2004 RAPORTI AKTIVITETIJA, 2004

17 Januari 2005
2004 RAPORTI

VASH O AKTIVITETIJA KERDE E ROMENGE THAJ
O TRAVELURA

Kerdo katar

Generalno Direkcia III - Sozialno Koezia
Departamento vash i Migracia thaj o Roma
Divizia vash o Roma thaj o Travelura thaj o Kordinati savo kerel buti vash o Roma thaj o Travelura

1. I Grupa katar o Spezialistura Roma, Travelerura (MG- S- ROM)

Historikano vakijaripen

I grupa kerda pes, and-i Septembra 1995, i Grupa katar o Spezialistura Roma si o anglutno zoralipen kerdo katar e Evropako Konsilo, kerdo si te dikhel e Romengi situacia and-i Evropa. I grupa si kerdi katar manusha membrura save si permanantna thaj save naj permanantna bichalde katar lengere theme.Akala manusha bichalen pes te den godi e Ministerengo Komiteti thaj o Komiteti vash i Migracia (CDMG), te den godi vash o butija save si e Romenge. And-o bersh 2002, o MG- S- ROM buxlijarda piri buti thaj piri responsabiliteta thaj lila nevo alav, nevo akharipen, i Grupa katar o Spezialistura Roma thaj Travelura.

Rekomadacie vash o Roma thaj Travelura kerde katar e Ministerengo Komiteti dikhle katar i Grupa

I grupa lila iniziativa vash i Rekomandacia kerdi katar e Ministerengo Komiteti (2000)4 Rekomandacia kerdi vash e Romane chavengi edukacia and-i Evropa, thaj Rekomandacia (2001)17 kaj te lacharel pes i ekonomikani thaj butijaki situacia e Romenge thaj o Travelura and-i Evropa, thaj vi i nevi Rekomandacia ( 2004)14 vash o Piripen thaj Achavipen e manushenge kon si Travelura and-i Evropa, akaija Rekomandacia adoptisarda pes katar o Deputatija Ministerija ande lengo 907 kidipen and-i 1 Desembra 2004. Rekomandacia kaj te lacharen pes e dzivdipanske kondicie ande savende dzivisaren o Roma thaj o Travelura and-i Evropa ka adoptisarel pes katar o Deputatija Ministerija angleder and-o bersh 2005.

Vakijarel pes and-i grupa katar o Spezialistura vadze pala duj Rekomandacie: Rekomandacia kaj te del aksesi posibiliteta e Romen thaj o Travelura and-e sastipnaske servizura thaj Rekomandacia vash o politike karing o Roma thaj Travelura ande savijate ka vakijrel pes vash o monitoring, thaj sar kerel pes realizacia katar o strategie thaj programme save si e Romenge thaj o Travelura. Akava paragrafi ka tovel pes sar apendixo/palutno lil vi and-o anglutne Rekomandacie (vash i edukacia, i buti, o khera, thaj o sastipen). I Grupa lila decizia te kerel ad hoc butijake grupe save te astaren angleder and-o bersh 2005 thaj te agordisaren akala rekomandacie.

Sar si kerdi i grupa, kon si and-i grupa

And-i grupa si 14 permanentna/ manusha save akharen pes pe savore kidimatura (Bulgaria, Croatia, Czech Republic, Finland, Hungary, Italy, Netherlands, Poland, Romania, Russian Federation, Slovak Republic, Slovenia, Spain and Ukraine), si vi thema save bichalen manushen thaj pokinen lenge kaj te oven pe kidimatura. And-o bersh 2004 i France, Germany, Ireland, Norway, Portugal thaj o United Kingdom fuliste ande akaija kategorija. Pokinel pes vi 8 Romenge kon akharen pes sar expertura thaj save len than and-o agende thaj and-o programme save keren pes kana si o kidipen. Vi aver avrutne organizacie/instituce sar ( Evroputni Komisia, OSCE-ODIHR, UNHCR, UNDP, Lumijaki Banka) len kotor and-o aktivitetija, thaj vi kaijekh avrutne bi- raipnikane organizacie/organizacie save naj katar o guverno NGOs (ERRC, PER, thaj aver) save silen statuti e Evropake Konsulesa sar manusha kon te dikhen.

