Back Քաղաքացիական հասարակությունը համատեղ քննարկում է Հայաստանում փախստական կանանց եւ աղջիկներին աջակցության ուղիները

Քաղաքացիական հասարակությունը համատեղ քննարկում է Հայաստանում փախստական կանանց եւ աղջիկներին աջակցության ուղիները

Եվրոպայի խորհուրդը կազմակերպել է «Միասին հանուն զորեղացման» համաժողովը, որը միավորեց ավելի քան 17 քաղաքացիական հասարակության կազմակերպություններ (ՔՀԿ), այդ թվում ինչպես երկարատև գործունեություն իրականացրած, այնպես էլ վերջին շրջանում փախստական կանանց կողմից հիմնված կազմակերպությունները: Միջոցառումը նպաստել է ՔՀԿ-ների կարողությունների ամրապնդմանը՝ Հայաստանում փախստական կանանց աջակցության և նրանց սոցիալական ու տնտեսական հզորացման ուղղությամբ։

Համաժողովը խթանել է ՔՀԿ-ների արդյունավետ ռազմավարությունների համատեղ մշակման և փախստական կանանց առջև ծառացած մարտահրավերների առավել համապարփակ արձագանքելու կարողությունները։ Մասնակիցներն ունեցան ինտերակտիվ քննարկումներ կոալիցիաների ձևավորման, փոխհամագործակցության և հաղորդակցության բարելավման ուղղություններով:

Բացի այդ, մասնակիցները ուսումնասիրեցին միջազգային կարևորագույն մեխանիզմներ, ինչպիսիք են՝ Եվրոպայի Խորհրդի «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին» կոնվենցիան (Ստամբուլի կոնվենցիա) և Եվրոպայի խորհրդի CM/Rec(2022)17 «Միգրանտ, փախստական և ապաստան հայցող կանանց և աղջիկների իրավունքների պաշտպանության» մասին հանձնարարականը։ Վերջիններս կարևոր նշանակություն ունեն փախստական կանանց և աղջիկների իրավունքների պաշտպանության համար:

Քննարկվել են նաև կանանց նկատմամբ բռնության թվային դրսևորումները (օրինակ՝ սեռական բնույթի առցանց ոտնձգությունը կամ կիբեր հետամտումը):

ՔՀԿ ներկայացուցիչներից մեկը նշել է. «Միջոցառումը հնարավորություն ընձեռեց միավորելու մեր ջանքերը, և կնպաստի այս գործում ներգրավված ՔՀԿ-ներին համատեղ արձագանքել փախստականներին հուզող հարցերին»։

Բոլոր 25 մասնակիցները հաստատել են իրենց պատրաստակամությունը շարունակելու այս նախաձեռնությունը՝ ստեղծելով ՔՀԿ-ների համագործակցային հարթակ, որը սատարելու է փախստական կանանց և աղջիկներին:

Միջոցառումն իրականացվել է Եվրոպայի խորհրդի «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում։

ԴԻԼԻՋԱՆ, ՀԱՅԱՍՏԱՆ 1-2 ՀՈԿՏԵՄԲԵՐԻ, 2024թ․
  • Diminuer la taille du texte
  • Augmenter la taille du texte
  • Imprimer la page

Եվրոպայի խորհուրդն առաջատարն է մայրցամաքում մարդու իրավունքներով զբաղվող կազմակերպությունների շարքում։ Եվրոպայի խորհրդին անդամակցում են 46 անդամ պետություններ, այդ թվում Հայաստանը։ Եվրոպայի խորհրդի անդամ բոլոր պետությունները միացել են Մարդու իրավունքների եվրոպական կոնվենցիային, որը Եվրոպայում մարդու իրավունքների պաշտպանության հիմնաքարն է։

Երևանում Եվրոպայի խորհրդի գրասենյակը Հայաստանում ներկայացնում է Կազմակերպության Գլխավոր քարտուղարին: Այն սերտորեն համագործակցում է Հայաստանի իշխանությունների հետ` աջակցելու Հայաստանին իրականացնել Եվրոպայի խորհրդի առջև ստանձնած իր պարտավորությունները մի շարք համագործակցային ծրագրերի միջոցով:


 

Եվրոպայի խորհուրդը աշխատում է ձեզ համար։ Մենք ցանկանում ենք տեսանելի դարձնել Եվրոպայի խորհրդի  դերը, չափանիշները և աշխատանքը իր անդամ երկրներում, ցույց տալ, թե ինչպես է երկրի անդամակցությունն Եվրոպայի խորհրդին օգնել հասնել որոշակի արդյունքների կամ փոփոխության: Մեր նպատակն է տարբեր միջոցառումների և գործողությունների միջոցով ընդգծել այն ուղիները, որոնցով Եվրոպայի խորհրդի գործողություններն օգնել են բարելավել անհատների կյանքը և օգտվել հիմնարար իրավունքներից: բարելավել անհատների կյանքը և օգտվել հիմնարար իրավունքներից: 

Անկախ նրանից՝ Մարդու իրավունքների եվրոպական կոնվենցիայի ազդեցությունն է ներպետական մակարդակով, թե տարբեր ոլորտներում Եվրոպայի խորհրդի աշխատանքը, ինչպես օրինակ՝ մահապատժի վերացումը կամ խոսքի ազատության և լրատվամիջոցների ազատության ապահովումը, կամ Ստամբուլի կոնվենցիայի և Կիբերհանցագործության մասին Բուդապեշտի կոնվենցիայի օգնությամբ առցանց կամ տեխնոլոգիաների միջոցով կանանց նկատմամբ բռնության կանխարգելումը, Եվրոպայի խորհուրդը ունի բազմաթից ձեռքբերումներ 1949 թվականից ի վեր:

Դիտեք մեր ձեռքբերումները