Back Կլոր սեղան-քննարկում Հայաստանում ապաինստիտուցիոնալացման բարեփոխումների և առանց ուղեկցության և ընտանքից անջատված երեխաների իրավունքների պաշտպանության վերաբերյալ

Կլոր սեղան-քննարկում Հայաստանում ապաինստիտուցիոնալացման բարեփոխումների և առանց ուղեկցության և ընտանքից անջատված երեխաների իրավունքների պաշտպանության վերաբերյալ

Հուլիսի 24-ին Եվրոպայի խորհուրդը կազմակերպեց կլոր սեղան-քննարկում Հայաստանի ազգային իշխանությունների հետ՝ նպատակ ունենալով աջակցել երկրի ջանքերին ապաինստիտուցիոնալացման բարեփոխմանն ու նպաստել առանց ուղեկցության և ընտանքից անջատված երեխաների իրավունքների արդյունավետության բարձրացմանը։

Միջոցառմանը ներկա էին ներկայացուցիչներ ազգային իշխանություններից և քաղաքացիական հասարակության կազմակերպություններից՝ քննարկելու երեխաների պաշտպանության գործող համակարգում առկա բացերն ու կարիքները, ինչպես նաև առաջարկելու գործող և նպատակային առաջարկություններ:

Քննարկմանը բացման խոսքով հանդես եկավ ՀՀ աշխատանքի և սոցիալական հարցերի փոխնախարար Տաթևիկ Ստեփանյանը, ով կարևորեց առանց ուղեկցության և ընտանքից անջատված երեխաների իրավունքների պաշտպանությունը։ Ստրասբուրգում ԵԽ Երեխաների իրավունքների բաժնի ծրագրերի ղեկավար Կարին Մորոն և Անն-Լոր Բոլյոն ընդգծեցին պետական իշխանությունների, քաղաքացիական հասարակության և այլ հիմնական շահագրգիռ կողմերի միջև սերտ համագործակցության անհրաժեշտությունը երեխայակենտրոն խնամքի և պաշտպանության համակարգի մշակման գործում:

Միջոցառման ընթացքում ԵԽ միջազգային և ազգային փորձագետներ Իրինա Ուռումովան, Դավիթ Մելքոնյանը և Սերգեյ Ղազինյանը ներկայացրին Հայաստանում երեխաների իրավունքների պաշտպանության բարձրացմանն ուղղված գործնական առաջարկությունների համապարփակ փաթեթ՝ հատուկ ուշադրություն դարձնելով առանց ուղեկցության և ընտանքից անջատված երեխաներին։ Առաջարկությունները հիմնված են կարիքների գնահատման զեկույցի վրա, որը մշակվել է 2024 թվականի մայիսից հուլիս ամիսներին:

Միջոցառումն եզրափակվեց համագործակցության ամրապնդման և բարեփոխումների օրակարգի արդյունավետ իրականացման ապահովմանն ուղղված համատեղ հանձնառությամբ։ Սա ենթադրում է օրենսդրական փոփոխությունների մշակում, կարողությունների զարգացում և երեխաների հետ ու նրանց համար աշխատող մասնագետների իրազեկվածության բարձրացում: Որպես ծրագրի շարունակություն, երեխաների հետ աշխատող մասնագետների համար կմշակվեն ուղեցույցներ հոգեկան առողջության և հոգեսոցիալական աջակցության, ինչպես նաև արդյունավետ խնամակալության վերաբերյալ:

 

Միջոցառումը կազմակերպվել էր «Հայ երեխաների իրավունքների պաշտպանությունը հետկոնֆլիկտային համատեքստում» ծրագրի շրջանակներում։

 

 

 

 

 

ԵՐԵՎԱՆ, ՀԱՅԱՍՏԱՆ 24 ՀՈՒԼԻՍԻ, 2024թ․
  • Diminuer la taille du texte
  • Augmenter la taille du texte
  • Imprimer la page

Եվրոպայի խորհուրդն առաջատարն է մայրցամաքում մարդու իրավունքներով զբաղվող կազմակերպությունների շարքում։ Եվրոպայի խորհրդին անդամակցում են 46 անդամ պետություններ, այդ թվում Հայաստանը։ Եվրոպայի խորհրդի անդամ բոլոր պետությունները միացել են Մարդու իրավունքների եվրոպական կոնվենցիային, որը Եվրոպայում մարդու իրավունքների պաշտպանության հիմնաքարն է։

Երևանում Եվրոպայի խորհրդի գրասենյակը Հայաստանում ներկայացնում է Կազմակերպության Գլխավոր քարտուղարին: Այն սերտորեն համագործակցում է Հայաստանի իշխանությունների հետ` աջակցելու Հայաստանին իրականացնել Եվրոպայի խորհրդի առջև ստանձնած իր պարտավորությունները մի շարք համագործակցային ծրագրերի միջոցով:


 

Եվրոպայի խորհուրդը աշխատում է ձեզ համար։ Մենք ցանկանում ենք տեսանելի դարձնել Եվրոպայի խորհրդի  դերը, չափանիշները և աշխատանքը իր անդամ երկրներում, ցույց տալ, թե ինչպես է երկրի անդամակցությունն Եվրոպայի խորհրդին օգնել հասնել որոշակի արդյունքների կամ փոփոխության: Մեր նպատակն է տարբեր միջոցառումների և գործողությունների միջոցով ընդգծել այն ուղիները, որոնցով Եվրոպայի խորհրդի գործողություններն օգնել են բարելավել անհատների կյանքը և օգտվել հիմնարար իրավունքներից:

 

Անկախ նրանից՝ Մարդու իրավունքների եվրոպական կոնվենցիայի ազդեցությունն է ներպետական մակարդակով, թե տարբեր ոլորտներում Եվրոպայի խորհրդի աշխատանքը, ինչպես օրինակ՝ մահապատժի վերացումը կամ խոսքի ազատության և լրատվամիջոցների ազատության ապահովումը, կամ Ստամբուլի կոնվենցիայի և Կիբերհանցագործության մասին Բուդապեշտի կոնվենցիայի օգնությամբ առցանց կամ տեխնոլոգիաների միջոցով կանանց նկատմամբ բռնության կանխարգելումը, Եվրոպայի խորհուրդը ունի բազմաթից ձեռքբերումներ 1949 թվականից ի վեր: Դիտեք մեր ձեռքբերումները