Dokumentura katar o KM

 

KM(2004) 179  2to Novembro 2004to bersh

____________________________

 

 

902to Kidipe, 3to Novembro 2004to bersh

6 Socialno Kohezija

6.1 Europako Forumo le Romengo thaj le Phirutnengo - Raporto pala o Finalno Aktiviteto

______________________________

 

1.   Ando 24to Januaro, 2004to bersh, e Prezidentka le Finlandoski, e Raj Tarja Halonen, kana vazdas peski vorba angla o Parlamentarichno Ansamblo katar o Konsilo le Europako kerdas o propozalo ke „seriosno konsideracija te del pes kodoleske ke trebul te kerel/vazdel pes e Romenge sar jekh konsultativno asamblo te reprezentil len ko pan-Europako nivelo“. Kadi sas e angluni iniciativa savi kamelas te del e Romen o glaso/hang  thaj o shajpe ke te participin ande le procesura kaj lel pes decizija ko Europako nivelo.

 

2.   Sar jekh rezultato katar o intereso thaj o dzutimo pe jekh rig katar o Finicko Governo thaj pe aver rig katar e reprezentantura le Romenge, o Finicko Governo vazdas kado propozalo ando Komiteto le Ministerengo. Ande peski 111to Sesija ando 6-7to Novembro 2002to bersh, o Komiteto le Ministerengo „lvazdas pesko intereso pala o Finicko proposalo ke te kerel pes jekh „Europako Romano Forumo“ thaj akhardas peske deputaton te dzan maj dur te dikhen pala kadi buki, thaj te inkeren ande peski godi ke si lan topikalno natura thaj ke te keren te avel kontinuiteto“.

 

3.   E deputatura phende le Raporteur Grupake pala le Socialne thaj Sastimaske puchimata (GR-SOC) te „ keren maj dur e buki pala e Finicko inicijativa ke te vazdel pes jekh „Europako Romano Forumo“ thaj te inkeren ande godi ke si la topikalno natura, thaj te del len propozalura ke sar te dzal maj dur kadi iniciativa“ (816to kidipe, 13to Novembro 2002to bersh, item 1.5).

 

  

4.   Ando 8to Januar 2003to bersh, e Raporteur Grupa pala le Socialne thaj Sastimaske puchimata (GR-SOC) las decizija te kerel jekh ad-hoc bukiaki grupa savean te avel lan e buki te analizil o puchipe te shaj kerel pes jekh Forumo le Romenge thaj le Phirutnenge (GT-ROMS).  Kodole grupake das pes lake specifichno referencijake termenura (dikhen o Appendix I) thaj manglas pes latar te analizil jekh lista puchimatengi (dikh o Appendix II).

 

5.   E Bukiaki Grupa kidas pes ohto var ando 2003to1 bersh thaj ohto var ando 2004to2 bersh.

 

6.   E Bukiaki Grupa astardas peski buki dikhindos te si kompatibilno e iniciativa le Artikolosa 14to katar e Europaki Konvencija pala e Manushenge Chachimata (dikh o Appendix I).  E grupa las decizija ke si importanto ka kodi faza te na lel but vrama, ke te shaj e Bukiaki Grupa te astarel te dikhel pala konkretno bukia sar maj sig. Atunchi shaj te konsiderin sar te regrupin kadala puchimata, save aba sas ande lista le puchimatengi kerdi katar o GR-SOC. Pashe sas te thon pes vi aver punktura pe lista kana e buki maj dur dzal.

 

7.   E Bukiaki Grupa las decizija ke si but importanto te keren shunimata, thaj vi ande angluni bukiaki faza. O cilo sas inter alia  te kiden informacija pala le aktivitetura save aba kerde aver internacionalne organizacije, vi le non-vladikane organizacii, thaj vi ando Konsilo le Europako. Ande kado konteksto, maj but delegacii phende ke trebun te keren buki pashe le Kongresosa katar e Lokalne thaj Regionalne Autoritetura thaj le Asamblosa Parlamentarichno. Aver institucii anda o Konsilo le Europako, kade sar si o Komisionari pala le Manushenge Chachimata, o Komiteto kaj del sfato pala e Konvencija anda e Protekcija katar e Nacional Minoritetura, e Europaki Komisija  kontra o Rasismo thaj Intoleranca, thaj o MGS-ROM si te avel pashe ande buki kana keren shunimata vaj vi ande k-aver felura. E Bukiaki Partia las decizija ke trebul te avel pashutne thaj regularno kontaktura le Europake Uniasa thaj OSCEsa.

 

Observerura  

 

8.   O Raj Nicolae Gheorghe, katar o OSCE/ODIHR, e Raj Catherine Magnant savi reprezentil o Generalno Direktorato anda e Avrutne Relacije katar e Europaki Komisija, o Raj Andrzej Mirga, o Chairman katar o Konsilo la Europako E Psecilat Grupa pa Roma, Gypsies thaj Travellers (MG-S-ROM), o Raj Nezdet Mustafa, o reprezentanto le Romane organizacijenge  thaj membrura katar o Sekretariato katar o Konsilo le Europako save sas akharde sar observerura ande peske kidimata.

 

I. O Kompatibiliteto katar o propozalo le principosa katar e non-diskriminacija kade sar phenel pes ando Artikolon 14 anda e Europaki Konvencija pala le Manushenge Chachimata.

 

9.   O puchipe kana o Forumo si kompatibilno le principosa le non-diskriminacijako anda o Artikolo 14 anda Konvencija sas shuto ande le puchimata saven e Bukiaki Grupa sas te analizin maj anglal. E Bukiaki Grupa phandadas e diskusija pala kado puchipe thaj ashilas ke te kerel pes jekh institucija savean si lan konsultativno statuso. Kothe chi sas chi sosko direktno phanglipe ko puchipe pala le nacional minoritetura, jekh puchipe pala savo e Bukiaki Grupa dzanelas ke le Governon sas len aver interpretacii.

 

 

II. Strukturi save aba si anda e participacija le Romengi/Phirutnengi ande Europa

 

10. Te shaj te asistin o GT-ROMS te kidel relevanto informacija pala e participacij ale Romengi/Phirutnengi k nacionalno nivelo, o Sekretariato bishladas jekh puchimatengo lil ke le permanento reprezentantura. E Bukiaki Grupa kerdas analiza po lil ramosardo katar o Sekretariato pe baza le vorbengi so dine parpale 25 participantura ande jekh specialno kidipe thaj cirdas e konkluzija ke kado eksamplo sikadas ke e situacije si aver mashkar le thema kaj strukturi pala e Romengi participacij asas aba. E Bukiaki Grupa konsideril ke kado lil shaj te avel lasho ando avutnipe sar jekh background lil.

 

 

III. Shunimata

 

Internacionalno organizacije thaj strukturi

 

11. Sar rig anda peski buki, e Bukiaki Grupa kerdas analiza pe le aktivitetura katar e aver internacionalno organizacii  thaj strukture save keren buki pala le Romenge/Phirutnenge puchimata. Shundas lengo dikhipe pala kodo ke te vazdel pes jekh Forumo e Romenge thaj a Phirutnenge thaj ssar shaj von te ko-operin kasave institucijasa. Ande kado konteksto e Bukiaki Grupa parubdas dikhimata le:

 

-     Ambasadoresa Liviu Bota, o Sherutno katar e OSCE bukiaki grupa anda e Akcijako Plano anda e Roma;

-  O Raj Steven Wagenseil, Deputy Direktori anda o OSCE ODIHR;

-     E Raj Catherine Magnant, savi reprezentil o Girektorato Generalno anda e Avrutne Relacije katar e Europaki Komisija;

 

12. E ideea/ o gindo ke te vazdel pes jekh Forumo sas lashi le mansuhenge save sas akharde. Von konsiderinas ke te vazdel pes kasavi institucija kodo kerela te den e Romenge/Phirutnenge jekh glaso/hang thaj von bi dikhenas o shajpe te keren buki pashe kadale institucijasa.3

 

 

Institucii anda o Konsilo la Europako

 

 

13. E Bukiaki Grupa sa kade shundas kodo so gindinas le reprezentantura anda le institucii anda o Konsilo la Europako thaj kerdas analiza ke te si shajpe te kerel pes kooperacija mashkar lende thaj o Forumo. Von sas:

 -    O Raj Rainer Hoffmann, o Prezidento katar o Komiteto so del sfato pala e Konvencija anda e Protekcija le Nacional Minoritateange;

-     O Raj Michael Head, o Sherutno katar e Europaki Kmisija kontra o Rasismo thaj Intoleranca (ECRI);

-     O Raj Alvaro Gil-Robles, o Komisionari pala le Manushenge Chachimata;

-     O Raj Andrzej Mirga, o Sherutno katar MG-S-ROM;

-     E Raj Danielle Coin, e Sherutni katar o Sekretariato katar o Komiteto pala e Legalne bukia thaj Manushenge Chachimata katar o Parlamentarichno Asamblo;

-     O Raj Alessandro Mancini, o Sekretaro katar o Komiteto pala e Socilano Kohezija katar o Kongreso katar e Lokalne thaj Regionalne Autoritetura katar o Konsilo la Europako.

 

14. Sa kadala institucii sas pozitivno karing o gindo ke te vazdel pes jekh konsultativno Forumo e Romenge thaj e Phirutnenge thaj konsiderin inter alia ke shaj dzutilas lenge te avel len dzutimo katar e Roma thaj e Phirutne ande penge aktivitetura.  Von phenenas sar e situacija le Romengi thaj le Phirutnengi si but seriosno, ke malaven pes problemonca diskriminacijake thaj socialno ekskluzijake ande maj but thema. Sa kade, phendas pes ke trebul te kerel pes siguro ke kasavo Forumo si reprezentativno. O Komisionari pala le Manushenge Chachimata phendas ke si musaj sar maj sig te kerel pes kasavi institucija. 4

 

 

E Romenge thaj e Phirutnenge organizacije

 

15. Butivar, e Bukiaki Grupa kidas pes le reprezetantonca katar le organizacii le Romenge thaj le Phirutnege te shaj shunel lengo dikhipe pala o vazdimo le Forumosko thaj pala e Francuzisko/Finlandisko kontribucija ( dikh o Kapitolo IV). Ande kadala kdimata, kerdas pes klaro ke e Romengo/Phirutnengo komuniteto kamel sar maj sig te kerel pes kado Forumo thaj von akceptujnas te vazdel pes o Forumo ande forma jekh asociaciako. Maj but propozalura kerde pala kodo ke sar te keren gata o Forumo. 5

  

16. Pashe, e Bukiaki Grupa sas lan diskusija le Romenca/Phirutnenca soske kothe ande  Grupa sas o Raj Nezdet Mustafa, manush alosardo te vorbil ando anav katar maj but Romane/Phirutne organizacije.

 

 Eksploratorichno Grupa

 

 

17. E Bukiaki Grupa kidas pes vi le Rajesa Gunnar Jansson, o Sherutno katar o informalno Eksploratorichno grupa, thaj e Rajesa Nezdet  Mustafa, savo sas membro e Grupako. 6

 

 

IV.  Francuzisko/Finicko propozalo anda jekh Europako Forumo anda e Roma thaj Phirutne

           

18. Ando Juli 2003to bersh, e Franca thaj o Finlando kerdas jekh khetani kontribucija anda o GT-ROMS (dikh o Appendix III). Kadal aduj thema konsiderinas ke vi kana akceptujsajlas ke si musaj te kerel pes kasavo Forumo, e dikusii sikade ke si delegacii save nebi kamenas te kerel pes o Forumo, soske si te vazden pes e definicija pala e minoritetura savi naj pala lengi legislacija. Anda kado von kerde buki khetane te arakhen jekh modelo savo te avel akceptujme katar sa e governura katar o Konsilo la Europako ale vi katar e Roma thaj Phirutne. O modelo savo sas propunime sas kerdo pala e independento konsultanca, internacionalno asosiacija, saven bi avela len regularno kooperacija thaj bukiake relacije le Konsilosa la Europako.

