ადამიანის უფლებები და ჯანდაცვა საქართველოს ციხეებსა და დახურული ტიპის სხვა დაწესებულებებში II

აღნიშნული პროექტი აგრძელებს და ეფუძნება ევროკავშირისა და ევროსაბჭოს ერთობლივ პროექტს „ადამიანის უფლებები ციხეებსა და დახურული ტიპის სხვა დაწესებულებებში“, რომელიც 2016 წლის თებერვალში დასრულდა. იგი ეხმარება საქართველოს ხელისუფლებას ციხეებსა და დროებითი მოთავსების იზოლატორებში ჯანდაცვის მომსახურების მიწოდების სფეროში მიღწეულ შედეგთა განმტკიცებაში, აგრეთვე ადამიანის უფლებათა დაცვის კუთხით ციხეებში, პოლიციასა თუ სხვა დახურული ტიპის დაწესებულებებში არსებულ გამოწვევებზე რეაგირებაში. პროექტში ღონისძიებათა ფართო სპექტრის შესრულებაა დაგეგმილი: საექსპერტო ანალიზი, ტექნიკური დახმარება მარეგულირებელი ბაზისა და პოლიტიკის ჩარჩო დოკუმენტების ჩამოყალიბებაში, მენეჯმენტისა და მონიტორინგის ინსტრუმენტების შემუშავება, შეფასებითი ვიზიტების განხორციელება და ქვეყნის საჭიროებებზე მორგებული კვლევების ჩატარება, სასწავლო პროგრამების, მასალებისა თუ პუბლიკაციების მომზადება და სხვადასხვა სასწავლო თუ ცნობიერების ასამაღლებელ ღონისძიებათა ორგანიზება (ტრენინგები, კონფერენციები, სამუშაო შეხვედრები და სხვ.), აგრეთვე კოლეგებს შორის გამოცდილების გაზიარება.

პროექტი 18 თვეს გრძელდება და 2017 წლის 31 აგვისტოს სრულდება. პროექტის მთლიანი ბიუჯეტი 745,000 ევროს შეადგენს. პროექტი ხორციელდება ევროკავშირის დაფინანსებით და ევროპის საბჭოს თანადაფინანსებით, ევროკავშირსა და ევროსაბჭოს შორის პროგრამული თანამშრომლობის ფორმატში, რომელიც აღმოსავლეთი პარტნიორობის ქვეყნებისთვისაა განკუთვნილი.

პროგრამის სიახლენი

Back სუიციდის პრევენცია სასჯელაღსრულების სისტემაში

ევროპის საბჭო და ევროკავშირი აგრძელებენ მუშაობას საქართველოს სასჯელაღსრულების დაწესებულებებში ფსიქოლოგთა, ფსიქიატრთა და სოციალურ მუშაკთა შესაძლებლობების გაუმჯობესების კუთხით, ციხეებში სუიციდის პრევენციის პროგრამის (სპპ) უკეთ ადმინისტრირებისათვის. ამ მხარდაჭერის ნაწილია დაკვირვება სუიციდის პრევენციის მულტიდისციპლინური გუნდების მუშაობაზე, რაც 2017 წლის ნოემბერში დაიწყო და მაისში დასრულდა.

აღნიშნული აქტივობის ფარგლებში ევროსაბჭოს 3 ადგილობრივმა ექსპერტმა ზედამხედველობა გაუწია სუიციდის პრევენციის მულტიდისციპლინური გუნდების მუშაობას წინასწარ შერჩეულ დაწესებულებებში.

ზედამხედველობის მიზანი იყო სასჯელაღსრულების დაწესებულებებში სპპ-ის იმპლემენტაციის თვალსაზრისით არსებული მდგომარეობის შეფასება, გაანალიზება, როგორ მუშაობდნენ ამ საკითხებში გადამზადებული თანამშრომლები, მათი დახმარება და რეკომენდაციების შემუშავება შემდგომი გაუმჯობესებისათვის.

