանդներում գումարի տեղադրման միջոցով): Կարևորն այն է, որ այդ գումարը մատչելի լինի դիմողի համար և որ նա, որքան որ դա հնարավոր է, տեղյակ լինի այդ իրողությանը:

Եթե դատավճռում այլ բան նշված չէ, պրակտիկան պահանջում է, որպեսզի վճարումը կատարվի ստացողի բնակության վայրում (եթե անգամ դա պատասխանող պետությունը չէ): Սակայն, կողմերի համաձայնությամբ հնարավոր են նաև այլ լուծումներ:

Այն չափորոշիչները, որով հաշվարկվում են ժամկետանց վճարման տոկոսները, երբ արդարացի բավարարման վճարը կատարվել է տրված ժամկետը լրանալուց հետո, սահմանված են  Մարդու իրավունքների  եվրոպական դատարանի որոշման հետ: Տոկոսների  դրույքը սովորաբար համապատասխանում է ժամկետանց վճարումների ժամանակաշրջանի ընթացքում Եվրոպական կենտրոնական բանկի կողմից սահմանային վարկավորման դրույքին գումարած երեք տոկոսային կետեր: Եթե ժամկետանց վճարումների ժամանակաշրջանի ընթացքում այդ դրույքը փոխվել է, հաշվարկը պետք է կատարվի  այդ ժամանակի համար կիրառելի տարբեր դրույքների հիման վրա:

Վճարելիք ժամկետանց տոկոսների հաշվարկման համար խնդրանքով կարելի է դիմել  Վճիռների իրականացման դեպարտամենտ ֆաքսով (+33(0)388 41 27 93), փոստով (Conseil de l’Europe, Service de l’Exռcution des ArrՍts, F-67075  STRASBOURG CEDEX) կամ էլեկտրոնային փոստով ([email protected]): Այս նպատակով էական է նշել գործի դիմումի համարը, վճարված ճշգրիտ գումարը, օգտագործված արժույթը, վճարման իրական ամսաթիվը (այսինքն այն օրը, երբ արդարացի բավարարման համար կանխիկ դրամը իրապես հասանելի էր դիմողին) և հասցեն (էլեկտրոնային կամ փոստային) կամ այն ֆաքսի համարը, որին դուք ուզում եք, որ այս հաշվարկն ուղարկվի:

Եթե միայն դատավճռում բացահայտ կերպով հակառակը նախատեսված չէ, արդարացի բավարարումը ենթակա է  հարկման համաձայն յուրաքանչյուր երկրում գործող կանոնների: Դա նշանակում է, որ սովորաբար Դատարանի կողմից սահմանված գումարից որևէ հարկ չի գանձվում, այսինքն` դատավճիռը մասնավորեցնում է, որ պետությունն ինքը պետք է դիմողին վճարի ցանկացած  հարկի չափով գումար, որ կարող է պահանջվել:

Ես ուղարկել եմ իմ բանկային տվյալները, բայց իմ հաշվի վրա դեռևս ոչինչ չեմ ստացել:

Արդարացի  բավարարման վճարման գործընթացը ակնթարթային չէ, այլ կարող է տևել մի քանի շաբաթ կամ ամիս: Դրա համար կարող են մի շարք պատճառներ լինել.

• վճարումը կատարելու համար դիմողից անհրաժեշտ տեղեկատվության ստացումը,
• պետական հաշվառման կանոններին ենթարկվելու անհրաժեշտությունը,
• բանկերի կողմից գործարքի կատարման ժամանակ տեխնիկական ձգձգումները և փոխանցման միջոցների ընտրությունը:

Ամեն դեպքում պետք է սպասել մինչև վերջնաժամկետի լրանալը:

Եթե այդ ժամկետը լրացել է և արդարացի  բավարարումը չի վճարվել, կամ վճարվել է մասամբ, ապա ձեռնարկվելիք գործողությունը վճարման գործերի ցուցակում Վճիռների իրականացման դեպարտամենտի հետ անմիջապես կապվելն է ֆաքսով (+33 (0) 3 88 41 27 93), փոստով (Conseil de l’Europe, Service de l’Exռcution des ArrՍts, F-67075  STRASBOURG CEDEX) կամ էլեկտրոնային փոստով ([email protected]): Գործին վերաբերող բոլոր փաստաթղթերը պետք է կցված լինեն (օրինակ, այն փաստաթղթի պատճեն, որ դուք ուղարկել էիք ձեր բանկային տվյալները):

