Fəaliyyətin məqsədi və vəzifəsi nələrdir?

"Azərbaycanda Media Peşəkarlığı və İnformasiya Azadlığının Təşviqi" layihəsinin məqsədi milli qanunvericiliyi və onun tətbiqini gücləndirməklə, eləcə də media peşəkarlığını artırmaqla Azərbaycanda media və informasiya cəmiyyəti sahəsinin yaxşılaşdırılmasına töhfə verməkdir. Bu məqsədə çatmaq üçün layihə qanunvericilik və institusional islahatlara ehtiyacı nəzərə alan fəaliyyətlərin həyata keçirilməsini, media peşəkarları və sosial media nümayəndələri, eləcə də hakimlər, prokurorlar və vəkillər daxil olmaqla hüquqşünaslar üçün potensialın artırılmasını dəstəkləyir.

Layihə Avropa Şurasının 2022-2026-cı illər üçün Azərbaycan üzrə Fəaliyyət Planı çərçivəsində həyata keçirilir və 2019–2022-ci illərdə icra olunmuş əvvəlki Avropa Şurası layihəsi "Azərbaycan mediasında gender bərabərliyi və digər etik standartların gücləndirilməsi"nin nailiyyətləri üzərində qurulur.

 Maliyyələşmə: Layihənin ümumi büdcəsi 1 325 540 avrodur.

 Layihənin müddəti: 1 iyul 2022 - 31 dekabr 2026

 Leaflet of the project XXX

Fəaliyyətdən kimlər yararlanır?

Azərbaycan Respublikasının Milli Məclisi

Azərbaycan Respublikasının Prezidentinin Administrasiyası

Azərbaycan Respublikasının Medianın İnkişafı Agentliyi

Azərbaycan Mətbuat Şurası

Media təşkilatları və media orqanları

Azərbaycan Respublikasının Ali Məhkəməsi

Azərbaycan Respublikası Ədliyyə Nazirliyinin Ədliyyə Akademiyası 

Azərbaycan Respublikası Ədliyyə Nazirliyi

Azərbaycan Respublikası Rəqəmsal İnkişaf və Nəqliyyat Nazirliyi

Azərbaycan Respublikasının İnsan Hüquqları üzrə Müvəkkili (Ombudsman)

Fəaliyyət necə həyata keçirilir?

Xüsusi hazırlanmış qanunvericilik, potensialın gücləndirilməsi və maarifləndirmə tədbirləri vasitəsilə.

Nə əldə etməyi gözləyirik?

• Avropa Şurasının standartlarına uyğun olaraq məlumatların qorunması və informasiyaya çıxış üzrə hüquqi çərçivənin gücləndirilməsi.
• Münaqişəyə həssas jurnalistika, media və informasiya savadlılığı sahələrində etik və peşəkar standartların təkmilləşdirilməsi və sosial-siyasi hadisələrin mediada işıqlandırılmasının yaxşılaşdırılması.