Ko 18 MG-S-ROM kidipen savo kerda pes and-o Presov, Slovakia, and-o 21-24 Novembra 2004, o MG- S- ROM lila i desizia kaj o Evroputno Forumi e Romenge thaj vash o Travelura te ovel les statuti sar observeri/dikhipnasko statuti. Lila pes i desizia te akharen pes manusha katar o Forumi save te oven akharde sar okola manusha save astaren o 8 thana save mekhen pes e Romenge thaj o Konsultantura.

I grupa alosarda palem jekhe bersheske kon te ovel o shterunto (o Raj Andrzej Mirga katar i Polska) thaj o Vise Sherutno o Raj Claudio Marta katar i Italia).

Desizie thaj akcie lile katar i Grupa and-o bersh 2004

O duj maj anglutne kidimatura kerde katar o MG- S- ROM kerde pes and-o Strasbourgo ko 29 thaj 30 Marto thaj and-o Presov, and-i Slovakia ko 21- 24 Novembra. O manusha save akharde pes po kidipen kerde vizite, gele and-o Romane maxale/kvartalura, phera thaj sasas vi vakijaripen katar o manusha save si and-o guverno thaj and-i lokalno sherutnipen/administracia thaj vi katar o bi-raipnikane Romane organizacie, kava kerel pes sa jekh drom kana si kidipen and-o thema save si membrura. Kana kerda pes akava ashundipen, o manusha vakijarde vash o problemura vash i segregacia, vash i sterilizacia e Romane dzuvlenge, thaj vi i diskriminacia savi si and-i praktika thaj vi o problemi o paripen soske e Romen chuden pes,najlen posibiliteta dzi ko kher, dzi ki buti, dzi ki kris.

Bichalipen zorijasa e Romenge and-i Serbija thaj o Montenegro thaj vi Kosovo

Ko 17 kidipen and-o Marto o bersh 2004 i Grupa katar o Spezialistura lila jekh gindo vash o Parlamentarno Rekomandacia 1633 ( 2003) kaj bichalen pes zorijasa o Roma and-i Yugoslavia, Kossovo, Serbija thaj Montenegro katar o thema membrura and-o Evropako Konsilo. I Grupa gindisarel soske akala butija si but vazne thaj importantna thaj ka lel kontaktura e butijake grupençar save keren buti and-o Ad hoc Comite thaj o Exertura vash o Legalna aspektura katar o Teritorijalno Azili, Nashalde manusha
(refugie) thaj manusha katar o ( CAHAR).

Aksesi andredipen e manushenge kon si nomadura vash lengere sozialna xakaija

I Grupa astarda diksusia, vakijaripen and-o bersh 2004 vash o andredipen, o fulipen e manushenge kon si nomadura ( sar o Travelura, o Yenish, o nomadura Sinte thaj Roma) and-o sozialna xakaija buti kaj te dikhel pes i situacia kerdi katar o konsultantura. Akana akaija buti kerel pes and-o 6 thema: France, Ireland, Italy, the Netherlands, Switzerland thaj United Kingdom.

