ევროპის საბჭოს პომპიდუს ჯგუფი ამჟამად ახორციელებს პროექტს „ნარკოტიკების პრევენციის მხარდამჭერი ქსელის განვითარება მშობლებისთვის და პროფესიონალებისთვის საქართველოში“, რომლის მიზანია ხელი შეუწყოს ნარკოტიკების მოხმარების და მასთან დაკავშირებული რისკ-ფაქტორების და ქცევის შემცირებას, ისევე როგორც ფსიქოაქტიური ნივთიერებების ავადმოხმარებასთან დაკავშირებული ტრავმის, მენტალური ჯანმრთელობის და კრიზისული დარღვევების შემსუბუქებას.
პროექტის ფარგლებში, ევროპის საბჭოს ადგილობრივი ოფისი საქართველოში აცხადებს ტენდერს საერთაშორისო ექსპერტებისთვის ნარკოტიკების მოხმარების პრევენციის სხვადასხვა საკითხებზე ექსპერტული მომსახურების გაწევის მიზნით.
დავალების და სატენდერო პროცედურების შესახებ დეტალურ აღწერას და დაწვრილებით ინფორმაციას გაეცნობით თანდართულ სატენდერო დოკუმენტებში, რომლებიც ხელმისაწვდომია ინგლისურ ენაზე.
განაცხადების შემოტანის ბოლო ვადაა 2022 წლის 7 ნოემბერი. აღნიშნული ვადის გასვლის შემდეგ მიღებული განაცხადები არ განიხილება.
