Back

ორმოცდახუთი პროკურორი მეტად ინფორმირებულია სისხლის სამართლის საქმეებში საერთაშორისო თანამშრომლობის ძირითად პრინციპებსა და მოდალობებზე

ორმოცდახუთი პროკურორი მეტად ინფორმირებულია სისხლის სამართლის საქმეებში საერთაშორისო თანამშრომლობის ძირითად პრინციპებსა და მოდალობებზე

22-23 ივლისს ევროსაბჭომ და ევროკავშირმა დაასრულეს ტრენინგების სერია პროკურორებისთვის სისხლის სამართლის საქმეებში საერთაშორისო თანამშრომლობის შესახებ. ტრენერი პროკურორების მიერ კოლეგებისთვის ჩატარებული ტრენინგების შედეგად, ორმოცდახუთმა პროკურორმა მიიღო სრულფასოვანი ინფორმაცია  სისხლის სამართლის საკითხებში საერთაშორისო თანამშრომლობის ფუნდამენტური პრინციპების, თანამშრომლობის იურიდიული ჩარჩოებისა და სამართლებრივი ინსტრუმენტების შესახებ ადამიანის უფლებების საკითხების გათვალისწინებით. მონაწილეებმა გაზარდეს ცოდნა მტკიცებულებების შეგროვების ღია წყაროების, სხვადასხვა ქვეყნებთან თანამშრომლობის არსებული სქემების, საგამოძიებო მოქმედებების სპეციფიკისა და ექსტრადიციის შესახებ პატიმრობის გამოყენების ეროვნული და საერთაშორისო სტანდარტების შესახებ.

 

ტრენერმა პროკურორებმა თავიანთ კოლეგებს აცნობეს საერთაშორისო თანამშრომლობის ქსელების შესახებ, როგორიცაა EUROJUST და EUROPOL, განიხილეს ექსტრადიციის შემთხვევებთან დაკავშირებით პროკურორების წინაშე მდგარი გამოწვევები და მათი გადაჭრის გზები.

 

ტრენინგები ორგანიზებულია პროექტის „სისხლის სამართლის მართლმსაჯულების  რეფორმების მხარდაჭერა - სასამართლო რეფორმის  სისხლისსამართლებრივი ასპექტები“ ფარგლებში, რომელიც დაფინანსებულია ევროკავშირისა და ევროპის საბჭოს მიერ და ხორციელდება ევროპის საბჭოს მიერ პროგრამა „პარტნიორობა კარგი მმართველობისთვის” ფარგლებში.