 

19. Mashkar e maj importanto konsideracii katar o Finlando thaj Franca sas ke o Forumo te avel les jekh reprezentativno thaj balansime kompozicija. Sas importanto te implementil pes geografichno thaj gender balanso, te shaj te avel jekh chachi reprezentacija thaj jekh chacho Europako Forumo. Lengo propozalo sikadas jekh generalno dikhipe ke sar te avel vazdino o Forumo. Si te arakhen pes maj precisno solucije ande diskusija  ande Bukiaki Grupa.

 

20. E Bukiaki Grupa adoptisardas o propozalo kerdo katar e Franca thaj o Finlando, ke e reprezentacija le Romengi si te avel kerdi jekh institucija, savi vi kana avela autonomo katar o Konsilo la Europako, pala organizacionalno rig, von avena inke pashe asociatura kana keren jekh parteneriato. E konkluzija kadale parteneriatoski si ke te kerel pes jekh maj buhlo kontrakto kaj te ramon pes e generalne principura saven o Forumo te respetujl, ande relacija ke puchimata pala reprezentativiteto, transparenca thaj demokracija. Pala o propozalo, o cilo ande politika karing e Roma thaj Phirutne ashilas lengi integracija mashkar le aver lokalno pupolacii thaj o maripe kontra e diskriminacijako. O Forumo chi kamel te lel o than katar e lokalno thaj nacionalno politike, ale te dzutil pashe thaj te kerel len maj lashe/eficiento. 

  

21. Ande diskusija savi sasmaj palal, but delegatura sikade pesko intereso ke te dzutin pashe ke Francuzisko/Finicko kontribucija. Von dikhenas les sar jekh paso maj dur thaj jekh lashi baza ke te kerel peski buki maj dur e Bukiaki Grupa. Maj but delegacii sikade pengo intereso ke te dzutin te vazdel pes o Forumo sar jekh asosiacija haj na sar jekh institucija ando Konsilo la Europako. Von phenenas ke si but imporanto te vazdel pes o Forumo savo te avel e ekspresija katar e gindura le Romenge thaj Phirutnenge. Anda kado, von phenenas ke si but importanto te analizil pes mishto o pushipe pa reprezentacija.  

 

22. E organizacii le Romenge thaj le Phirutnenge sikade intereso ke te vazdel pes o Forumo sar asosiacija, thaj ke musaj te avel independento.

  

23. Ande le aver kdimata so sas maj palal, e Bukiaki Grupa koncentrisajlas pe kodo ke te analizil o propozalo katar e Franca thaj Finlando ando detalio. Konsiderilas inter alia  savo gido te del pes e Romenge thaj e Phirutnenge kana vazden jekh asosiacija thaj savo parteneriato te kerel. Kade das pes duma pala e asosiacija, lako cilo, lake funkcii thaj kompozicija. E maj phari diskusija sas kodi pala kompozicija, thaj musaj sas ste vorbin pa kado ande maj but kidimata.

 

 

V. E konkluzie so arakhlas e Bukiaki Grupa dzi ko Januaro 2004to bersh

 

 

24. E Bukiaki Grupa raportisardas kadala konkluzie ko GR-SOC ando Januar 2004to bersh:

 

-       ko europako nivelo naj chi soski struktura so shaj te del glaso/hang e Romen/Phirutnen. Kothe dikhiol ke si te kerel pes jekh konsultativno Forumo e Romenge thaj e Phirutnenge ko Europako nivelo;

 

-       e Forumos si te avel les konsultativno statuso;

 

 

-       si but suporto ande diskusija pala Forumo pala e Francuzisko/Finicko iniciativa;

 

-       Komiteto e Ministerengo bi akceptujlas o gido savo te del pes le Romenge/Phirutnenge te vazdenjekh asosiacija;

  

-       Europako Forumo e Romengo thaj e Phirutnengo bi avela vazdino katar e Roma/Phirutne sar jekh independento internacionalno asosiacija pala o zakono so si ande Franca;

 

-       e organizacija bi kerela parteneriato le Konsilosa la Europako.

 

 

25.   O GR-SOC loshajlas le rezultatondar thaj akhardas e Bukiaki grupa te kerel maj dur peski buki pala le punktura ramosarde ando raporto.

 

 

VI. E maj palutne bukiake fazi

 

26. Kana astardilas o 2004to bersh, e Bukiaki Grupa kerdas maj dur peski elaboracija thaj diskusija pa teksto savo sikavel ke si musaj te vazdel pes o Forumo,  i.e. o Draft Gido thaj o draft parteneriato. Kerdas analiza po draft statuto le Forumosko savo sas kerdo katar e Romane thaj Phirutne reprezentantura and emaj but kidimata ando Strasbourg.7 E Bukiaki Grupa kerdas dialogo le Romenca thaj Phirutnenca pala kadala tekstura.

 

 

27. E Ministeronge Deputatura adoptisarde jekh progres raporto pala o shaj pe te vazdel pes jekh Forumo le Romenge thaj le Phirutnenge (GT-ROMS) savo te sikavel pes ko kidipe le Ministrongo ando Strasbourg ande 114to Ministerialno Sesia  (12-13 Majo 2004to bersh) (CM(2004)78). Ande pengo komunikato, e Ministerura loshajle „pala o baro progreso so kerdas pes pala e Finicko iniciativa, maj dur shuti sar jekh propozalo katar o Finlando thaj Franca, ke te vazdel pes jekh Europako Forumo e Romengo thaj Phirutnengo, savo avela sar jekh NGO. Von akharde e Deputaton te keren peski buti maj dur.“ 

 

 

28. O GT-ROMS astardas te agorisarel o gido thaj o kontrakto pa parteneriato.  Sa kade das duma pala le finansi le Forumoske. Soske maj but delegatura kodo mangle, kado puchipe sas analizime katar e Raportorichno Grupa pala le Administrativno thaj Bigetarno Puchimata (GR-AB) ando 17to Juni thaj 16to Septembro 2004to bersh. O GR-AB kerdas analiza pe financi pala le lila le bugetarichno implikacije ke te vazdel pes jekh Europako Forumo e Romengo thaj e Phirutnengo (GT-ROMS(2004)4 revizujme2). O GR-AB das parpale o lil ko GT-ROMS thaj kerdas komentarura thaj rekomandacii.8

 

 

29. Ande pesko kidipe anda 23to Aseptembro 2004to bersh, e Bukiaki Grupa arakhlas jekh hacharipe sar te financil o Forumo. Las decizija te:

 

-       e kontribucija le Konsiloski la Europako  si te kerel pes bershutnes;

-       e kontribucija le Konsiloski la Europako sar si o staff, akomodacija thaj kidimaske sobe si te avel dikhli sar jekh kontribucija ande bukia, paseh pasha e bershutni kontribucija €200 000.  Kadi suma lovengi si te avel dikhli sar jekh granto savo shaj dzutil e Forumoske ande peske aktivitetura save si pende ando tabelo (dikh o Appendix VII).  Le kosti kadale aktivitateangi si feri estimativno,  thaj kana e kosti maj opre dzan o Forumo si te arakhel peske pashe love.(o lil GT-ROMS(2004)4 revizujme 2, financialno shajpe 1);

-       o Forumo si te avel dzutimo te rodel love pashe anda k-aver resursi;

-       o principo katar e kontribucija le Konsiloski la Europako karing o Forumo si te avel analizime svako trin bersh.

 

 

 

30. Kadala konkluzie si reflektime ando draft gido ando draft kontrakto po parteneriato save si ando Appendix IV thaj VI ande kado raporto.

 

 

VII. Le rekomandacii kerde katar e Bukiaki Grupa

 

31. Ande pesko finalno bukiako raporto (lil GT-ROMS(2004)9rev), e Bukiaki Grupa las decizija te kerel kadala rekomandacii ko GR-SOC:

 

-       te akcpetujl o gido ke te vazdel pes o Europako Forumo e Romenge thaj Phirutnenge sar si ramome ando Appendix IV ande kado raporto;

-       te dikhel o Statuto so si ando Appendix V ande kado raporto;

-       te akceptujl o kontrakto pa parteneriato mashkar o Konsilo la Europako thaj o Europako Forumo e Romenge thaj Phirutnenge kade sar si ando Appendix VI ande kado raporto;

-       te kerel rekomandacija ke le Deputatura le Ministeronge te den autoriteto la Sekretaros Generalno te semnol/potpisil o kontrakto  pa parteneriato mashkar o Konsilo la Europako thaj o Europako Forumo e Romenge thaj Phirutnenge kade sar si ando Appendix VI ande kado raporto;

-       te kerel rekomandacija ke le Deputatura le Ministerengo te dzutil pashe penge Raportores te akharel jekhe reprezetantos le Forumosko ke lenge kidimata katar o Steering Komiteto ramome ando Appendix VI (appendix, punkto I 1-9) anda kado raporto;

-       te propunil le Deputatonge te putren o bugeto anda o 2004to bersh te shaj lel e love o Forumo (Sub-head 3900- 600 4933 Provizija e Euroapko Forumeske e Romengo thaj e Phirutnengo). 

 

32. Kadala rekomandacii sas akceptujme katar o GR-SOC ando 2to Novembro 2004to bersh. Konsekvento, o GR-SOC rekomandil le Deputatonge te adoptin le decizije save si ando Appendix VIII ande kado raporto.

 

 

 

Appendix I

 

E referenci anda e bukiaki grupa savean si lan e buki te analizil o puchipe ke te shaj vazdel pes jekh Europako Forumo e Romengo thaj Phirutnengo (GT-ROMS)

 

Kade sar sas adoptime katar o GR-SOC ando 20to Januaro 2003to bersh

 

1. E Bukiaki grupa si te analizil o propozalo ke te vazdel pes jekh Europako Forumo e Romengo thaj Phirutnengo9 thaj vi le puchimata so si phangle kodolesa, thaj amj but le puchimata save si ramosarde pe lista (lil GR-SOC(2003)2 revizujme 2), ande jekh sistematichno thaj strukturime felo.

 

Sar jekh preliminarno puchipe, si te kerel pes analiza kana e propozalura si lashe thaj kompatibilo le principosa katar e non-diskriminacija kade sar si ando Artikolo 14 anda e Europaki Konvencija pala le Manushenge Chachimata.

 

2. Kana kerel kadi buki, e bukiaki grupa si te rodel informacija pala le relevanto aktivitetura save o Konsilo la Europako kerdas pala le Roma, ande le thema membro thaj vi ande aver internacionalno organizacije. Si te inkerel konto kodolestar so phenel e Specialisto Grupa pa Roma/Gypsies thaj aver interesime institucii pala e tema le Forumoski.  Si te rodel te arakhel kontribucije katar le thema membre, internacionalne organizacii thaj ekspertura so si pala  kadi tema. Anda kado shaj te organizil shunimata.

 

3. E Bukiaki Grupa shaj te kerel raportura ko GR-SOC, savo shaj te del precisno instrukcije kana e buki progresil.

 

4. Kana agorisarel kadi buki, e bukiaki grupa si te bichalel jekh raporto ko GR-SOC ande savo te avel ramome e globalno analiza katar e propozalura pala e situacija le Romengi, vi ke te vazdel pes jekh Forumo le Romenge.

