29 və 30 iyun 2026-cı il tarixlərdə Ədalət Mühakiməsinin Səmərəliliyi üzrə Avropa Komissiyasının (CEPEJ) ekspertləri 2021-ci ildə tətbiqindən sonra ölkədə mediasiyanın inkişafını qiymətləndirmək məqsədilə Azərbaycana səfər edərək yerində araşdırma aparmışlar.

Səfər zamanı Ədliyyə Nazirliyinin, Ədliyyə Akademiyasının, Məhkəmə-Hüquq Şurasının, birinci instansiya məhkəmələrinin hakimlərinin, Mediasiya Şurasının, Bakıda və regionlarda fəaliyyət göstərən beş mediasiya təşkilatının və Azərbaycan Respublikası Vəkillər Kollegiyasının nümayəndələri də daxil olmaqla, əsas milli maraqlı tərəflərlə məsləhətləşmələr aparılmışdır.

Keçirilmiş məsləhətləşmələrin nəticələrinə, mövcud statistik məlumatlara, habelə hüquqi və institusional çərçivədə baş vermiş dəyişikliklərin təhlilinə əsaslanaraq ekspertlər qiymətləndirmə hesabatı hazırlayacaq və ölkədə mediasiya xidmətlərinin keyfiyyətinin, səmərəliliyinin və davamlılığının daha da artırılmasına yönəlmiş tövsiyələr təqdim edəcəklər.

Bu fəaliyyət Yaxşı İdarəçilik üçün Tərəfdaşlıq III (2023-2027) proqramı çərçivəsində Avropa İttifaqı və Avropa Şurası tərəfindən maliyyələşdirilən və Avropa Şurası tərəfindən icra edilən “Azərbaycanda mediasiyanın təşviqi” layihəsi çərçivəsində təşkil olunub.