როდის არის შესაფერისი დრო საჯარო დისკუსიის ინიცირებისათვის?
საჯარო დისკუსიის ღონისძიება ჩვეულებრივ კონკრეტულ მიზანს ემსახურება და წინასწარ განსაზღვრულ ჩარჩოშია მოქცეული. მაგრამ არ არის აუცილებელი, რომ საჯარო დისკუსია დროის მოცემულ მომენტში ერთადერთ გადაწყვეტილებამდე მივიდეს.
მონაწილეებს არ უნდა ჰქონდეთ განცდა იმისა, რომ გადაწყვეტილება უკვე იქნა მიღებული და მათ უმნიშვნელო გავლენა შეუძლიათ მოახდინონ. ეს შეეხება ორივე შემთხვევას, როცა გადაწყვეტილებები პოლიტიკურ დონეზეა მიღებული, მაგრამ კრიტიკას იმსახურებენ და როცა საზოგადოების აზრი გადაწყვეტილების მიღებამდეა გათვალისწინებული.
უწყვეტი საჯარო დისკუსია აქტიური საზოგადოებრივი მონაწილეობის კულტურას ქმნის, რაც, თავის მხრივ ხელს უწყობს ცოდნისა და კომპეტენციის ჩამოყალიბებას იმ საკითხებთან დაკავშირებით, რომლებიც ყველა მოქალაქეს კანონებზე და სახელმწიფო პოლიტიკაზე დაქვემდებარებული და სამართლებრივი ულებებითა და ამავე სახელმწიფოს დაცვით მოსარგებლე, ფიზიკური პირი. კომპლექსურ ტერმინებში, როგორიც არის მარ. „მოქალაქეთა ასამბლეა“ სიტყვა მოქალაქე უფრო ფართო მნიშვნელობით იხმარება, ვიდრე კონკრეტული ეროვნებისა და ამ სახელმწიფოში ხმის უფლების მქონე პირი. ეხება.
ადრეული „დინების საწინააღმდეგო“ საჯარო დისკუსია
„დინების საწინააღმდეგო“ საჯარო დისკუსიის აქტივობებს ადგილი აქვთ ადრეულ სტადიაზე სანამ კვლევითი და სამეცნიერო განვითარება გამოყენებას პოვებს. ისინი გამოიყენება, როგორც საზოგადოებრივი გავლენის ზრდის გზა კვლევისა და ინოვაციების მიზნებსა და მიმართულებაზე, რათა მეცნიერება სოციალურად მეტად პასუხისმგებელი გახდეს. საზოგადოების ადრეულ სტადიაზე ჩართვა წვლილს შეიტანს განვითარების საზოგადოებისათვის მისაღები მიმართულებით წარმართვაში.
ღირებულებების, შიშისა და იმედების შეფასებაში საზოგადოების ადრეული ჩართვა დაეხმარება მკვლევარებსა და კანონმდებლებს ინოვაციებისა და მიღწევების საზოგადოებისათვის მისაღები მიმართულებით წარმართვაში.
საჯარო დისკუსია კანონმდებლობასთან კავშირში
საჯარო დისკუსია ხელს უწყობს საერთო საზოგადოებრივი ინტერესის გამოვლენას მოქალაქეთა შორის. ამასთან დაკავშირებით საზოგადოებრივი ინტერესი სახელმწიფოებრივ პოლიტიკასთან ერთად არის ერთი ხერხი საჯარო დისკუსიის სათვალავში ჩასაგდებად.
საკმაოდ ხშირად საჯარო დისკუსია ინიცირებულია სახელმწიფოებრივ პოლიტიკის შემუშავების პროცესთან კავშირში, იმ განზრახვით რომ უზრუნველყოფილი იქნეს კანონში ან სახელმწიფო პოლიტიკაში შესწორებების შემოთავაზება.
როდესაც ინიციატივა პოლიტიკურად წინააღმდეგობრივია, არსებობს უფრო მეტი აუცილებლობა, რომ დრო ფრთხილად იქნეს შერჩეული და თავიდან იქნეს აცილებული იმის ალბათობა, რომ მონაწილეები მხოლოდ განსხვავებულ პოლიტიკურ პოზიციებზე იკამათებენ. ამგვარ ვითარებაში მნიშვნელოვანია საკმარისი დროის დათმობა საკითხების ღრმად გაანალიზებისათვის, რათა დისკუსიაში განსხვავებული აზრი და ფასეულობა იქნეს განხილული.
მეორე მხრივ, როდესაც რთულ საკითხებს აღმოაჩენენ ტრადიციულ პოლიტიკურ წინააღმდეგობებში, საჯარო დისკუსიის პროცესს შესწევს უნარი, ახსნისა და განხილვის საშუალება უზრუნველყოს, აღნიშნული საკითხებთან დაკავშირებით იმ იმედით რომ საერთო ენა გამოინახება.
შესაძლოა გაჩნდეს პოლიტიკურად სენსიტიური დროის თავიდან აცილების საჭიროება, რათა საჯარო დისკუსიის შედეგი უფრო მეტად განხილულ საკითხებს შეესაბამებოდეს, ვიდრე პოლიტიკური მიკერძოების ზეგავლენას განიცდიდეს.
დანია - საჯარო დისკუსია დანიაში ჯანდაცვის სისტემის მომავლის შესახებ (2008)
დანიურმა ტექნოლოგიურმა საბჭომ საჯარო დისკუსია მოაწყო პოლიტიკის განმსაზღვრელი პირებისათვის, სანამ ისინი გადაწყვეტილებას მიიღებდნენ, ინფორმაციის მისაწოდებლად საზოგადოებრივი აზრის თაობაზე, რომელიც, სხვა საკითხებთან ერთად, შეეხებოდა ჯანდაცვის პრიორიტეტებს.
ჯანდაცვის სისტემის მომავალთან დაკავშირებული საჯარო დისკუსია შეეხებოდა პოლიტიკურად სენსიტიურ საკითხს - გარკვული მკურნალობის სახელმწიფო დაფინანსების ჩანაცვლებას პირადით, რისთვისაც მნიშნელოვანი იყო პოლიტიკურად სენსიტიური დროის თავიდან აცილება. ამასთან, პოლიტიკურად სენსიტიურ საკითხს პოლიტიკური კონტექსტი მოშორდა და საჯარო დისკუსიის საგნად გადაიქცა. პოლიტიკის შემუშავება საბოლოოდ დისკუსიის შედეგების მიხედვით წარმიმართა.
ირლანდია - საჯარო დისკუსია აბორტთან დაკავშირებით და კონსტიტუციაში მერვე შესწორების გაუქმების შესახებ (2016)
ირლანდიის კონსტიტუციაში მერვე შესწორების გაუქმების საკითხი, რომელიც აბორტის აკრძალვას შეეხებოდა, პოლიტიკურად საკმაოდ სენსიტიურ პრობლემას წარმოადგენდა, რაც მნიშნელოვანს ხდიდა მოქალაქეთა ასამბლეის პოლიტიკური გავლენისგან დისტანცირებას. ზემოაღნიშნული მიღწეული იქნა საზოგადოებასთან დაინტერესებული მხარეების შეთანხმებით, რომ ეს მხარეები მიკერძოებულ გავლენას არ მოახდენდნენ დებატებზე.