 

Appendix II

 

Provizionalno thaj non-eksostivo lista e puchimatengi anda e diskusija savi te inkerel e bukiaki grupa pala e tema le vazdimaski jekhe Forumsoke le Romenge thaj Phirutnenge

 

 

1.   E strukturi save eksistujn pala e participacija le Romengi ande Europa

 

2.   E funkcii le Forumsoke (ande jekh konsultativno kapaciteto)

 

- e kompetenca kasave Forumoski (;

 

- te anel, pasha e thema membre((, jekh internacionalno interlokutori anda e thema membro pala e Romenge puchimata;

 

- te kerel jekh kanalo komunikacijako le organinca thaj sektoronca katar o Konsilo la Europako;

 

- te kerel input ande e buki katar e maj but institucii anda o Konsilo la Europako save keren buki pala puchimata so si pashutne kadalenca;

 

- te kerel senzitivno e Romen karing o vashnipe jekh procesosko demokratichno, jekh them gorvenime e zakonostar thaj le ideii so o Konsilo la Europako promovil**;

 

- te cirdel e atencija le organizacijengi e internacionalno pala le situacije save afektin le Romen;

 

- te lasharel e monitorizacija le chachimatengi le manushengi;

 

- rekomandacii thaj gidura pala le puchimata;

 

- te asistil ando vazdajmo katar o institucionalno kapaciteto anda o aktiviteto pala o civilno societeto e Romengo.

 

 

3. Struktura le Forumoski

 

- o plenarichno Forumo, e eksekutivno institucija, bukiake komisii.

 

 

4. Kompozicija le Forumoski

 

- o barimos, e methoda le reprezentacijaki - geografichno, demografichno - ande maj but strukturi (elekcija, alosarimaske proceduri);

 

- sar te aresel pes ke jekh chachi reprezentacija kasave Forumoske thaj pe save droma te dzal pes te aresel pes kothe*.

 

 

5. E bukiake metodi le Forumsoke

 

- sode vrama thaj kana te keren e kidimata, le procedurake regulaminuri.

 

 

6. Phanglimata le Konsilosa la Europako, le themenca membro** thaj institucijenca so si avrial

 

- save phanglimata te avel le institucijenca anda o Konsilo la Europako (participacija, shunimata, reprezentacija) ande korelacija avere iniciativenca anda Europa kash te keren protekcija le Romenge, te shaj te na keren paralelismo thaj te hasaren pes ivea e love**;

 

- e relacije le themenca membro*;

 

- phanglimata so shaj te aven le institucijenca avrial.

 

 

7. O legalno statuso le Forumosko

 

 - institucija anda o Konsilo la Europako, autonomo institucija savean si lan konsultativno statuso.

 

 

8. E Fianci le Forumoske

 

- o bugeto savo trebul te shaj te kerel buki kasavo forumo thaj sar te financil pes(;

 

- o normalno bugeto katar o Konsilo la Europako, voluntarno kontribucije katar le thema membre, thaj financi katar independento sursi.

 

 

9. Aver puchimata***

 

- sa e aver relevanto puchimata***;

 

- kana kasavo forumo shaj te avel permanento vaj na*;

 

- kana e idea pala kadi iniciativa si kompatibilo le Artikolosa 14 anda e Europaki Konvencija pala le Manushenge Chachimata****.

 

 

 

Appendix III

 

E khetani Francuzisko thaj Finicko kontribucija ko Europako Forumo le Romengo thaj Phirutnengo

 

 

Pala sar phenel pes ande peske procedurake regulaminuri, e bukiaki grupa GT-ROMS kerdas anliza pala o shajpe te vazdel pes jekh Europako Forumo e Romengo thaj Phirutnengo. Pala e diskusije save sas la bukiake grupan, o Finlando thaj e Franca akceptujsarde te bichaen khetanes kadala konsideracije ko GT-ROMS.

 

O Konsilo la Europako dzanel ke si te avel jekh konsultativno institucija savi te sikavel o chacho dikhipe le Romengo thaj Phirutnengo thaj te phenel lengo gindo pala e problemura save si len ande Europa. O Konsilo la Europako si gata te kerel kooperacija jekhe Forumosa independento savo reprezentil le Romen thaj Phirutnen, vazdino pala le principura la demokracijake thaj ekualiteto (ke sa e manusha si sa jekh).

 

Kana e Roma thaj e Phirutne vazden jekh internacionalno asosiacija savi pherel kadala kriteriumura, o Konsilo la Europako bi avelas gata te kerel kooperacija kadale asosiacijasa. Kadi kooperacija kerel pes formalno kana semnol/potpisil pes jekh kontrakto po parteneriato  mashkar o Konsilo la Europako thaj e asosiacija. Ando kontrakto si te phenel pes le proceduri sar te konsultil pes o Forumo, thaj savo dzutipe o Konsilo la Europako shaj del.

 

E asosiacija „Europako Forumo e Romengo thaj e Phirutnengo“ trubujas te vazdel pes pa kadala fundacii:

 

 

 

KONSTITUCIJA, ANAV THAJ RULI

 

O Europako Forumo e Romengo thaj e Phirutnengo (maj palal „e asosiacija“)  avela vazdino sar jekh insternacionalno asosiacija.

 

La asosiacijako ofiso avela ando Strasbourg, Franca.

 

La bukiake chiba avena Romanes, Angleziska thaj Francuziska.

 

CILURA

 

O cilo la asosiacijako si te avel akceso e Romen thaj e Phirutnen ke penge chachimata thaj fundamentalno slobodimata, te del rigate o rasismo thaj e diskriminacija, thaj te dzutil te integrin pes ande le thema kaj von trajn.  Anda kado, e asosiacija si te promovil e implementacija katar e lokalne iniciative, maj but pala o beshipe/khera, sastipe, edukacija thaj buki.

 

E asosiacija shaj del sfato thaj shaj kerel propozalura karing le institucije save len decizija ande Europa thaj ko internacionalno, nacionalno, regionalno vaj lokalno nivelo ke te shaj te influencin le procesura kaj lel pes decizija save shaj afektin direkto vaj indirekto le Romen thaj Phirutnen.

 

 

MEMBRURA

 

E asosiacija si te avel kerdi anda delegatura save reprezentin le Romen thaj Phirutnen ande Europa. Laki kompozicija si te dzal pala o geografichno principo thaj gender balanca.  E vrama sode le delegatura shaj aven ando Forumo si limitime kash te shaj aven regularno vi aver ande lenge thana.

 

 

O Forumo si te avel kerdo anda kadala membrura:

 

- N delegatura anavde katar o Romano Nacionalno Kongreso;

- N delegatura anavde katar e Internacionalno Romani Unia;

- N delegatura anavde katar e Europake religiosno denominacii thaj/vaj Romenge vice;

- N avera delegatura anavde katar aver institucii e Romenge thaj Phirutnenge.

 

 

ADMINSTRATIVNO RIGA

 

E asosiacija avela lan kadala riga:

 

- jekh Plenarichno Asamblo;

- jekh Eksekutivno Komiteto.

 

 

FINANCI

 

E resursi le asosiacijake avena o granto katar o Konsilo la Europako thaj aver internacionalno organizacije, voluntarno kontribucije katar e aver thema membre thaj vi aver privatno vaj publichno sursi save respektin le asosiacijake cilura thaj chi dzal kontra le etikasa.

 

Kamel pes del pes jekh bershutni kontribucija katar o Konsilo la Europako savi dzutila e Forumos pe peske maj bare pochinimata.

 

 

RELACIJE LA KONSILOSA LA EUROPAKO

 

Le relacije mashkar o Forumo thaj o Konsilo la Europako si te avel kerdo formalno kana kerel pes o kontrakto ande savo o Konsilo lel e Forumos sar jekh konsultativno institucija thaj dzutil les pashe te khelel kadi rola.

 

O Konsilo la Europako akceptujl o kontrakto kana o Forumo respektila o gido pala peski konstitucija (chachi reprezentacija) thaj e principura pala le funkcije (transparenca thaj demokracija), shaj lel e forma jekh lileski semnome katar o Sekretaro Generalno ando anav le Konsilosko la Europako thaj o prezidento katar o Komiteto Eksekutivno le Forumosko.

 

E terminura anda kontrakto si te kerel pes negociacija pe lende ando konteksto katar o GT-ROMS. O Kimiteto le Ministerengo chi trebul te del e formalno permisija te semnol le Sekretaros General dzi kana o Forumo chi vazdel pes.

 

O Plenarichno Asamblo kata o Forumo akceptujla le punktura anda kontrakto.

 

Ando kontrakto pa parteneriato si te aven kadala elementura:

 

- savi kontribucija financialno kamel te del o Konsilo la Europako e Forumos pe bersh

 

- sosa dzutil pashe o Konsilo la Europako e Forumos (vi te den manushen ande buki);

- save kondicii si ke te participin le reprezentantura le Forumoske ande le aktivitetura karing e Roma thaj Phirutne save o Europako Konsilo kerel (e lista le komitetongi thaj institucijengi).

 

 

O kontrakto si te respektil e independenca thaj autonomija le asosijaki.

 

 

 

 

Appendix IV

 

O draft gido kash te vazdel pes o Europako Forumo e Romengo thaj e Phirutnengo

 

Le thema membre anda o Konsilo la Europako, save dzanen e situacija e Romengi thaj e Phirutnengi ande Europa, lile decizija te keren kado gido kash te vazdel pes jekh konsultativno Forumo e Romenge thaj e Phirutnenge the shaj vazdel lenge interesura.  Te si te vazdel pes pala kado gido, e Forumos avela specialne relacije le Organizacijasa.

 

 

 

Konstitucija, anav thaj membri

                                                             

O Europako Forumo e Romengo thaj e Phirutnengo (maj palal sar „o Forumo“) si te vazdel pes sar jekh internacionalno asosiacija, jekh non-profit legalno entiteto governime katar o zakono so si ande Franca. E Forumos avela than ando Strasbourg, Franca. Le bukiake chiba avena Angleziska, Francuziska thaj Romanes.

 

Le Forumoske membrura si te aven internacionalne, transnacionalne/subregionalne thaj nacionalne NGO vaj aver nacionalne strukturi save aba si anda e participacija le Romengi thaj Phirutnengi.

 

Cilura

 

O cilo le Forumosko si te  dzutil e Romen thaj e Phirutnen te avel len akceso ke le manushenge chachimata thaj fundamentalno slobodimata kade sar si protektime katar e legalne instrumentura katar o Konsilo la Europako thaj vi katar aver relevanto internacionalno legalne instrumentura. Si te vazdel o marimo kontra o rasismo thaj diskriminacija thaj te lokhiarel e integracija kadale manushengi ande le Europake societetura thaj lengi participacija ando publichno trajo.

 

Anda kado, o Forumo si te kerel propozicija, te shaj te dzutil pashe ko lasharimo le situacijako kadale manushenge, te implementin pes le iniciativi  ke sa e nivelura, thaj maj but pa beshipe/khera, sastipe, edukacija thaj buki. Si te kerel propozalura sar te maren pes la diskriminacijasa savi e Roma thaj e Phirutne resen kana dzal pa lengo slobodipe te phiren. Sa kade si te kerel propozalura ke sar te nakhaven kadala manusha le problemura save shaj avel len soske von phiren/si nomadura.

 

 

Funkcii

 

O Forumo shaj del sfato thaj shaj kerel propozalura karing le institucije save len decizija ande Europa ko internacionalno, nacionalno, regionalno vaj lokalno nivelo te shaj te influencil o proceso savo lel decizija savi shaj afektil le Romen thaj le Phirutnen direkto vaj indirekto.  Si te vazdel pes jekh dialogo mashkar e komunitetura thaj e governura thaj te zurearen o paruvimos katar e maj lashe praktiki thaj e implementacija katar  e nacionalne politike karing e Roma thaj Phirutne.

