Avropa İttifaqı və Avropa Şurası "Yaxşı İdarəçilik üçün Tərəfdaşlıq" proqramının ikinci yerli idarəetmə komitəsinin iclasını təşkil edilmişdir. İclas zamanı iştirakçılar ötən il ərzində əldə olunmuş nəticələri nəzərdən keçirmiş, mövcud çağırışlar və onların həlli yolları ilə bağlı fikir mübadiləsi aparmış, eləcə də 2025-ci il üçün prioritet fəaliyyətləri müzakirə etmişlər. Bu təşəbbüs, milli hakimiyyət orqanlarının əməkdaşlığı davam etdirmək və daxili islahatları Avropa standartlarına uyğunlaşdırmaq öhdəliyini nümayiş etdirir.
"Yaxşı İdarəçilik üçün Tərəfdaşlıq" proqramı əvvəlki mərhələlərdə əldə olunmuş nailiyyətlər əsasında qurulub və Azərbaycana mövcud çağırışların həllində və əsas fəaliyyət sahələrində konkret nəticələrin əldə edilməsində hədəflənmiş dəstək təqdim edir.
Azərbaycanda icra olunan dörd layihə var və bu layihələrin ümumi büdcəsi 2,5 milyon avro təşkil edir. Layihələr Avropa İttifaqı və Avropa Şurası tərəfindən birgə maliyyələşdirilir. Bu layihələr proqramın əvvəlki mərhələlərində əldə olunmuş nəticələr əsasında qurulmuş və milli hakimiyyət orqanlarına ədalət mühakiməsi sistemində mediasiyanın təşviqi, iqtisadi cinayətkarlığın qarşısının alınması və ona qarşı mübarizə, bərabərliyin təşviqi, qadınlara və məişət zorakılığına qarşı mübarizə və onun qarşısının alınması sahələrində dəstək göstərmək məqsədi daşıyır.
Bundan əlavə, Azərbaycan iqtisadi cinayətkarlığın qarşısının alınması və ona qarşı mübarizə, həmçinin qadınların ədalət mühakiməsinə çıxış imkanlarının genişləndirilməsi sahəsində regional layihələrdə də iştirak edir. Bu layihələrin məqsədi müxtəlif ölkələr arasında şəbəkələşməni təşviq etmək, təcrübə və qabaqcıl təcrübələrin mübadiləsi üçün platforma yaratmaq, eləcə də uyğun hallarda ölkəyə məxsus layihələri tamamlayıcı fəaliyyətlərlə dəstəkləməkdir.
Cari mərhələdə "Yaxşı İdarəçilik üçün Tərəfdaşlıq" proqramı çərçivəsində əldə olunmuş ilkin nəticələr haqqında məlumat ingilis və azərbaycanca təqdim edilir.
Azərbaycanda "Yaxşı İdarəçilik üçün Tərəfdaşlıq" proqramı çərçivəsində həyata keçirilən fəaliyyətlər haqqında daha ətraflı buradan oxuyun.
"Yaxşı İdarəçilik üçün Tərəfdaşlıq" proqramı haqqında ətraflı məlumatı buradan tapın.
Bu tədbir Avropa İttifaqı və Avropa Şurasının birgə proqramı olan "Yaxşı İdarəçilik üçün Tərəfdaşlıq" çərçivəsində təşkil edilib. Proqram Avropa İttifaqı və Avropa Şurası tərəfindən birgə maliyyələşdirilir və Avropa Şurası tərəfindən icra olunur.