Заштита на слободата на изразување и на слободата на медиумите во Северна Македонија (ПРО-ФРЕКС)

Back Промовирање етичко и родово чувствително известување за случаи на трговија со луѓе во Северна Македонија

Irena BABUSHKOVSKA

Modified 6 Months ago.

Промовирање етичко и родово чувствително известување за случаи на трговија со луѓе во Северна Македонија

Новинари и офицери за комуникации од Северна Македонија ги усовршија своите вештини за етичко и родово чувствително известување за случаи на трговија со луѓе, за време на обуката за градење капацитети, која што беше организирана од проект на Европската унија и Советот на Европа. Обуката, одржана во соработка со Здружението на новинари и Меѓународниот центар за развој на миграциска политика (ICMPD), имаше за цел да ги опреми медиумските професионалци со практични алатки за одговорно известување, заштита на личните податоци и приватноста на жртвите.

Северна Македонија ја ратификуваше Конвенцијата на Советот на Европа за акција против трговијата со луѓе во 2009 година, обврзувајќи се на заштита на жртвите на трговијата со луѓе. Сепак, известувањето за случаи на трговија со луѓе останува сложено, барајќи внимателно балансирање на правото на јавноста на информации со приватноста и личните податоци на жртвите, како и пристап ориентиран кон жртвите при пријавување на такви случаи. За време на обуката учесниците ги истражуваа предизвиците и одговорностите при известување и информирање на случаи на трговија со луѓе.

Маријана МАРУШИЌ-КОС, консултантка на Советот на Европа, ја нагласи важноста од заштита на приватноста на жртвите. "Неоткривањето на личните податоци на жртвата го надминува јавниот интерес. Известувањето без сензационализам, без фотографии, без сцени на страдање и без препознатливи информации за жртвата значи почитување на етичките вредности и заштита на жртвата од повторна трауматизација", рече МАРУШИЌ-КОС.

Активноста им овозможи на новинарите и комуникациските службеници подобро да ја разберат перспективата на жртвите во случаи на трговија со луѓе, да ги зајакнат нивните етички и родово чувствителни вештини за известување и да го подобрат разбирањето за заштита на личните податоци и приватноста на жртвите. Бидејќи мултидисциплинарниот пристап е клучен за успешна превенција и борба против трговијата со луѓе, обуката исто така промовираше дијалог, соработка и мрежно поврзување меѓу институциите и медиумските актери при известување за случаи на трговија со луѓе и родово-базирано насилство.

Оваа иницијатива беше организирана во рамките на акции "Зајакнување на акцијата против трговијата со луѓе во Северна МакедонијаЗајакнување на акцијата против трговијата со луѓе во Северна Македонија" и "Заштита на слободата на изразување и медиуми во Северна Македонија (PRO-FREX) " кои се дел од заедничката програма на Европската унија и Советот на Европа"Хоризонтален објект за Западен Балкан и Турција”.

Скопје, Северна Македонија 16 декември 2025

Diminuer la taille du texte
Augmenter la taille du texte
Imprimer la page

Проектот „Заштита на слободата на изразување и слободата на медиумите во Северна Македонија (ПРО-ФРЕКС)“ им овозможува на институциите корисници и на граѓанските организации во Северна Македонија да напредуваат кон исполнување на нивните реформски агенди во областа на слободата на изразување и слободата на медиумите, во согласност со европските стандарди.

Проектот се спроведува во рамките на заедничката програма на Европската Унија и Советот на Европа „Хоризонтален инструмент за Западен Балкан и Турција“ која трае од 2023 до 2026 година и кој има за цел да придонесе за подобрена средина за остварување на правата на слобода на изразување, особено од страна на новинар(к)ите и медиумските актери, во поплуралистичка и побезбедна медиумска средина, и во согласност со стандардите утврдени во согласност со член 10 на Европската конвенција за човекови права.

Кои се целите и задачите на проектот?

Да се промовира слободата на изразување и слободата на медиумите и да се подобри примената на европските стандарди на темата;
Да се зајакне заштитата на новинар(к)ите и да се придонесе за создавање на овозможувачка, побезбедна и поплуралистичка медиумска средина;
Да се зајакнат вештините и знаењата на актерите кои се одговорни да ги применуваат стандардите за слобода на изразување, како дел од нивната секојдневна работа.

Кој има придобивки од проектот?

Независните државни органи во делот на регулирањето на медиумите (Агенција за аудио и аудиовизуелни медиумски услуги) и пристап до информации и заштита на информации (Агенција за заштита на правото за слободен пристап до информации од јавен карактер и Агенција за заштита на лични податоци);
Здруженија на новинари и медиумски актери во Северна Македонија;
Професионалци/ки како што се суди(јк)и, обвинител(к)и, полицајци/ки, адвокат(к)и, радиодифузери и новинар(к)и;
Луѓето во Северна Македонија.

Како функционира проектот?

Обезбедување правни совети за подобрување на усогласувањето на правните и регулаторните рамки со релевантните европски стандарди;
преку подготовка на истражувањa и поддршка на политиките во областа на слободата на изразување и слободата на медиумите;
преку подигање на свеста кај носителите на должности и имателите на права во однос на релевантните европски стандарди;
преку нудење на можност за градење на капацитети за различни професионални категории, вкотвени во европските стандарди и јуриспруденцијата на Европскиот суд за човекови права (ЕСЧП);
преку олеснување на регионалниот дијалог и размена на добри практики, во синергија со регионалниот проект.

Што очекуваме да постигнеме?

Ќе се подобри правната рамка и ќе се зајакне судската примена на европските стандарди за слобода на изразување, пристап до информации, заштита на податоците и заштита на новинар(к)ите;
Регулаторното тело за медиуми, Агенцијата за заштита на личните податоци, Агенцијата за заштита на правото за слободен пристап до информациите од јавен карактер и јавниот радиодифузер да спроведуваат промени во нивните политики и практики во согласност со европските стандарди;
Безбедноста на новинар(к)ите да се зајакне во однос на справувањето со заканите и нападите, како резултат на воспоставените домашни правни механизми за заштита на слободата на изразување, во согласност со европските стандарди.

Кој е буџетот на проектот?

Вкупниот буџет на проектот е 680.000,00 евра.
Буџетот доделен за целокупната програма за Хоризонталниот инструмент изнесува приближно 41 милион евра (85% финансирано од Европската унија, 15% од Советот на Европа).

Како до повеќе информации?

За Хоризонталниот инструмент за Западен Балкан и Турција

„Хоризонталниот иструмент за Западен Балкан и Турција 2023-2026“ е заедничка иницијатива на Европската Унија и Советот на Европа што им овозможува на корисниците на Западен Балкан и Турција да ги исполнат нивните реформски агенди во областа на човековите права, владеењето на правото и демократијата и да се усогласат со европските стандарди, што е исто така приоритет за процесот на проширување на ЕУ.