15 ივლისს 1 დღიანი სამუშაო შეხვედრის ფარგლებში ადგილობრივმა ექსპერტებმა და მულტიდისციპლინარული გუნდების წევრებმა განიხილეს, იმსჯელეს და შეაფასეს სპპ-ის მიმდინარეობისას გამოკვეთილი პრობლემატური საკითხები და შედეგები.

სპპ-ის შემოღებასა და დანერგვას ევროპის საბჭო პირველივე დღეებიდან უჭერს მხარს, 2013 წლიდან მოყოლებული. საერთაშორისო ექსპერტები თავიდანვე ჩაერთვნენ პროგრამის შემუშავებაში, განიხილეს სხვადასხვა შესაბამისი დოკუმენტი ევროპის საბჭოს სათანადო რეკომენდაციების შუქზე, მონაწილეობა მიიღეს არაერთ შეხვედრაში ადგილობრივ პარტნიორებთან, სადაც მათ საუკეთესო პრაქტიკის მაგალითებსა და სფეროში არსებულ გამოცდილებას უზიარებდნენ.

სპპ-ის შესახებ საგანგებოდ დამუშავებული კურიკულუმითა და მეთოდოლოგიით გადამზადდა 900-მდე სამედიცინო და არასამედიცინო პერსონალი, ციხის დირექტორები, დირექტორების მოადგილეები და მთავარი ექიმები. ტრენინგების მონაწილე ციხის თანამშრომლებმა ისწავლეს მეტი სუიციდის პრევენციის მიზნით დაგეგმილ ღონისძიებებზე, სუიციდის მართვის ტექნიკებზე და აღიჭურვნენ სათანადო უნარებით, თუ როგორ უნდა მოახერხონ სუიციდის მცდელობათა მაქსიმალურად შემცირება და, აქედან გამომდინარე, ხელი შეუწყონ სუიციდის შემთხვევათა შემცირებას.

აღნიშნული ზედამხედველობის პროცესი ნაწილია ევროპის საბჭოს აქტივობებისა, რომლებიც საქართველოს დახურული ტიპის დაწესებულებებში ფსიქიკური ჯანდაცვის გაუმჯობესებას ემსახურება. ისინი ორგანიზებულია ევროსაბჭოსა და ევროკავშირის ერთობლივი პროექტის - „ადამიანის უფლებები და ჯანდაცვა საქართველოს ციხეებსა და დახურული ტიპის სხვა დაწესებულებებში II” – ფარგლებში, რომელიც ევროკავშირისა და ევროპის საბჭოს „პარტნიორობა კარგი მმართველობისთვის“ ნაწილია.

ვმუშაობთ ერთად ადამიანის უფლებების, დემოკრატიისა და კანონის უზენაესობის გასაძლიერებლად!

Diminuer la taille du texte
Augmenter la taille du texte
Imprimer la page

იხილეთ პროგრამის ყველა სიახლე >

პროექტის მიზნები

პროექტის საერთო მიზანია ადამიანის უფლებათა პატივისცემის გაძლიერება და საქართველოს ციხეებში, წინასწარი დაკავების იზოლატორებსა და დახურული ტიპის სხვა დაწესებულებებში მოთავსებულ პირთა ჯანდაცვის (მათ შორის, ფსიქიკური ჯანდაცვის) გაუმჯობესება. უფრო კონკრეტულად, პროექტის მიზანია:

ჯანდაცვის მომსახურების გაუმჯობესება საქართველოს ციხეებსა და დახურული ტიპის დაწესებულებებში.

2. მარეგულირებელი ბაზის გაუმჯობესება საერთაშორისო სტანდარტების შესაბამისად, რის მიხედვითაც წარიმართება იმ პატიმართა და ადამიანების მკურნალობა, ვისაც ფსიქიკური ჯანმრთელობის პრობლემები აქვთ და ფსიქიატრიულ მკურნალობას საჭიროებენ; აგრეთვე, შესაბამისი სამუშაო პრაქტიკის დახვეწა.