 

 

Kompozicija (kon avel andre)

 

1. O Plenarichno Asamblo e Forumosko si te aven les sar maj but 75 delegatura.

 

2. O Komiteto e Ministerengo phenel ke e buki ke te dzanel pes eksaktno sode delegatura te aven ando Forumo si te del pes kodolenge save vazde o Forumo maj anglunes (e fondatorura), kodo bushol ke o angluno Forumo  alosarel pes pala e kriteria katar o Komiteto le Ministerengo.  Te shaj te phandel pes o kontrakto, von si te respektujn e kriteria so ramosardas o Komiteto le MInisterengo  ande kadala gidura. Kadi kriteria si ke te respektin pes le generalne principura katar o Konsilo la Europako thaj le principura pa reprezentativiteto, transparenca, geografichno specificiteto thaj gender equaliteto. Ke kado agor, o Komiteto  le Ministerengo thol tele kadala generalno kriteriumuri:

 

- te respektin pes le principura katar o Konsilo la Europako;

 

- le membrura le Forumoske si te aven alosarde anda e internacionalne, transnacionalne/subregionalne thaj nacionalne NGO vaj aver nacionalne strukturi save si anda e participacija le Romengi thaj Phirutnengi, thaj kaj shaj, te rodel pes e reprezentacija vi le duje trajongi: sedentaro  thaj nomadiko;

 

- e maj but anda e thana si te den pes ke le reprezentantura katar e nacionalne NGO vaj aver nacionalne strukturi;

 

- le reprezentantura katar le internacionalne organizacii si te aven reprezentime ando Forumo. E kriteria si te thol pes ando Statuto te shaj te rodel pes chachi reprezentancija;

 

- si te del pes shajpe karing e participacija sa kodole reprezentanton katar nacionalno nivelo save trajn ande le thema membre;

 

- e kompozicjia le Forumoski si te dikhel pala le principura katar e geografichno specificiteto thaj gender equaliteto;

 

- o Forumo shaj rodel dzutipe katar e ekspertura kana e ekspertiza pala varesoske puchimata chi arakhel pes ando Forumo;

 

- pala so kerel pes o kontrakto pa parteneriato, e Konsilos la Europako si te avel les statuso sar observero ando Forumo;

 

- o Forumo shaj te del o statuso sar observero vi avere organizacijen internacionalno sar si e Europaki Unija, o OSCE, e UN specialisto agencije, e Lumijaki Banka thaj e iternacionalno non-vladikane organizacii so keren buki pala le manushenge chachimata;

 

- o Forumo shaj te del statuso sar observero vi ke le religiosno institucije thaj khangerija ke save e Roma thaj e Phirutne tradicionalno si, thaj e reprezentantura te aven anvade katar e kompetento religiosno autoritetura;

 

 

3. Si te avel jekh cira fleksibilo ko nacionalno nivelo kana kerel pes o alosarimo le delegatongo karing o Forumo, vi kana si klaro ke von si te aven alosarde katar e Roma thaj Phirutne. O principo katar fleksibiliteto si te thol pes kana alosarel pes o angluno Forumo, saves avela e buki maj palal te kerel alosarimasko sistemo  saves si koerento procedura. Le organizacii save shaj bichalen membron ando Forumo, thaj save alosaren le delegaton, si te respektin e generalne principura katar  o Konsilo la Europako  thaj si te respektin e principura pa reprezentativiteo, transparenca, geografichno specificiteto thaj gender equaliteto. Le organizacii save si eligibilo si kodola savenge cilura si kompatibilo kodolenca katar o Forumo, i.e. organizacii Romenge thaj Phirutnenge savengo cilo si te vazden le interesura le Romenge thaj Phirutnenge.

 

 

 

Administrativno riga

 

Le sherutne riga le Forumoske si te aven o Plenarichno Asamblo thaj o Komiteto Eksekutivno. E Forumos si te avel les jekh Sekretariato.

 

 

 

Financi

 

Pala savi decizija o Komiteto le Ministerengo lel svako bersh, o Forumo lela bersheski kontribucija katar o Konsilo la Europako te shaj te pochinen pes le bazichno bukia (jekh plenarichno kidipe, duj biuroske kidimata, interpretacija thaj translacija). O Forumo si te rodel peske korkoro love vi ande aver thana, te shaj te avel financialno independento, thaj shaj rodel katar e aver internacionalne organizacii, katar le thema membre anda o Konsilo la Europako (voluntarno kontribucije) vaj aver privatno vaj publichno sursi save inkeren opre le cilura le Forumoske thaj chi dzan kontra le Statusoske.

 

O Komiteto le Ministerengo si te dikhel pala o principo ke o Konsilo la Europako te dzutil financialno pashe e Forumos svako trin bersh.

 

Le detalii pala e kontribucija katar o Konsilo la Europako si te aven ramome ando kontrakto pa parteneriato mashkar o Forumo thaj o Konsilo la Europako (dikh maj tele).

 

 

Relacii le Konsilosa la Europako

 

Le relacije mashkar o Forumo thaj o Konsilo la Europako si te avel kerdo formalno kana kerel pes jekh kontrakto ande savo o Konsilo dikhel e Forumos sar jekh konsultativno institucija thaj pashe dzutila leske te khelel peski rola.

 

Kodo ke o Konsilo la Europako akceptujl  o kontrakto, savo avela shaj feri kana o Forumo respektil le gidura pala peski konstitucija (chachi reprezentacija), thaj avela sar jekh lil smenone/potpisime katar o Generalno Sekretaro ando anav le Konsilosko la Europako thaj katar o Prezidento le Forumosko, saves si les mandato pe kado pala o Statuto le Forumosko.

 

Mashkar o Konsilo la Europako thaj e reprezentantura le Forumoske kerela pes negocijacija pala le punktura anda kontrakto pala, thaj kodi negocijacija kerel pes pala le gidura save das o Komiteto le Ministerengo. E Generalne Sekretaros si le so mandato te semnol/potpisil o kontrakto feri kana o Forumo aba vazdilas.

 

O Plenarichno Asamblo e Forumosko si te akceptujl le kondicije le kontraktoske.

 

Ando kontrakto si te aven kadala elementura:

 

- detalii pala e bershutni financialno kontribucija katar o Konsilo la Europako karing o Forumo;

- e lasharimata pala e non-financialno kontribucija le Konsiloski la Europako karing o Forumo (kontribucija ande manusha/bukiara, tehnikane bukia, etc);

- le kondicije pala participacija le reprezetantongi anda Forumo ande le aktivitetura so dzan pa Roma thaj Phirutne so o Konsilo la Europako kerel (e lista e komitetongi thaj institucijengi).

 

O kontrakto si te respektil e independenca thaj autonomia le Forumoski.

 

   

APPENDIX  V

Evropako Saveto, Ministerongo Komiteto

________________________________________________________

 

Statuto pala jek Evropako Forumo  le Romengo thaj Travellerengo EFRT

______________________________________________________________

 

 

Artiklo 1: Konstitucija, Anav, Statuto pala ofiso

 

1.1 Jek organizacija trobul te formiril pe anvesa “Evropako Forumo le Romengo thaj Travellerengo” (katka akharas la anavesa “o Forumo”).

 

1.2 O Forumo si te avel formirime, sar jek maškar-themutni organizacija  bi profitoski. O Forumo kam  prezentiril Roma, Sinti, Kalé, Travellera taj aver grupe ande Evropa, save si lenca phangle.

 

1.3 O than le Forumosko trobul te avel ande Francuska, pe adresa (….) Strasburgo.

 

1.4 Le śiba la bućake ando Forumo  avena romanes, e englezicko thaj e francuzicko śib. Šaj vi aver śiba te fajdin pe, te poćinela e delegacija, savi kodja mangel.

 

1.5  O Forumo trobul te avel formirime kadja, te na avel kontra la organizacijako zakono katar lokalno governo ando “Lower Rhine”, “Upper Rhine” thaj “Moselle” ka si regulišime ande  `l artiklur 21-79 katar lokalno Civilno Zakono thaj vi te na avel kontra o presentno Statuto.

 

1.6  O Forumo trobul te avel registririme ka o “Tribunal d`Instance” ando Strasburgo.

 

Artiklo 2: O Ciljo

 

2.1 O ciljo le Forumosko si, te anel angle le buća kata grupe kaj si spomenime po Artiklo 1.2, te lel sama pe sa le manušikane čačimata thaj  pe fundamentalno slobodija, sa kodja si buća, save  arakhen le legalni instrumentur katar Evropako Saveto taj aver internacionalni intstumentur, kothe kaj šaj hasnin pe. O ciljo si vi kodja, te thol zor kontra rasizmo thaj kontra diskriminacija., te lokhjarel le grupengi integracija ande Evropaki publika  thaj te lokhjarel lengi participacija ando trajo la publikako thaj vi kothe kaj kerdon le decizije.

 

2.2 O Forumo trobul te del propozicije, te implementirin pe iniciative thaj te lašardol e socijalno situacija kata `l spomenime grupe, kata li duj , kata `l bešimaske grupe thaj kata `l grupe kaj phiren.

 

2.3 O ciljo le Forumusko naj, te kerel profito, nego sa le love, kaj resen ando Forumo, sî te investirin pe pe le Forumoskę aktivitetur haj sa te maladjol le ciljosa, kaj sî spomenime opre ando artiklo 1.

 

Artiklo 3: Funkcije

 

3.1 O ciljo le Forumosko si, te del zor thaj šaipe, te teljaren taj te bufljon partije, programur thaj aktivitetur. Importantno si, te kidel zor, te:

 

 - del peske gindur thaj te kerel propozicije ka la Evropake organur, save keren le decizije po internacionalno thaj  nacionalno levelo thaj kaj trobula ande federativni thema pe regionalno vaj lokalno levelo, anda kodja te avel les influencia la decizijako proceso le ženengo, kaj si spomenime opre po Artiklo 1.2 aj kodja direktno vaj indirektno.

 

 - te participil  pe internacionalno thaj pe Evropaki kooperacija, te anel angle le interesur kata `l grupe, kaj si spomenime po Artiklo 1.2 thaj te del propozicije pala inicijative karing kompetentni Evropake thaj maškar-themutne organur.

       

  - te del zor pe implementacija katar nacionalno politika, savi si pe sama le grupengi, kaj  si  spomenime po Artiklo 1.2

 

Artiklo 4: Funkcijaki vrjama

 

O Forumo trobul  te formiril pe pala bi-ogranićime vrjama.

 

Artiklo 5: Membrur

 

5.1 O Forumo trobul te avel formirime katar membrur, save prezentirin le grupe kaj si spomenime po Artiklo 1.2. ......2

 

5.2  O Forumo trobul te avel puterdo, te aven reprezentirime kodola membrur:

 

i. Jek nacionalno ambrelaki organizacija, kaj reprezentiril minimum 75% kata `l etablirime taj oficialno registririme strukture, save reprezentirin le grupe, kaj sî spomenime po Artiklo 1.2  ande svako them, kaj sî membro katar la Evropako Saveto, te sî les kasave grupe.

Pala svako themesko sistemo, le reprezentantur šaj aven katar Romenge thaj Travelleronge NGO`s katar Romenge taj Travelleronge ambrelake organizacje, katar politikake partije, kaj si Roma losarde membrur ando nacionalmo taj/vaj regionalno Parlamento, savetoske organur thaj organur katar “self-governo”.           

 

                     (katka ramome po anav  “Nacionalni membrur”)

 

ii. Oficialni registririme maškar-themutne NGO`s, kaj sî lengo ciljo  thaj o ciljo le Forumosko jek-avereske paše taj kompatiblo thaj save sas aktivni minimum štar berš, saven si membrur minimum ande 10 Evropake Savetoske thema; save si financijski independni katar governonge fondura thaj save keren jek beršesko raporto pa sa peske aktivitetur.

 

                   (katka ramome  po anav Maškar-themutne membrur”).

 

 

iii. O Egzekutivno Komiteto šaj del  paćivako membromos, manušenge, save kerde  lašimos le grupenge, kaj si spomenime opre po Artiklo 1

      

 (katka ramome  po anav “Paćivake membrur”)

 

            Paćivake membron, naj len čačimos, te den peski vota ando Plenarosko

            Kidimos. La Paćivake membrur participirin pe peske love taj trobun te

            aven ograničime po 10

 

 

Artiklo 6: Delegacije- Losarimaske čačimata

 

6.1 Pala paragrafo 6.4, savo si tele ramome, trobul te avel sakone Nacionale membros o čacimos, te nominiril  pala Plenarosko Kidimos jek delegacija, formirime katar jek delegato thaj  trin substitutur.

 

6.2 Pala paragrafo 6.4, savo si tele ramome, trobul te avel sakone Maškar-themutne membros o čačimos, te nominiril pala Plenarosko Kidimos jek delegacija, formirime katar trin delegatur.

 

6.3  E formacija katar e delegacija trobul te reflektiril le principur, kaj si pe sama katar pesko reprezentativno karaktero, pe sama katar i tranparencija, pe sama katar la geografijako specifiteto thaj kaj si pe ande balansa maškar muřša thaj žuvlja2 thaj pe balansa maškar le generacije.

 

6.4 O Egzekutivno Komiteto si responsiblo te siguril kodola kriterije:

 

             -o totalno numero le delegatongo te na avel maj but de 75 žene.

             -o totalno numero le delegatongo kata `l Nacionalni membrur trobul te

               avel  sada-jek maj baro sar o numero kata `l delegatur kaj si Maškar-

               themutne membrur. Te avel kaća proporcija garantuime, o

               Egzekutivno Komiteto, te  trobula, šaj ciknarel le delegatongo numero,

               katar Maškar-themutne membrur.

 

6.5  Pala votengo numero kata `l nominirime delegatur, kaj si Nacionalni membrur, si importantno te lel pe sama pe geografijako modo taj pe populacije phendine ande artiklo 1.2 ando them, savo šaj dozvolil, te avel vota vi le substitutos/substituton palaj decizija katar o Egzekutivno Komiteto, savo trobul kodja te fiksiril pe vjrama la aplikacijaki pala membromos. Pala Statutoski sama,  le substitutur, saven si votengo pravo, šaj dikhen pe sar delegatura. E vota si personalno taj našti nakhel pe avera.

 

6.6 Te merela jek delegato, vaj te mekela jek delegato o Forumo, jek membro katar  o Forumo  nominiril pe lesko than jekhe avere kanditatos, savo ašel ži po gor le   mandatosko.

 

 

 

Artiklo 7:  Le kondicije pala ‘l membrur

 

7.1 Kon kamel te avel membro sar Nacionalno thaj Maškar-themutno membro, te tradel lil ande kodja sama ka o Prezidento le Forumosko.  Pala kodja trobul vi o Egzekutivno Komiteto te akceptuil o membromos aj kodja siguril te avel e aplikacija pala `l kondicije, kaj si ramome po Artikolo 5.2. Kana naj akceptirime e membromaski molba, šaj kerel pe jek apelacija kontra kaća decizija ka o angluno kidimos kata o Plenarosko Kidimos  jekhe  registririme lilesa karing o Prezidento le Forumosko.

 

7.2  Le membrur trobun te poćinen subskripcijake love. Keći love trobul  te avel e subskripcija, kodja trobul te fiksiril le Plenarosko Kidimos.

 

7.3  Jek membro, savo kamel te cirdel pe palpale katar o Forumo, si te del informacija pa kodja le Forumoske Prezidentos trin šon maj anglal. La subskripcijake love ašen pala kodo berš,  kaj cirdel pe o membro palpale.

 

7.4 O Egzekutivno Komiteto šaj del drom eke membros anda o Forumo, te dela vi   

Plenarosko Kidimos peski akceptacija pa kodja. O drom anda o Forumo šaj del pe, te  thola  o membro vaj le membronge delegatur aktivitetur, save si kontra le Forumoske ciljur vaj aver buća,  kaj si kontra o Statuto. E decizija palaj membroski ekskluzija si te mothol pe jek šon anglaj ekskluzija. La subskripcijake love ašen po berš la ekskluzijako.    

 

 

Artiklo 8: Le organur pala menedžeroski bući

 

Ando Forumo kam arakhadon jek Sekretariato ažutimaske thaj kadala menadžeroske organur:

  

     -     jek Plenarosko Kidimos

-     jek Egzekutivno Komiteto

 

 

 

Artiklo 8.1 - Plenarosko Kidimos

 

i.   Kidimata

O Plenarosko Kidimos trobul te kidel pe minimum jekvar  beršestar. Po Kidimos akharel o Prezidento lilesa, vaj kana naj vov, o Viceprezidento.

O akharimasko lil trobul minimum jek šon angla o kidimos te bišavel pe le membronge. Ande akharimasko lil trobul te avel vi o programo le kidimasko.

 

Validni šaj ta aven numa kodola rezolucije kaj si lengi trjaba  po programo.

 

Separatni kidimata šaj ankerdon, te roden kodja minimum 50% kata `l  delegatur.

 

ii. E zor le organoski

 

O Plenarosko Kidimos aresel peske ciljur kodole dromesa:

 

  -  te ankerel  bućake diskusije, kaj si pe sama katar grupe, spomenime po Artiklo 1.2

       

  -  te sikhavel, so si le Forumoski generalno politika;

 

  -  te skiciril le Forumosko bućako programo.

  

 Le Plenaroske Kidimaske si te avel zor :

 

   - te akceptiril o budžeto thaj  le kontur

 

   - te fiksiril sode si la subskripcijake love

 

    -te losarel ekhe Prezidentos thaj ekhe Viceprezidentos katar le Forumoske 

     delegatur.

 

    -te losarel kata `l  Forumoske delegatur membron pala Egzekutivno    

     Komiteto. Aj te lel sama  te aven pe jek levelo le murš taj le žuvlja.  

     Jek membro katar kodo Komiteto te avel profesionalno eksperto pa ‘l  

     financijake buća.

 

 

iii.  Modo sar kerdon le decizije

 

Delegaton, katar le Maškar-themutne Membrur, si len jek vota /sako jkhe. La delegacija, kaj prezentiril le Naciolani Membrur, si la kadići vote, sar kaj si opre ramome ando Artiklo 6.5

 

 Pala Artiklo 12 thaj 13,  anen pe le decizije ando Plenarosko Kidimos po principo 50% + minimum jek glaso.

 

Jek dopašin katar o Forumo formiril jek korumo. Kana pe jek kidimos naj korumo, athoska trobul o Prezidento te akharel  jek nevo kidimos, aj kodo nevo kidimos šaj legalno anel decizije, sajek sode delegatur si presentni.

 

iv.  Vrjama le mandatoksi

 

O mandato le delegatongo trajil štar berš thaj šaj pala kodja te lungjardol pe maj štar berš.

 

 

Artiklo 8.2: O Egzekutivno Komiteto

 

O Egzekutivno Komiteto formirin inja membrur, kodja si o Prezidento thaj o Viceprezidento katar o Forumo thaj maj efta membrur.

 

 Katar peske membrur trobul te losardol jek kasiri thaj jek sekretari.

 

O Egzekutivno Komiteto trobul te kidel pe minimum du var beršestar. Po kidimos akharel o Prezidento vaj kana vov/voj naj presentno, šaj akharel vi o Viceprezidento.

Ekstra kidimata šaj ankerdon te akharel pe kodja o Prezidento, o Viceprezidento vaj trin membrur katar o Egzekutivno Komiteto.

 

Svako 4. berš trobul te losardol o Egzekutivno Komiteto. Membrur pala Egzekutivno Komiteto šaj losardon pala jek dujto, štare bęršengi  perioda.

50% vote  plus 1, katar le Plenarosko Komiteto si le zor,  te  khosen ekhe membrosko mandato anda Egzekutivno Komiteto. Athoska trobul te losarel le Plenarosko Kidimos jek nevo membro pe sa kodja sama.

 

O Egzekutivno Komiteto realizuil thaj implementiril le decizije katar Plenarosko Kidimos. O Egzekutivno Komiteto trobul te skiciril e agenda pala ´l kidimata kata Plenarosko Kidimos.

 

Le decizije ando Egzekutivno Komiteto kerdon thaj si validni, kana si maj but de 50% vote palaj decizija.

 

O Egzekutivno Komiteto šaj rodel peske ekspertongo ažutimos, kana, pala jek specifično bući, naj dosta žanglimos ando Forumo.

 

Artiklo 8.3:  Funkcija le ženengi ande Egzekutivno Komiteto

 

i.  O Prezidento

O Prezidento

-si  responsiblo te ankerdon le statutur thaj si te siguril, te aven le Forumoske moralni interesur garantuime

-sikhavel le Forumoske direkciake lake aktivitetur, lel sama pe lende thaj si responsiblo, te aven le decizije pe jek linija le Egzekutivnone Komitetosa.

-reprezentiril o Forumo pe sa leske funkcije. O Prezidento šaj mekel specifični buća pe ‘l membrur katar Egzekutivno Komiteto.

 

O Prezidento si te informiril o “Tribunal d`Instance” ando Strasburgo tele trine šonende pa le decizije kaj si pe kaća sama: te parruglol e formacija kata Egzekutivno Komiteto vaj te parruglol o Statuto vaj te si jek disolucija.

 

 

 

ii. O Kasiri

 

O kasiri si responsiblo palaj Forumoski financija thaj kontur. Vov kerel minimum jek var beršestar jek raporto thaj anzarel les ka le Plenarosko Kidimos

 

 

iii. O Sekretari

 

O Sekretari skiciril le kidimatange raportur, katar Plenarosko Kidimos thaj katar Egzekutivno Kometeto thaj  kerel  jek protokolo kata `l raportur.

 

 

Artiklo 8.4:  O Modo la Procedurako

 

O Egzekutivno Komiteto skiciril o koncepto la procedurako aj  anzarel kodo ka o Plenarosko Kidimos, savo  trobul te del peski afirmacija pe kodja.  O modo la procedurako trobul te fiksiril  sa le punktur, trjabe  thaj detailur, save trobun te sigurin,  te aven sa le artiklur kata  Statuto de sja implementirime.

 

 

Artiklo 9: E Financija

 

Artiklo 9.1:  O Budžeto thaj la Financijake buća

 

O Forumo financiril pe: katar membronge love, katar financijako ažutimos paj rig katar Evropako Saveto, vaj paj rig katar aver maškar-themutne organizacije, voljake kontribucije katar membronge thema thaj vi katar aver privatni vaj publikake love. Sa kodo financirimos trobul te avel pe generalno sama kata  `l  Forumoske ciljur  thaj na kontra leske ciljur.

 

 

Artiklo 9.2: O Establišmento thaj la financijaki kontrola

 

O budžeto thaj le kontur trobun svako berš te getin pe thaj o Egzekutivno Komiteto trobul te afirimiril le. Le beršesko budžeto thaj sa e financija si te anzardol getome ka Plenarosko Kidimos. O Plenarosko Kidimos si te afirmiril le. Sa kadala dokumentur  si te den pe ka duj  interni kontrolorja, save si nominirime katar Plenarosko Kidimos, ka jek independentno, profesionalno kontrolori thaj vi ka Evropako Saveto, pe la informacijaki sama.

