2017 წლის 22 მარტს ევროპის საბჭოს წარმომადგენლობა საქართველოში და ევროკავშირის მართლმსაჯულების პროგრამის სასამართლოს მხარდაჭერის პროექტი გამართავს სამუშაო შეხვედრას თემაზე - ნაფიც მსაჯულთა სასამართლო საქართველოში. ღონისძიება ჩატარდება ევროპის საბჭოსა და ევროკავშირის ერთობლივი პროექტის - “საქართველოში ადამიანის უფლებათა ევროპული კონვენციის გამოყენება და ეროვნული კანონმდებლობისა და სასამართლო პრაქტიკის შესაბამისობაში მოყვანა ევროპულ სტანდარტებთან”, რომელიც არის აღმოსავლეთ პარტნიორობის 2015 – 2017 წლის “პროგრამული თანამშრომლობის ჩარჩოს” ნაწილი და ევროკავშირის მართლმსაჯულების პროგრამის - სასამართლოს მხარდაჭერის პროექტის, რომელიც ხორციელდება „ჰულა და კომპანია ჰიუმან დაინამიკს კგ“ (Hulla & Co. Human Dynamic KG) მიერ, ფარგლებში.
მოწვეულ სტუმრებს მიმართავენ ბ-ნი კრისტიან ურსე, ევროპის საბჭოს ოფისის ხელმძღვანელი საქართველოში; ბ-ნი პიტერ დენისი, ატაშე, სასამართლოს მხარდაჭერის პროექტის ხელმძღვანელი, ევროკავშირის დელეგაცია საქართველოში; მოსამართლე ბ-ნი ლევან თევზაძე, იუსტიციის უმაღლესი საბჭოს წევრი; ბ-ნი გიორგი გოგაძე, საქართველოს მთავარი პროკურორის მოადგილე და ბ-ნი დავით ასათიანი, საქართველოს ადვოკატთა ასოციაციის საერთაშორისო ურთიერთობის მდივანი.
შეხვედრა უზრუნველყოფს მოსამართლეების, პროკურორებისა და ადვოკატებისთვის სადისკუსიო პლატფორმას, სადაც განიხილავენ საქართველოში ნაფიც მსაჯულთა სასამართლო სისტემაში არსებულ გამოცდილებასა და სირთულეებს. შეხვედრის მონაწილეებს მიეცემათ შესაძლებლობა, რომ ექსპერტებისგან მოისმინონ ადამიანის უფლებათა ევროპული სასამართლოს პრეცედენტული სამართლის ჭრილში არსებული საერთაშორისო გამოცდილება.
შეხვედრა გაიმართება 10.00 საათზე, ოთხშაბათს, 22 მარტს, სასტუმრო რუმსში (მ. კოსტავას ქ. 14). თარგმანი უზრუნველყოფილია ქართულ და ინგლისურ ენებზე.
მეტი ინფორმაციისთვის: http://eap-pcf-eu.coe.int
საკონტაქტო პირი: ნინო არდია, პროექტის ასისტენტი [email protected] +995599235522