3. პრევენციული შესაძლებლობებისა და ღონისძიებების გაძლიერება თავისუფლებააღკვეთილ პირთა უფლებების დასაცავად, ასევე, შიდა და გარე ზედამხედველობის გაუმჯობესება დაკავების ადგილებში, მათ შორის, ფსიქიატრიულ დაწესებულებებში.

პროექტის პარტნიორები

პროექტი ხორციელდება სასჯელაღსრულებისა და პრობაციის, შინაგან საქმეთა, შრომის, ჯანდაცვისა და სოციალურ საქმეთა და იუსტიციის სამინისტროებთან, ასევე სახალხო დამცველის ოფისთან თანამშრომლობითა და პარტნიორობით. ჩართულნი არიან სხვა დაინტერესებული მხარეებიც, რომლებიც ხელს უწყობენ ადამიანის უფლებათა დაცვის კუთხით არსებული ვითარებისა და თავისუფლებააღკვეთილ პირთა ჯანდაცვის გაუმჯობესებას. მათ შორის, დამოუკიდებელი ექსპერტები, ადამიანის უფლებათა დამცველები თუ საზოგადოებრივი ორგანიზაციები, აკადემიური წრეები თუ საერთაშორისო ორგანიზაციები.

მოსალოდნელი შედეგები

- პატიმართა და თავისუფლებააღკვეთილ პირთა გაუმჯობესებული წვდომა ჯანდაცვის სერვისებზე, რომელიც აკმაყოფილებს ხარისხის მინიმალურ სტანდარტს;

- ფსიქიკური ჯანმრთელობის პრობლემების მქონე პატიმართა და ფსიქიატრიული მკურნალობის საჭიროების მქონე პირთა გაუმჯობესებული მკურნალობა, ევროპული და საერთაშორისო სტანდარტების შესაბამისად;

- პრევენციულ ღონისძიებათა გაუმჯობესება ადამიანის უფლებათა დაცვის მიზნით და შიდა თუ გარე ზედამხედველობის მექანიზმების გაძლიერება დაკავების ადგილებში, მათ შორის, ფსიქიატრიულ დაწესებულებებში.

ფოტო ისტორიები - ადამიანის უფლებები ციხეებსა და დახურული ტიპის სხვა დაწესებულებებში

ევროკავშირისა და ევროპის საბჭოს ერთობლივი პროექტი 2013 წელს დაიწყო და მიზნად ისახავს ადამიანის უფლებათა გაძლიერებას და საქართველოს ციხეებში, წინასწარი დაკავების იზოლატორებსა და დახურული ტიპის სხვა დაწესებულებებში მოთავსებულ პირთა ჯანდაცვის (მათ შორის, ფსიქიკური ჯანდაცვის) გაუმჯობესებას.

ჩვენ თავი მოვუყარეთ ამ შესანიშნავ ფოტოებს, რომლებიც ნათლად ასახავენ საქართველოსთვის პროექტის მხარდაჭერას საერთაშორისო სტანდარტების შესაბამისად მარეგულირებელი ბაზის გაუმჯობესების საქმეში.

პროექტის ფარგლებში 50 აქტივობა უკვე ჩატარდა და 3 200 ადამიანზე მეტი გადამზადდა, მათ შორის : სასჯელაღსრულების სისტემის ადმინისტრაციისა და სასწავლო ცენტრის, შინაგან საქმეთა სამინისტროს, ფსიქიატრიული დაწესებულებების, სახალხო დამცველის ოფისის თანამშრომლები, მოსამართლეები, პროკურორები, სამოქალაქო სექტორი წარმომადგენლები და 60 ადგილობრივი ტრენერი . პროექტი აქტიურად ეხმარება საქართველოს საერთაშორისო სტანდარტების შესაბამისად მარეგულირებელი ბაზის გაუმჯობესების საქმეში.

პროექტის მეორე ფაზა 2016 წლის მარტში დაიწყო.