 

 

Artiklo 10: Le Relacije la Evropake Savetosa

 

Palaj referencija  katar Egzekutivno Komiteto, trobul te skiciril  jek kontrakto  la Evropake Savetosa. O Prezidento le Forumosko anzarel kodo ka Plenarosko Kidimos, savo si  te del peski afirmacija  pe kodo.

O kontrakto trobul te sikhavel  le detailur katar e kooperacija,  kaj si maškar o Forumo thaj maškar la Evropako Saveto.

 

O kontrakto si te respektuil le Forumoski avtonomija thaj lesko independentno statuso.

 

 

 

Artiklo 11: Le Relacije avere maškar-themutne organizacijenca

 

O Forumo trobul te rodel regularno kooperacija avere maškar-themutne organizacijenca , save keren bući pe sama le grupengi, save si spomenime ando artiklo 1.2  thaj šaj del len vi monitoringosko statuso ande ´l Forumoske Plenaroske Kidimata..

 

Artiklo 12: Modifikacija katar le Forumosko Statuto

 

Le Forumosko Statuto šaj paruvel pe, te den 2/3 membrur  katar Plenarosko Kidimos  peski vota pala paruglimos.

 

Artiklo 13: Le Forumoski disolucija

 

O Forumo šaj khoslol, kana jek 2/3 majoriteto katar Plenaroske Kidimaske žene mangel kodja.

 

                                                           

* *  *  *

1

 

 

Klauzule kaj trajin numa pala jek vrjama

 

       1. Membrur, save anen o Forumo pe egzistencija3  trobun te adoptirin  le Forumosko Statuto, trobun te losaren  “ad interim” jekhe Prezidentos, trobun te registruin o Statuto le Forumosko  ando Strasburo ka “Tribunal d’Instance” thaj trobun te akharen o malavimos katar o angluno Plenarosko Kidimos. Pe kaća vrjama te len pe peste “ad interim” e funkcija kata `l Forumosko Egzekutivno Komiteto, le ciljosa, te sigurin le Forumoski formacija thaj o numero le deligatongo, saven avla than ando Plenarosko Kidimos aj kodja  pala `l kriterije, kaj si relevantni le Statutosa. Pe angluno Plenarosko Kidimos, o Egzekutivno Komiteto kaj si “ad interim”  thaj vi o Prezitento kaj si “ad interim”  xasaren penge funkcije. O angluno Plenarosko Kidimos kam losarel jek Egzekuivno Komiteto, jekhe Prezidentos taj jekhe Vice-prezidentos  pala štar (4) berš. Pala kodo kam avel sa, sar kaj si ramome po Artiklo 8.1, ii.

 

2. Pe angluno Plenarosko Kidimos šaj thon pe, palaj sama kata artiklo 12, vi maj aver punktur pa Forumosko Statuto, te avel pala kodo jek majoriteto katar  50% vote plus jek vota.

 

3.  Kana či egzistiril jek ambrelaki organizacija ande jek partikularno membrosko them katar Evropako Saveto, sar kaj si definirime opral po Artiklo 5.2  (i) athoska trobul jek kidimos kata sa le representantura le ženenge kaj si spomenime po Artiklo 1.2  te nominiril jek delegacija  pala Plenarosko Kidimos, pala sa kodola kondicije, sar kaj si len le Nacionalni membrur thaj lenge delegacije. Numa kadale delegaton kam avel o čačimos feri pala jek perioda, te aven ando Plenarosko Kidimos. Te nakhlja e perioda, o delegatgo feri šaj te avel  pale nominirime palaj procedura, sar kaj si ramome po Artiklo 5.2 (i)

 

So si o modo  katar Artiklo 6.4, pe kaća sama le nominirime delegatur trobun te dikhen pe sar Nacionalni membrur. Te  merela o delegato vaj te mekela o delegato pesko than, athoska jek nominirime delegato kam ašel pe  mandadoski vrjama kaj ašili pe sama katar kodo Artiklo. Trobul te poćinel sar membro subskribcijake love. Te si e delegacija formirime katar maj but delegatur sar numa jek, la subskripcijake love poćinen pe numa pala jek.

 

4.  Maškar-themutne NGO`s, save naj oficialno registririme, numa save pheren sa le punktur kaj si ramome po Artiklo 5.2 (ii), trobul te avel len o čačimos, te nominirin jek delegacija pala Plenarosko Kidimos. Le kondicije kam aven sa kodola, save važin vi pala Maškar-themutne membrur thaj lenge delegatur. Feri kodole delegaton si len numa o čačimos, te aven ando Plenarosko Kidimos pala jek bućaki perioda. Te nakhli kadi bućaki perioda o delegato šaj te avel pale nominirime numa pe sama katar e procedura, sar kaj si ramome ando Artiklo 5.2 (ii).

 

Le delegatur, save si nominirime pala modo katar o Artiklo 6.4  trobun te dikhen pe sar delegatur katar Maškar-themutne membrur. Te meren vaj te meken kadala delegatur pesko than, athoska pe lengo than trobul te nominirin pe pala bućaki perioda kaj ašili delegatur palaj sama katar kado Artiklo. E delegacija kam poćinel la subskripcijake love sar membro.

 

5. O modo ando Artiklo 6.6 važil vi pala žene kaj bešen ando Plenarosko Kidimos sar membrur.

 

 

Appendix VI

 

Draft parteneriato mashkar o Konsilo la Europako thaj o Europako Forumo e Romengo thaj e Phirutnengo     

 

O Konsilo la Europako, reprezentime katar o Raj Terry Davis, ande pesko kapaciteto sar Generalno Sekretaro,

 

maj palal sar o "Konsilo la Europako",

 

thaj

 

 

o Europako Forumo e Romengo thaj e Phirutnengo, reprezentime katar ___________,

Prezidento le Forumosko, saves si mandato anda kadi buti pala o Artikolo 8 paragrafo 3 anda o Statuto le Forumosko,

 

maj palal sar o "Forumo",

 

AKCEPTUJSARDE:

 

I. LE RELACIJE LE KONSILOSKE LE EUROPAKO LE FORUMOSA

 

1. O Forumo si jekh non-profit legalno institucija savi si sherutni katar o zakono anda Franca. Lesko cilo si te lokhiarel o akceso le Romengo thaj e Phirutnengo ke pebge chachimata thaj fundamentalno slobodimata sar si protektime katar e legalne instrumentura katar o Konsilo la Europako. Si te vazdel o maripe kontra e rasismoski thaj diskriminacijaki thaj te lokhiarel e integracija kadale manushengi ande le Europake societetura thaj lengi participacija ando publichno trajo/dzivoto, sar si phendo ando Artikolo 2 anda o Statuto le Forumosko.  O Forumo kamel te aresel ke pesko cilo kerindoj propozalura, kash te shaj lasharen pes le kondicije le phende manushenge, te implementujn pes le inicijativi ke sa e nivelura, thaj maj but pala khera/beshipe, sastipe, edukacija thaj buki.

 

2. Kash te aresel ke pesko cilo, o Forumo si te inkerel specialno relacije le Konsilosa la Europako thaj maj but kodole rigenca  anda Konsilo saven si len aktivitetura pala le interesura le Romenge thaj Phirutnenge ande Europa.

 

3. O Konsilo la Europako si te inkerel specialno relacije le Forumosa. Le relacije le Konsiloske la Europako le Forumosa si te aven definime ande le decizije so len le riga anda o Konsilo la Europako, pala le regulaminura thaj proceduri   . Kadala decizije si te phenen sar thaj pe sode vrama shaj o Forumo te dzuti pashe ande e buki katar o Konsilo la Europako.

 

4. E Konsilos la Europako shaj te avel les resursi karing e ekspertiza le Forumoski ke te  len ande konsideracija e situacija le Romengi thaj e Phirutnengi ande Europa kana len peske decizii. E Konsilos la Europako si te avel les statuso sar observero ando Forumo.

 

 

II.  O DZUTIPE O SO KONSILO LA EUROPAKO DEL E FORUMOS

 

Kash te zurearel o parteneriato le Forumosa, o Konsilo la Europako phenel ando kado kontrakto sosa shaj dzutil e Forumoske:

 

- jekh kontribucija manushenca;

- jekh kontribucija tehnikasa;

- jekh kontribucija lovenca.

 

O Komiteto le Ministerengo si te dikhel svako trin bersh pala o principo ke o Konsilo la Europako te del love le Forumos.

 

i. Manushikane resursi

 

a. Tela e punktura anda kado kontrakto, kash te kerel pes e provizija ke o Konsilo la Europako del manushikane resursi e Forumos si te  paruven pes lila mashkar o Generalno Sekretaro thaj o Prezidento e Forumosko.

 

b. Le manusha save keren buki ando Konsilo la Europako si te thon pes ke dispozicija le Sekretariatoske e Forumosko pala so kerel pes konsultacija le Prezidentosa le Forumosko. Von si te ashen tela o autoriteto le General Sekretaresko katar o Konsilo la Europako thaj te inkeren pes pala le regulaminura le Konsiloske.

 

c. Kodo ke te thon pes manusha ke dispozicija le Forumoski shaj te avel gata kana o Generalno Sekretaro katar o KOnsilo la Europako mangel kodo, vaj o Prezidento le Forumosko vaj le manusha/ o stafo korkore.  Ande le maj palutne duj kazura,  si te inkerel pe konto pala sode vrama lel te inkalen pes thaj te thon pes ande buki manusha ando Konsilo la Europako.

 

d. Pala pesko Statuto, o Forumo shaj te lel peske manushen ande e avera thema te keren buki leste. Kana kade len pes e manusha ande buki, le mansuha si  te aven pokinde thaj sherutne  pala sar phenel o zakono e bukiako ande kodo them thaj te na phandel pes kodolesa sar o Konsilo la Europako pokinel, le bukiake kondicije kaj si kothe thaj le bukiake kontraktura save o Konsilo kerel le manushenge kaj leste keren buki.

 

ii. Tehnichno dzutipe karing o Sekretariato le Forumosko

 

a. O Konsilo la Europako si te mukhel than pe jekh vrama kaj shaj o Forumo te thol peske Sekretariatos. Kodo so del pes e Forumosk esi te avel inkerdo thaj te avel asigurmo kade sar si le aver bukia le KOnsiloske la Europako.

 

- O Forumo shaj te na biril te invokil o imuniteto savo si le KOnsilos la Europako, thaj sahj te na avel les akceso, ande chi soske situacije, ko imuniteto savo si ke le khera le Konsiloske la Europako.

 

- Kodo so del pes le Forumoske chi trebuk te avel pre-krisime e aplikacija le imunitetongi save aplikin pes le Konsiloske la Europako, lake propietetoske, fondura thaj bukia pala sar ramol pes ando Generalno kontrakto pala e privilegii thaj imunitetura le KOnsiloske la Europako thaj e Specialne Kontraktura  pala o than le Konsilosko la Europako.

 

- O Forumo si te observujl sa e regulaminura save shaj aplikin pes manushenge pala e premisi la KOnsiloske la Europako, thaj si te len e premisi save del pes lenge pala e sekuritateake regulaminura katar o Konsilo la Europako.

