28 იანვარს ევროპის საბჭოს თბილისის ოფისს გადაეცა მადლობის სიგელი საქართველოში პერსონალურ მონაცემთა დაცვის სფეროში შეტანილი წვლილისთვის. 28 იანვარს პერსონალურ მონაცემთა დაცვის საერთაშორისო დღე აღინიშნება. ეს დღე საზეიმოდ აღინიშნა სახელმწიფო ინსპექტორის სამსახურის მიერ შესაბამის ადგილობრივ და საერთაშორისო ორგანიზციებთან ერთად. სიგელი საზეიმოდ გადასცა სახელმწიფო ინსპექტორმა, ლონდა თოლორაიამ ევროპის საბჭოს საქართველოს ოფისის ხელმძღვანელის მოადგილეს, ვაჰაგნ მურადიანს.