Kulturako identiteti thaj Romani chib

I Grupa lila i desizia ko palutno kidipen kaj kerda pes and-o Presov te vakijarel palem pal o butija save vakijarde pes and-o Seminari vash e Kulturako Identitei e Romenge thaj o Travelura thaj o aver pande grupe, akava kidipen kerda pes and-o Strasbourgo and-i Septembra and-o bersh 2003. Pe akava kidipen vakijarda pes maj but pal so axaljiovel pes pal”Travelura” thaj “pirutne manusha, nomadura”. Dzi kaj te ashugijaren pes o rezultatura katar o siklijavipen savo mothovdam maj opre siklijavipen vash o pirutne manusha, nevo seminari vash e kulturako identiteti shaj ka kerel pes and-o bersh 2005. I Grupa shaj te vakijarel vi vash i standartazizacia, kaj te ovel jekh i Romani chib ( akava ka kerel pes khetanes e Sekretaresa savo si and-i Evroputni sharta vash o Regionalna thaj cikne (minoritarna chibjija) thaj vi i harmonizacia, o jekhipen and-e sikavipnasko materiali and-i Romani chib ( te kerel pes khetanes e DV IV Edukacia).

Romani migracia thaj sar dikhen pes o Romane migrantura (manusha kon si nashalde katar lengere thema) and-i media

I Grupa astarda te vakijarel pal o Romane migrantura, nais vash o aktiviteti « O Terne Roma thaj o Alternative vash i Migracia » akava kerda pes katar o Evroputno Forumi katar Terne manusha ( FERYP) thaj o love kaj te kerel pes akava dine pes katar o guverno katar i Norvegija thaj o Evropako Konsilo kerda o sherutnipen. Pakijas te oven maj but diskusie pal akava and-o bersh 2005 thaj akava te kerel pes khetanes katar o Evroputno Komiteti vash i Migracia (CDMG) thaj i Parlamentarno Asambleija and-o Evropako Konsilo savi astarda o vakijaripen sar dikhen pes o Romane migrantura/nashalde and-i media.

Evroputno fondi vash i solidariteta

I Diskusia kaj te kerel pes, te ovel jekh Evroputno Fondi vash i solidariteta ka ovel and-o bersh 2005, i ideija kaj te ovel gasavo fondi savo te azutisarel o lokalno sherutnipen kaj te lacharel e dzivdipnaske kondicie e Romenge thaj o Travelura si and-i agenda. O Kongresi vash o Lokalna thaj o Regionalna Sherutnimata and- e Evropako Konsilo ka akharel pes te lel kotor te ovel and- o diskusie save ka keren pes vash akaija propozicia.

Koperacia avere sektorençar andar e Evropako Konsilo thaj avrutne/internasionalna organizacie

I grupa lel informacia katar o aver Sektorija and-o Evopako Konsilo katar lengiri buti, sar o ECRI, o Komiteti savo del gindura and-i Konvencia vash e Minoritetengi Protekcia, o Komiteti katar o Expertija katar i Evroputni Sharta vash o Regionalna thaj o Cikne chibija, O Komiseri vash o Manushikane Xakaija, I Banka kaj azutisarel katar e Evropako Konsilo, thaj vi o iniziative save si katar o avrutne organizacie (sar kaj te mothovas i Romani Dekada 2005- 2015 kerdi katar e Lumijaki Banka thaj o OSI thaj E Akciako Plani kerdo katar o OSCE e Romenge thaj e Sintonenge).

Metingura/ kidimatura save ka keren pes katar i Grupa

O 19 kidipen savo ka kerel i Grupa, ka ovel and-o Strasbourgo, and-o Aprilo 2005. O 20 kidipen katar i Grupa ka kerel pes and-o Thema membrura. Duj thema – Romania thaj Ukraina – kerde proposicie kaj te keren pes o kidimatura katar o MG- S- ROM ande lengere thema.