 

b. Dikhindos pala e buki svakone geseski le Sekretariatoski ando Strasbourg, e Forumos shaj te avel akceso ke interpretacija thaj translacija ande le duj oficialne chiba le Konsiloske thaj Romani chib, thaj  vi ke le kidimaske sobi le Konsiloske, le postake servisura thaj ofisura thaj komputera, tela kadala kondicije:

 

- kadala dzutimata si te den pes le Sekretariatoske le Forumosko feri sar kontribucija ke svako geseski administracija (sar eksamplo, jekh Generalno Asamblo po bersh, duj kidimata katar  o Komiteto Eksekutivno po bersh).

 

- o Konsilo la Europako nashtil te del kidimaske sobe, interpretacija, translacija vaj postake servisura le Forumoske kana kodo naj phanglo le relacijasa le KOnsilosa la Europako.

 

- e dzutimata shaj den pes pala e baza jekhe negocijaciaki.

 

iii. Financialno resursi

 

O Konsilo la Europako si te del jekh bershutni kontribucija kash te shaj kerel buki o Forumo, ale kodo avela kerdo pala e decizije katar o Komiteto e Ministerengo svako bersh. Sode love shaj te del o KOnsilo la Europako le Forumos si te dzutil e Forumoske ande peski bazichno buki (jekh plenarichno kidipe, duj ofisoske kidimata, thaj vi interpretacija thaj translacija). O Forumo si te del pesko bershutno audito ko KOnsilo la Europako te shaj te verifikil  kana mishto kerde kodole lovenca. Pashe pasha kodo audito, o Forumo si te bichalel pesko draft bugeto  anda o bersh kaj avel le KOnsiloske  la Europako, kana o KOnsilo la Europako adoptil pesko bugeto.

 

O Forumo si te bichalel jekh bershesko evaluacijako raporto ko Konsilo la Europako.

 

O Forumo, kash te inkerel pes korkoro pe punrende, si te rodel aktivno love ande aver riga, sar si e aver internacionalne organizacii, le thema membre katar o Konsilo la Europako (voluntarno kontriubcija) vaj aver publichnoo vaj privatno resursi save vazden o cilo le Forumosko thaj naj kontra le Statutosko le Forumosko.

 

O Forumosi te mekhel peske kontura puterde te shaj keren pes vi aver kontrole kana mishto dine avri e love katar o Konsilo la Europako, thaj kodo shaj te kerel lenge auditorura vaj anavde reprezentantura.

 

 

III. GENERALNO PROVIZIJE

 

1. Ande peske aktivitetura, o Forumo si te dzal pala e principii thaj e gidura katar e generalno politika pala savi kerel buki o KOnsilo la Europako. Chi o Konsilo la Europako thaj chi leske thema membre naj  te aven phangle ando chi sosko felo le bukiasa le Forumoski. Kana arakhel pes ke o Forumo kerdas buki kontra le principii thaj provizije phende maj opre anda kado kontrakto, o Konsilo la Europako shaj te phandavel sigate e kooperacija.

 

2. Kado kontrakto si kerdo pe jekh vrama trine bershengi katar o _______________.

O kontrakto shaj te kerel pes maj dur pala so kerel pes independento evaluacija pala kadala trin bersh, thaj kodo depindil katar sar dur gelas le relacije mashkar o Forumo thaj o Konsilo la Europako.  Kana chi lel pes chi soski decizija, o kontrakto shaj te avel lungiardo pe jekh bersh. Ande kadi vrama, le puntkura anda kontrakto shaj te aven amendime vaj suplimentime kana kerel pes jekh  suplimentarno ramome kontrakto mashkar le riga.

 

3. Pala e provizije anda Artikolo 21 anda o Generalno Kontrakto  pala e privilegii thaj imunitetura katar o Konsilo la Europako, kana si varesosko bihacharipe mashkar o Generalno Sekretaro thaj o Forumo pala e eplikacija kadale kontraktoski, thaj kerel pes amalikano lasharipe mashkar e riga, thaj bichael pes ke arbritacija pala sar phenel pes ando Order No. 481 inkaldo katar o Generalno Sekretaro thaj akceptujme katar o KOmiteto e Ministerengo.

 

 

Kerdo ando______________ ko _______________ 

 

anda o Konsilo la Europako        anda o Europako Forumo e Romengo thaj Phirutnengo

o Generalno Sekretaro                      o Prezidento

_______________________      _______________________________

 

 

APPENDIX

 

Kadala so si maj tele si skurto indikacii pala e legalno fondacija pala savi le riga anda o Konsilo la Europako shaj len decizija te vazden relacije kooperacijake le Forumosa. E lista katar e ramome institucii/riga naj gata/ shaj maj but te aven.

 

 

A. Relacije le Komitetosa le Ministerengo

 

Pala sar phenel pes ando generalno regulamino anda o dokumenti CM(99)167 pala le Bukiake Metodi katar e Ministeronge Deputatura, kana jekh Raporteur Grupa gindil ke si musaj te kerel pes kontakto avrial anda Konsilo la Europako, le grupako Sherutno musaj maj anglal te konsultil le Sherutnes katar e MInisterengo Deputatura savo sahj lel decizija te konsultil o Bureau, thaj, kana avela musaj, e Ministeronge Deputaton.

 

E Deputatura shaj den autorizacija penge Raporteur Grupen te akharen jekhe reprezentativa katar o Forumo ande penge kidimata kana o debato dzal pala le Romenge problemura.  

 

Kana e Deputatura den autorizacija, e Raporteur Grupi shaj te aven anavde te konsultin e Forumos bi te mangen e akceptacija katar e Deputatengo Sherutno thaj shaj lel decizija te akharel e reprezentativa e Romengi pala kazo, thaj pala o punkto so si pe lengi agenda.

 

B. Relacije le Komitetonca katar o Parlamentarichno Asamblo

 

O regulamino 44, paragrafo 5, katar e Procedurake Regulaminura katar o Asamblo phenel kaj svako Komiteto shaj te vazdel peske relacije le bi-vladake organizacijenca save shaj te keren aktivitetura pala le Komitetoske refencijake termenura.

 

Le Komitetura keren le kondicije pala save svako manush, aver sar e membrura thaj observerura thaj e specialno akhardi delegacija shaj te avel shundo ande penge kidimata (Regulamino 47, paragrafo 7). Kade, svakone Komitetos si les e zor te lel decizija sar o Forumo te avel asocijacime ande penge aktivitetura.

 

 

C. Relacii le Kongresosa katar e Lokalne thaj Regionalne Autoritetura katar o Konsilo la Europako

 

Regulamino 8, paragrafo 2 katar e Procedurake Regulaminuri katar o KOngreso phenel: " e Standing Konferenca katar o Kongreso shaj del statuso sar observero avere organizacijen save mangen kodo. Ande kasavo kazo, kasavi organizacijan avela lan o statuso sar observero ko Kongreso thaj ke vi le duj Sobe."

 

O Paragrafo 3 thol pashe ke " le organizacii saven si len statuso sar observero ando KOngreso si len o pravo te particpin ande le proceduri le Kongresoske thaj le Sobenge, thaj si les o pravo te del duma, kana o Sherutno del voja ale naj len o pravo te alosaren. Von sa kade, shaj te bichalen memorandum pala le punktura so si pe agenda katar e plenarichno sesie katar o Kongreso thaj e Sobe."

 

Thaj maj palutnes, o Paragrafo 4 phenel ke "o Standing Komiteto, o Bureau le Kongresosko, le Statutori Komitetura thaj le ad hoc bukiake grupi shaj te akharen  jekh vaj maj but reprezentative e orgnizacijenge saven si len o statuso sar observero ko Kongreso te participil ke intrego kidipe vaj jekh rig le kidimaski."

 

D. Relacii le Komisionaresa pala le Manushenge Chachimata

 

Soske anda peski natura o Komisionari pala le Manushenge Chachimata si jekh independento institucija, e decizija ke te konsutil vaj te kerel kooperacija ekspertonca vaj konsultatonca avrial shaj te lel lan o Komisionari. Pala sar phenel pes ando Artikolo 5 anda lesko/lako mandato, o Komisionari shaj te reagujl pala e informacija relevanto ke le Komisionareske funkcije. Kodo shaj te avel e informacija so bichalen le Komisionareske e Governura, e nacional Parlamentura, le nacionalne ombudsmenura vaj similarno institucije save keren buki pala e manushenge chachimata, individualura thaj organizacii.

 

Inkerindos konto katar  e aktivitetura le Komisionareske anda e Manushenge Chachimata pala e promocija le chachimatengi le Romengi, kodo ke te phanden pes pashe bukiake relacije le Forumosa si but importanto. Le kooperacijake formi mashkar o Komisionari thaj o Forumo si ke te paruven informacija thaj te keren aktivitetura khetane.

 

E. Le relacije le Koordinatoresa le aktivitatengo pa Roma/Gypsies

 

O Koordinatori pala le aktivitetura pa Roma/Gypsies dela pesko suporto le Forumos, kana trebula, kash te koordinin le relacije le Konsilosa la Europako.

 

 

F. Relacije le Komitetosa so del sfato pala e Konvencija anda e Protekcija katar e Nacionalno Minoritetura

 

Pala sar phenel pes ando Artikolo 36 anda le Prodecurake Regulaminura katar o Komiteto so del Sfato, e decizija ke te konsultin eksperton vaj konsultaton avrial shaj lel o Komiteto.

 

Ande pesko 835to kidipe (8to Aprilo 2003to bersh, item 4.3), le Deputatura:

 

1. notisarde e intencija katar o Komiteto so del sfato, ke katar o dujto raporto thaj ke avera so avena, te roden informacija katar e internacionalno organizacije, ombudsmenura thaj nacionalno institucije anda e promocija thaj protekcija katar e manushenge chachimata, thaj sa kade katar e reprezentantura katar o civilno societeto thaj bi-vladake organizacije;

 

2. das autorizacija le Komitetos so del sfato te inkerel kidimata le bi-vladake institucijenca thaj independento institucijenca ando konteksto ke o Komiteto so del sfato te vizitil le thema membre, katar o dujto raporto thaj kodola so avena maj palal;

 

3. das autorizacija le Komitetos so del sfato ke kana keren o dujto raporto te inkerel kidimata avrial anda konteksto katar e vizita le themeski le  bi-vladake organzacijenca thaj independento institucijenca thaj te phenel pes maj anglal le themeske, kash te kerel pes siguro ke o Komiteto so del sfato si les akceso ke jekh balansime informacija. Kasave kidimata si te inkeren pes ando Strasbourg kana o Komiteto so del sfato organizujl peske kidimata thaj si te avel organizujme pala le bugetarno resursi so si.

 

Anda kadi decizija inklel avri ke o Komiteto so del sfato shaj te mangel informacija le Forumostar te shaj te kerel peske monitorizacijake funkcije.

 

 

G. Relacije le Europaki Komisiasa  kontra o Rasismo thaj Intoleranca (ECRI)

 

Pala sar phenel pes ando  Artikolo 6 anda pesko Statuto, Rezolucija Res (2002)8), o ECRI shaj te rodel asistenca katar e raportorura vaj konsultantura, te organizil konsultacii le rigenca save si interesime thaj shaj te avel puchli direktno katar e bi-vladake organizacii pa sa e puchimata save si usharade katar peske referencijake terminuri.

 

Kooperacija mashkar o ECRI thaj o Forumo shaj te lel e forma jekhe informacijako paruvimos thaj khetane aktivitetura pala puknuta so interesin vi le duj riga, ando kadro katar e relacije mashkar o ECRI thaj o civilno societeto.

 

 

H. Relacije le Komitetosa le Ekspertongo katar e Europaki Karta anda e Regionalno thaj Minoritateange Chiba  

 

Pala o Artikolo 12 anda  le Procedurake Regulaminuri katar o Komiteto le Ekspertongo, o Komiteto shaj te konsultil pes thaj te shunel svako manush, organizacija vaj reprezentativa Governoski savi si ande pozicija te asistil te kerel peske funkcije pala Karta.

