Preventing and fighting economic crime in Azerbaijan

Layihənin məqsədi

Layihə Avropa Şurasının monitorinq institutlarının tövsiyələrinə və beynəlxalq standartlara uyğun olaraq korrupsiya, çirkli pulların yuyulması və terrorçuluğun maliyyələşdirilməsinin qarşısının alınması və onunla mübarizənin gücləndirilməsi, eləcə də aktivlərin bərpası sahəsində Azərbaycanda milli tərəfdaş qurumların bilik və bacarıqlarının artırılmasına dəstək olur. Ümumilikdə, layihə fəaliyyətləri korrupsiyaya qarşı mübarizə, çirkli pulların yuyulması və digər iqtisadi cinayət hallarının araşdırılması və cinayət təqibi, həmçinin cinayət yolu ilə əldə edilmiş gəlirlərin effektiv şəkildə geri qaytarılması sahəsində qanunvericiliyin və tənzimləyici bazanın təkmilləşdirilməsinə və potensialın gücləndirilməsinə töhfə verir.

Layihə Avropa İttifaqı və Avropa Şurasının “Yaxşı İdarəçilik üçün Tərəfdaşlıq” birgə Proqramının üçüncü mərhələsi çərçivəsində həyata keçirilir. Layihənin icra müddəti 1 mart 2023-cü ildən 28 fevral 2027-ci ilədəkdir. Layihə iqtisadi cinayətkarlığa qarşı mübarizə sahəsində "Yaxşı İdarəçilik üçün Tərəfdaşlıq" proqramının əvvəlki mərhələlərinin (I mərhələ: 2015–2018 və II mərhələ: 2019–2023) nəticələrinin davamı olaraq həyata keçirilir.

Büdcə: 1,002,500 avro

Layihənin icra müddəti: Layihə 1 mart 2023-cü ildən 28 fevral 2027-ci ilədəkdir.

Layihə broşürü

Layihədən kim faydalanır?

Korrupsiyaya qarşı mübarizə üzrə Komissiya
Baş Prokurorluq
Baş Prokuror yanında Korrupsiyaya qarşı Mübarizə Baş İdarəsi
Maliyyə Monitorinqi Xidməti
Ali Məhkəmə
Ağır Cinayətlər Məhkəməsi
Apellyasiya Məhkəməsi
Ədliyyə Nazirliyi və Ədliyyə Akademiyası
Daxili İşlər Nazirliyi
İqtisadiyyat Nazirliyi yanında Dövlət Vergi Xidməti
Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi
Mərkəzi Bank
Dövlət Təhlükəsizliyi Xidməti
Dövlət Gömrük Komitəsi
Azərbaycan Respublikasının Vəkillər Kollegiyası
Auditorlar Palatası
Notariat Palatası
Maliyyə və qeyri-maliyyə institutları
Vətəndaş cəmiyyəti və İctimaiyyət.

Layihə necə fəaliyyət göstərir?

Siyasət və qanunvericiliyin təkmilləşdirilməsi, bilik və bacarıqların artırılması və maarifləndirmə tədbirlərinin yerli mühitə uyğunlaşdırılaraq həyata keçirilməsi vasitəsilə.

Biz nəyə nail olmaq istəyirik?

Korrupsiyanın effektiv şəkildə qarşısının alınması üçün təkmilləşdirilmiş mexanizmlər və bacarıqlar
Çirkli pulların yuyulması, terrorçuluğun maliyyələşdirilməsinə qarşı mübarizə və aktivlərin bərpası sahəsində gücləndirilmiş tədbirlər

İstinad sənədləri

Avropa Şurasının 2022-2026-cı illər üçün Azərbaycan üzrə Fəaliyyət Planı

Monitorinq

Korrupsiyaya qarşı Dövlətlər Qrupu (GRECO)

Ölkə üzrə monitorinq | Azərbaycan

Cinayət Yolu ilə Əldə Edilmiş Əmlakın Leqallaşdırılması və Terrorçuluğun Maliyyələşdirilməsinə qarşı Tədbirlərin Qiymətləndirilməsi üzrə Ekspertlər Komitəsi (MONEYVAL)

Ölkə üzrə monitorinq | Azərbaycan

Əsas Standart Mexanizmləri