2. I Programa vash o Roma thaj o Travelura and-i Evropa
O “Proekti vash o Roma and-i Centralno thaj Iztochno Evropa” astarda and-o bersh 1996, nais katar o azutipen katar o verver thema membrura. And-o agor e bershesko 2002, o Proekto lila o alav “Proekti vash o Politike karing o Roma, thaj Travelura and-i Evropa”. Kamel pes te azutisaren pes o guvernura kaj te keren thaj te vazden politike karing o Roma thaj o Travelura. Katar akaija programa kerde pes aktivitetija mashkar jekh thaj duj thema, thaj vi khetanes avere ogranizaciencar. Azutisarda pes vi lovençar manushen kon si reprezentatura katar o Roma vaj o Traveleura te shaj te dzan pe avrutne kidimatura.
And-o bersh 2004, pal akaija programa love avile katar i Finland, karing 304, 500 Evro. Shtar importantna prioritetija vazde pes pal akaija programa: te keren pes aktivitetija save te azutisaren te ovel realizacia, te kerel pes butija pal o nazionalna programme save si e Romenge, kerde pes kidimatura kaj te vazdel pes o Evroputno Forumi e Romenge thaj o Travelura, treningura e Romenge bi-raipnikane organizacienge/ organizacie save naj katar o guverno, i Romani Edukacia thaj aktivitetija vash o sastipen, thaj vi kordinacie thaj iniziative avere avrutne instituçiençar.
I Programa kerda pes avere trine bershenge, thaj ka akharel pes “ Programa vash o Roma thaj o Travelura and-i Evropa”. Nevo azutipen, neve love katar o 60, 000 avile katar i Finland e beresheske 2005.

3. Buti kerdi kaj te vazdel pes o Evroputno Forumi e Romenge thaj vash o Travelura

And-o Januari 2001, i Sherutni katar i Finland, Ms Tarja Halonen, kerda propozicia karing i Parlamentarno Asambleija and-o Evropako Konsilo, soske dikhel pes seriozno thaj kamel pes te del pes posibiliteta te ovel vareso kerdo sar jekh instrumenti savo te del posibiliteta e Romen te den pumaro glaso pe internasionalno niveli.

Dikhindor i khetani propozicia katar i Franzuska thaj i Finland, and-o bersh 2003, vazda pes i ideija te ovel sar bi-raipnikani organizacia, savi te ovel las spezialno relacia e Evropake Konsulesa, thaj akaija ideija adoptisarda pes, lila pes and-i godi.

Palal shtar bersh konsultacia thaj vakijaripen katar savore manusha kon kerde buti pal importantna textura ( vi o statuti ), o Evroputno Forumi vash o Roma thaj o Travelura ( ERTF), kerda pes leski registracia and-o Strasbourgo and-i Septembra 2004 sar bi-raipnikani, organizacia savi naj katar o guverno. Kerda pes signatura kaj te ovel koperacia maskar o Evropako Konsilo thaj o ERTF, and-o 15 Septembra 2004. Katar akaija koperacia o azutipen katar e Evropako Konsilo ka del manushen save ka azutisaren e Forume te ovel les shukar, lache relacie e manushençar katar o aver sektorija and-o Evropako Konsilo, sektorija save keren buti thaj silen interesi karing o pushiba karing o Roma thaj o Travelura.