ՆՇՈՒՄ. բողոքները պետք է ներկայացվեն  դատավճռի / որոշման հրատարակումից հետո երկամսյա ժամկետում այս վեբկայքում վճարման գործերի ցուցակում: Այս երկամսյա ժամանակաշրջանի ավարտից հետո կհամարվի, որ դիմողը ստացել է արդարացի բավարարման վճարը և ժամկետանց վճարման որևէ տոկոս:

Վճարման վերջնաժամկետը  լրացել է Ես ուղարկել եմ իմ բանկային տվյալները, բայց իմ հաշվի վրա դեռևս ոչինչ չեմ ստացել, կամ ստացել եմ  վճարի մի մասը:

Դուք պետք է անմիջապես կապնվեք Վճիռների իրականացման դեպարտամենտի հետ, ֆաքսով (+33 (0) 3 88 41 27 93), փոստով (Conseil de l’Europe, Service de l’Exռcution des ArrՍts, F-67075  STRASBOURG CEDEX) կամ էլեկտրոնային փոստով ([email protected]), նշելով գործի համարը, ձեր անձնական տվյալներում տեղ գտած որևէ փոփոխություն (հասցե, անուն, բանկային տվյալ) և կցելով գործին առնչվող ցանկացած փաստաթուղթ (օրինակ, այն փաստաթղթի պատճեն, որ դուք ուղարկել էիք ձեր բանկային տվյալները):

ՆՇՈՒՄ. բողոքները պետք է ներկայացվեն դատավճռի / որոշման հրատարակումից հետո երկամսյա ժամկետում այս վեբկայքում գտնվող վճարման գործերի ցուցակում: Այս երկամսյա ժամանակաշրջանի ավարտից հետո կհամարվի, որ դիմողը ստացել է արդարացի բավարարման վճարը և ժամկետանց  վճարման որևէ տոկոս:

Արդարացի բավարարումը  վճարվել է վերջնաժամկետը լրանալուց հետո, իսկ ժամկետանց վճարման տոկոսները չեն վճարվել կամ վճարվել են մասամբ: Դուք պետք է անմիջապես կապնվեք Վճիռների իրականացման դեպարտամենտի հետ, ֆաքսով (+33 (0) 3 88 41 27 93), փոստով (Conseil de l’Europe, Service de l’Exռcution des ArrՍts, F-67075  STRASBOURG CEDEX) կամ էլեկտրոնային փոստով ([email protected]), նշելով գործի հետ կապված  դիմումի համարը, ձեր անձնական տվյալներում տեղ գտած որևէ փոփոխություն (հասցե, անուն, բանկային տվյալ) և կցելով գործին առնչվող ցանկացած փաստաթուղթ (օրինակ, բանկային հայտարարությունը` նշելով վճարման գումարը և ստացման ամսաթիվը):

ՆՇՈՒՄ. բողոքները պետք է ներկայացվեն դատավճռի / որոշման հրատարակումից հետո երկամսյա ժամկետում այս վեբկայքում գտնվող վճարման գործերի ցուցակում: Այս երկամսյա ժամանակաշրջանի ավարտից հետո կհամարվի, որ դիմողը ստացել է արդարացի բավարարման վճարը և ժամկետանց  վճարման որևէ տոկոս: Բողոքները կներկայացվեն համապատասխան մարմինների ուշադրությանը` որևէ հարցի կամ խնդրի արագ պարզաբանման համար:

Բացի այդ, վճարելիք ժամկետանց վճարման տոկոսների հաշվարկման համար խնդրանքով կարելի է դիմել  Վճիռների իրականացման դեպարտամենտի, ֆաքսով (+33 (0) 3 88 41 27 93), փոստով (Conseil de l’Europe, Service de l’Exռcution des ArrՍts, F-67075  STRASBOURG CEDEX) կամ էլեկտրոնային փոստով ([email protected]): Այս նպատակով էական է նշել գործի դիմումի համարը, վճարված ճշգրիտ գումարը, օգտագործված արժույթը, վճարման իրական ամսաթիվը (այսինքն այն օրը, երբ արդարացի բավարարման համար կանխիկ դրամը իրապես հասանելի էր դիմողին) և հասցեն (էլեկտրոնային կամ փոստային) կամ այն ֆաքսի համարը, որին դուք ուզում եք, որ այս հաշվարկն ուղարկվի: