თბილისი, 06.07.2012 – 2012 წლის 6 ივლისს ევროპის საბჭო - ევროკავშირის ერთობლივი პროგრამის ფარგლებში - `მედიის თავისუფლების, პროფესიონალიზმისა და პლურალიზმის მხარდაჭერა სამხრეთ კავკასიასა და მოლდოვაში 2011-2012~ სასტუმრო «ბეთსიში»  გაიმართება მრგვალი მაგიდა ინფორმაციის თავისუფლების თემაზე, რომელშიც მონაწილეობას მიიღებენ მედიისა და არასამთავრობო ორგანიზაციათა წარმომადგენლები. ღონისძიების პარტნიორია ინფორმაციის თავისუფლების განვითარების ინსტიტუტი. 

ამ არასამთავრობო ორგანიზაციის წარმომადგენლები, გარდა ზოგადად არსებული მდგომარეობისა, ისაუბრებენ მათ მიერ ბოლო დროს გაწეული შრომის შესახებ და მსმენელებს გააცნობენ სიახლეს, რომელიც ახლო მომავალში მათი უშუალო ჩართულობით დაინერგება საჯარო დაწესებულებათა ვებ საიტებზე, კერძოდ, ერთი ვებ გვერდი სპეციალურად გამოიყოფა საჯარო ინფორმაციისათვის.  

ღონისძიების მონაწილეებს ასევე მიეცემათ შესაძლებლობა, მოუსმინონ ინფორმაციის თავისუფლების პროგრამის სამართლებრივი ჯგუფის ხელმძღვანელს ბულგარეთში ალექსანდრ კაშუმოვს, რომელიც დამსწრეთ წარმოადგენს ბულგარეთის პრაქტიკას. შეხვედრა ღია იქნება დისკუსიისთვის. 

დამატებითი ინფორმაცია :

ევროპის საბჭოს ოფისი საქართველოში

ძმები კაკაბაძეების ქ. 26, 0115 თბილისი

ტელ : + 995 32 291 38 70/71/72/73

ფაქსი : + 99532 291 38 74

ელ.ფოსტა : informtbilisi@coe.int

ვებ გვერდი: http://www.coe.ge

მობ: (+995 593) 727767

დამატებითი ინფორმაციისათვის იხილეთ: www.coe.int / www.coe.ge