ევროპის საბჭოს ოფისმა საქართველოში, საქართველოს ადვოკატთა ასოციაციასთან ერთად, ორგანიზება გაუწია ევროპის საბჭოს საერთაშორისო და ადგილობრივი ექსპერტების მიერ მომაზადებული ორი დოკუმენტის განხილვას. ასოციაციის კომიტეტების ეფექტიანობის გაზრდის მიზნით შემუშავებულმა რეკომენდაციებმა და კომუნიკაციის ახალმა სტრატეგიამ მნიშვნელოვანი ინტერესი გამოიწვია.
რეკომენდაციებს საფუძვლად დაედო კომიტეტების არსებული დებულებების ანალიზი, მათი ყოველდღიური საქმიანობის შესწავლა და სამუშაო შეხვედრები კომიტეტების წარმომადგენლებთან. კომუნიკაციის ახალი სტრატეგია აამაღლებს ასოციაციის იმიჯს მის წევრებს შორის და ხაზს გაუსვამს მის მნიშვნელობას. სტრატეგია ასევე მიზნად ისახავს ადვოკატის როლის უკეთ წარმოჩენას საზოგადოებაში.
ღონისძიება ჩატარდა ევროპის საბჭოს პროექტის „ადვოკატის პროფესიის მხარდაჭერა საქართველოში“ ფარგლებში, რომელიც ხორციელდება ნორვეგიის, შვედეთის, დანიის, გერმანიის, ლუქსემბურგის, საფრანგეთის, ნიდერლანდების, ლიხტენშტაინის, ლატვიის, ადამიანის უფლებათა სატრასტო ფონდისა და ბავშვთა მიმართ ძალადობის დასრულების ფონდის მხარდაჭერით.
+99532 2913870/ 71/ 72