Informiribe

I buchi si jekh kotar e fundavne bucha save so shaj te anen dzi pe lacheder dzivdipe. Si e adadzivesutne politiki efektivne te den e Romenge jekh shajipena vash arakhibe buchu? Save si e lache eksperijence si implementirime/kerdine thaj shasj te den sasto kapaciteto?

Kodola, mashkar vaver tematura ka oven diskutirime pe Regionalno Trujali Mesaja ,,E Roma thaj olengoro avipe d`i pe buchi,, savi ka ovel pe 25 thaj 26 aprilo 2005 bersh ande Skopje, pe hotelo Arka, Bitpazarska 90/2 sar kotor Projektostar maskar o Konsilo Evropako, OSCE-ODIHR thaj e Evropakiri Komisija phendino sar ,,E Roma teli o Projekto vash Stabiliteto II,,.

I Regionalno Trujali Mesaja ka phenel e manushenge so achilas pes pe nakhle duj bersh. O rodipena pe kodola duj bersh trubujasa te kheden informacije vash legalno shajipena thaj vash e socijalne aspektura pe Romengfo rodipe buchi ande shtar thema (Bosna thaj Hercegovina, Kroacija, nekanutni jugoslavijaki republika Makedonija thaj Srbija thaj Montenegro).

Duj internacionalno ekspertura vash arakhibe buchi ande Konsilo Europako e rajona Ina Zun thaj i Dzudit Kirs, kerdine metodologija vash khedipe informacije bazirime upral e Ministerongi Rekomandacija (2001)17 vash arakhibe buchi kotar o Konsilo Europako, vash e gavernura te den zhutipen te lacharen e buchako arakhibe vash e Roma an penge thema.
Panch lokalne konsultantura e Europakere Koonsiloske, Amir Sarajlich, Lovorka Kushan, Nedjeljka Sindik, Nenad Vladislavljev thaj Sejdo Jasarov, kerdine e lokalno reportura.

I Trujali Mesaja oficijalne ka phandel e projekte Pakto vash Stabniliteto II thaj ka del shajipen vash diskusije thaj e rezultatura vash projekteskere avutne faze.

Kontaktura: Eleni Ceceku (e-mail: eleni.tsetsekou@coe.int; tel: +33 3 88 41 24 33)
Ivana D'Alesandro (e-mail: ivana.dalesandro@coe.int; tel: +33 3 90 21 51 51)