 

Pala kodo so si ramome maj opre, e decizija ke te konsultin jekhe reprezentativa le Forumoski ande le kidimata le Komitetoske shaj te lel lan o Komiteto.

 

 

I. Relacije le strukturenca inter-vladikane

 

Svako mesura ke te mukhen jekhe reprezentativa le Forumoski te participil ando kidipe katar o Steering Komiteto si te avel pala o paragrafo 5 andaj Rezolucija (76)3 pala le strukturi le komitetoske, referencijake terminuri thaj bukiake metodi, save phenen:

 

"Svako steering komiteto shaj, kana lel pes unanimo decizija, te akceptujl observerura anda e non-membre thema katar o Konsilo la Europako, vaj katar e inter-vladikane vaj non-vladikane internacionalno organizacije, save:

 

i. Svako mangipe te kerel pes admisija sar jekh observero si te avel bichaldi maj dur sar maj sig ko Generalno Sekretaro thaj ke Permanento Reprezentativi katar le thema membre thaj ke membri anda o steering komiteto;

 

ii. Svako Governo shaj te informil le Generale Sekretaros  shtar kurke maj anglal pa peski intencija te bichalel o puchipe ko Komiteto e Ministerengo te len decizija. Kadi decizija si te lel pes katar duj-trina (karing 66%) anda sa e Reprezentantura save beshen ando Komiteto."

 

Sa jekh, kash te na aresel pes te mangel pes ke svako steering komiteto o statuso sar observero, o Forumo si te mangel katar o Komiteto le Ministerengo ke kana lel e decizija pala le relacije le Konsilosa la Europako, te lel decizija te akceptuj e Forumos sar observero ande maj but Steering thaj  Ekspert Komitetura, save te avenramome ande dcizija. Kadala shaj te aven:

 

1. Europako Komiteto pa Migracija (CDMG)

 

Si te notil pes respektosa karing o Grupo le Specialistongo pa Roma, Gypsies thaj Phirutne (MG-S-ROM) ke aplikil pes:

- Paragrafo 5 (c), pala savo "o Konsilo la Europako usharavel sa kade e participacija 8  Romane reprezetantongi thaj independento ekspertura save shaj dzutin pashe ke le Grupaki buki";

 

- Paragrafo 6, tela saveske terminura " si te phanden pes bukiake relacije selektime organizacijenca Romane savengo sfato shaj te anel lashi kontribucija ande peski buki" thaj " shaj te avel asistime ande peski buki katar e konsultantura".

 

2. Europako Komiteto andar e Socialno Kohezija (CDCS)

 

3. Europako Sastimasko Komiteto (CDSP)

 

4. Steering Komiteto pala e Manushenge Chachimata (CDDH)

 

5. Steering Komiteto andar e Programura pa Vazdajmo a Pachajmasko (CBM)

 

6. Steering Komiteto pala Edukacij (CD-ED)

 

7. Steering Komiteto pala Kultura (CD-CULT)

 

8. Steering Komiteto anda o equaliteto mashkar e Dzuvla thaj Mursha (CDEG)

 

9. Komiteto le Ekspertongo pala Nacionaliteto (CJ-NA)

 

 

Appendix VII

 

ESTIMATIVNO KOSTURA- EUROPAKO FORUMO E ROMENGO THAJ E PHIRUTENGO(1 - 3)

 

 

DROMA THAJ SUBZISTENCIJAKE KOSTURA

75 membrura te aven ko plenarichno kdipe

Plenarichno Kidipe - 3 Ges

74 300

Ofisosko kidipe 1 ( 9 Membi) 2 Ges

7 900

Ofisosko kidipe 2 ( 9 Membri) 2 Ges

7 900

TOTALNO KOSTura anda DROMA thaj suzistencija

90 100

Administracija

  

Interpretacija(3 Chiba)

 

Plenarichno kdipe - 3 Ges

18 500

Ofisosko kidipe 1 ( 9 membri) 2 Ges

13 500

Ofisosko kidipe 2 ( 9 membri) 2 Ges

13 500

TOTALNO KOSTura anda interpretacija (1 Plenarichno, 2 Ofiso)

45 500

Estimativno Kostura le translacijake, keripe dokumentongo, posta, pe baza jekhe kidimaske e Komitetosko saves si le similarno baripe sar le Forumos.

  

Translacija

10 000

Keripe dokumentongo thaj posta

6 400

TOTALNO KOSTURA and translacija, keripe dokumentongo thaj posta

16 400

Staffo aver sar o CoE (1 Posto )

48 000

TOTALNO KOSTURA (bi o redeployment e duje thanenge katar o CoE)

200 000

E NON-CASH KONTRIBUCIJA KATAR O KONSILO LA EUROPAKO (4)

  

Kontribucija manushikane resursenca katar o Konsilo la Europako (jekh B3 thaj jekh B4) Plata/Salari

120 900

Kontribucija pa Komuno/khetani ekspenditura - 2 staff membri katar o Konsilo la Europako (5)

53 000

Kontribucija pa pensijake provizije - 2 staf membri katar o Konsilo la Europako (5)

15 000

Ofisosko konsto anda  1 non CoE staff (5)

8 000

Udzilimo katar e kidimaske sobe

3 500

TOTALNO  VALOAREA katar e Non-Cash kontribucija katar o Konsilo la Europako

200 400

SA  TOTALNO

400 400

 

 

1. Le numerura save si maj opre si feri pala le kidimatenge kostura thaj eprovizii pa aktiviteura naj thode kothe

2. Le kosti save si maj opre si pala  le kosti anda o  2004to bersh

 

3. O estimativno bugeto si si maj opre si pala le kidimata so avena ando Strasbourg

4. Le ofisoske kostura (telephone, fax etc) si te aven pokinde katar o FORUMO

5. Kalkulime pe baza katar e relevantno kalkulacije so si pala o  Parcijalno Kontrakto

 

 

 

 

Appendix VIII

 

O vazdimo katar o Europako Forumo e Romengo thaj e Phirutnengo

 

 

Decizije

 

Le Deputatura

 

1. Dikhle o raporto pa finanlno aktiviteto katar e Bukiaki Grupa savean sas lan e buki te analizin o puchipe kana shaj te vazdel pes jekh forumo e Romenge thaj e Phirutnenge (GT-ROMS) sar si ando lil  GT-ROMS (2004)9;

 

2. adoptisarde o gido pala o vazdajmos katar o Europako Forumo e Romengo thaj e Phirutnengo sar si ando Appendix..... ande kadala decizije < dikh sa kade o lil GT-ROMS(2004)9, Appendix IV>;

 

3. dikhlas e prezento versija katar o Statuto sar si ando Appendix .... ande kadala decizije < dikh vi o lil GT-ROMS(2004)9, Appendix V>;

 

4. del autorizacija le Generale Sekretaros te semnol/potpisil o kontrakto pa parteneriato mashkar o KOnsilo la Europako thaj o Europako Forumo e Romengo thaj e Phirutnengo pala sar si ando Appendix.... anda kadala decizije. <dikhsa kade o lil GT-ROMS(2004)9, Appendix VI>

 

5. phenel peske Raporteur Grupenge te akharen jekh reprezentativa le Forumoski ke lenge kidimata sar observero kana e diskusija dzal pala le problemura le Romenge thaj le Phirutnenge;

 

6. las decizija te akharel o Europako Forumo e Romengo thaj e Phirutnengo te bishalel jekh reprezentativa sar observero ke le kidimata katar e Steering Komitetura phende ando Appendix .... anda kadala decizije < dikh vi o lil GT-ROMS(2004)9, Appendix VI,(appendix, point 1-9)>;

 

7. las e decizija te putrel o bugeto anda o 2004to bersh te shaj del pes le Forumoske (Sub-Head 3900-600 4933, Provizija anda o Europako Forumo e Romengo thaj e Phirutnengo).

 

 

 

Note 1 E Bukiaki Grupa reslas pes ando 6to March, 2to Juni, 7to July, 18to Septembro, 23to Octobro, 24to Novembro 2003to bersh, 1 December thaj 16to Decembro 2003to bersh.

Note 2 Ando 2004to bersh, E Bukiaki Grupa reslas pes ando 22to Januaro, 19to Februaro, 23to March, 3to Majo, 10to Juni, 5to July, 23to September thaj 19to October.

3 Le detalii kadale paruvimatenge si ando lil GT-ROMS(2003)CB2.

Note 4 Le detalii kadale paruvimatenge si ande lila GT-ROMS(2003)CB2, GT-ROMS(2003)CB4 thaj GT-ROMS(2003)CB6.

Note 5 Le detalii kadale paruvimatenge si ando lil GT-ROMS(2003)CB4, ande savo si detalii pala le organizaci le Romenge thaj le Phirutnenge save sas ande kodo kidipe, thaj GT-ROMS(2004)CB2. Document GT-ROMS(2004)3, ande savo si detalii pala le organizaci le Romenge thaj le Phirutnenge thaj aver strukturi save sas ko maj palutno kidipe.

6 Le detalii kadale paruvimatenge si ando lil GT-ROMS(2003)CB3.

Note 7 Document GT-ROMS(2004)3 ande savo si detalii pala le organizaci le Romenge thaj le Phirutnenge thaj aver strukturi save save llile rig ke elaboracija katar o Draft Statuto.

Note 8 Kadala si ando lil GR-AB(2004)CB10.

Note 9 “Roma” phenel pes, pala sar phenel pes ande le tekstura katar o KOnsilo la Europako thaj aver internacionalno organizacije, thaj Sinti, Travellers, Gypsies thaj aver Grupi pashe e Romenge.

Note ( Proposalo kerdo katar e  Swiss delegacija.

Note (( Proposalo katar e Rumunicko delegacija.

Note ( Proposalo  kerdo katar e Swiss delegacija.

Note *** Proposalo kerdo katar o  Sekretariato.

Note **** Proposalo kerdo katar e Ungriko delegacija.

10 Sar si o Statuto katar o Konsilo la Europako, e Europaki Konvencija pala le Manushenge Chachimata thaj Fundamentalno Slobodimata, e Konvencija pala e Protekcija katar e Nacional Minoritetura, e Europaki Karta pala e Regionalno thaj e Minoritateange Chiba, e Europaki Socialno Karta (revizujme).

11   iE Nacionalno thaj Internacionalno membri si te anaven peske delegacijen thaj te na bistreno gender balanso sar ramol pes ande Rekomandacija katar oKomiteto le Ministerengopala e balansime participacija e murshengi tahj e dzuvlengi ande politichno thaj publichno procesura kaj lel pes decizija adoptime ando 12to March 2003to bersh :i.e. "anda kadi rekomandacija, e balasime participacija e dzuvlengi thaj e murshengi bushol ke e particpiacija e murshengi vaj e dzuvliangi ande jekh institucija kaj lel pes decizija te na avel maj cikni sar 40%". Svako delegacija si te thon po jekh  mursh thaj po jekh dzuvli. Pala e participacija ande le kidimata katar o Plenarichno Asamblo, kaj maj but sar jekh manush participil, si te participil sar maj cira jekh mursh thaj jekh dzuvli; kana si feri jekh mansuh ando Asamblo si te kerel pes varesar kash te participil vi jekh mursh vi jekh dzuvli (e.g. alternativno participacija, rotacijako sistemi).

Note 12 Sar indikacjia ando Appendix si jekh non exhaustivno lista katar e institucije/riga anda o Konsilo la Europako thaj lenge relevanto regulaminura thaj proceduri.

 

 

 

Cilura