Kreu i Zyrës së Këshillit të Evropës, Jutta Gützkow, pati një shkëmbim frytdhënës sot me Ministrin e ri të Drejtësisë Ulsi Manja. Diskutimi u përqëndrua në zhvillimet e fundit në lidhje me hartën gjyqësore dhe reformën në drejtësi, rolin e Ministrisë së Drejtësisë si koordinator kombëtar në parandalimin, luftën dhe edukimin ligjor të publikut kundër korrupsionit si dhe disa nisma që do të përmirësojnë kushtet e të drejtave të njeriut të të burgosurve në sistemin e burgjeve.
Në komentet e saj, Gützkow përgëzoi ministrin e ri dhe e prezantoi atë me programet e ndryshme të bashkëpunimit të Këshillit të Evropës të dizajnuara për të përmbushur gjetjet dhe rekomandimet përkatëse të organeve të tij standarde dhe monitoruese.
Nga ana e tij, ministri Manja vlerësoi rolin dhe mbështetjen e rëndësishme të Këshillit të Evropës, teksa kornfirmoi bashkëpunimin e vazhdueshëm në fushat e sipërpërmendura si në nivel politik ashtu edhe në atë teknik.