O maj anglutno kidipen kerdo katar o Forumi, ka kerel pes pal o ivend 2005, jekh drom kaj te kerel pes o alosaripen katar o membrura and-o Forumi ( sar, o nazionalna delegatura andar o thema membrura and-o Evropako Konsilo, thaj vi o manusha kon ka oven reprezentantura katar o panch avrutne Romane bi-raipnikane organizacie - RNC, IRU, GATIEF, FERYP thaj IRWN).
4. O khetano proekti Stability Pact e Evroputne Komisiasa vash o Roma and-i Iztochno thaj Disutni Evropa
Dujto khetano proekti mashkar e Evropako Konsilo thaj i Evroputni Komisia astarda and-o februari 2003. Andre and-e akaija programa panda pes zorali koperacia e OSCE- ODIHR, savo sasas o averto partneri and-o proekti.
Akale neve proektesa kamel pes te dzal pes maj dur katar o anglutno proekti, sar te keren pes thaj te adoptisaren pes lache, zorale nazionalna strategie (Albania, Moldova and “the former Yugoslav Republic of Macedonia”) strategie save te keren pes thaj save te astaren i edukacia, i buti, o sozialna pushiba, o sastipen, o themutnipen thaj i partisipacia and-o dzivdipen. O akitivetija save keren pes pal akava proekti dikhen te keren kaj te ovel realizacia po nazionalna strategie vash o Roma, thaj te oven traningura vash o Roma te ovel len maj zoralo than kana keren pes aktivitetija vaj te achen Sastipnaske mediatorija. And-i Moldova kerda pes jekh network kide pes khetanes 20 Romane organizacie, thaj vi but manusha sikavde pes, sasas len traningura kaj te oven sastipnaske mediatorija.
Regionalna thaj nazionalna butija kaj te keren expertiza vash o aksesi e Romenge and-i buti vazde pes and-o bersh 2004, but internasionalna thaj lokalna konsultura kerde buti pal akava, thaj but lender sasas Roma. Mitingura thaj kidimatura kerde pes kaj te ovel diskusia, vakijaripen katar o rezultatura katar akala butija. Ministerura thaj Romane reprezentantura katar NGOs avile pe akala kidimatura. Kerda pes signtura katar o UNDP thaj o Gallup kaj te shaj te len pes lengere konkluzie, statistike, palutne lafura vash e Romengo aksesi and-i buti. Regionalna konferencia vash o Aksesi e Romengo aksesi and-i buti trobul te kerel pes and-o Skopje and-o 25- 26 Aprilo, bersh 2005.

5. Khetani programa vash o nashalde Roma/migrantura

Dikhindor o suksesi katar i programa mashkar o UN o Komiseri e Manushenge kon si nashalde/migrantura (UNHCR) thaj o Evropako Konsilo, lila pes i desizia te dzal pes maj dur thaj kerde pes aktivitetija and-i Serbia thaj Montenegro, and-o Kossovo thaj i Makedonia. Akala aktivitetija kerde pes ande akala thema, kaj te dikhel pes sar te kerel pes integracia e manushenge kon si migrantura, te kamen o manusha te irinen pes pe lengere thema thaj te len pumare lila, pasportura thaj aver personalna dokumentura.

Kerda pes seminari khetanes e UNHCR vash i situacia e nashalde Romenge, IDP thaj o manusha kon dzan pal palem and-o Balkani, akava seminari kerda pes and-i Desembra. Vazde pes inter alia perspektive kaj te bichalen pes o manusha te kerel pes integracia e manushege kon aven katar i Zapadno Evropa, te lacharen pes e dzivdipnaske kondicie, o manusha save aventar, thaj o manusha save si andar o them thaj save paruven pumaro than. I Rekomandacia kaj te lacharen pes e dzivdipnaske kondicie kerdi katar e Evropako Konsilo, sasas sar dokumenti savesa kerda pes buti and-o seminari. Kerda vizita and-o maxale ande savende si o manusha save irisaile, ambasadorija, bare manusha gele and-o maxale, katar o thema save kerde signtura kaj te bichalen pes o manusha and-i Serbia thaj Montengero. O Konkluzie sikave soske trobul te lacharel pes i situacia ( o OSCE o ODIHR dina raporti) thaj te lacharen pes o butija save si kaj te keren pes o lila, te bichalen pes o chave and-i shkola, te inkalen pes o manusha katar o khera save naj lenge, te resen pes o manusha kana aven ko aeroporti. O duj khetane aktiviteija mashkar o Konsilo thaj o UNHCR ka keren pes and-o bersh 2005.

6. O Proekti katar e Evropako Konsilo vash “ E Romane chavengi edukacia”

O Proekti vash e “ Romane chavengi Edukacia and-i Evropa”, pala leste kerel pes buti desar kajekh bersh and-o Evropako Konsilo and-o Direktorati vash i Edukacia, o Departamenti vash i Migracia thaj o Roma, kerda and-o Strasbourgo and-i Desembra and-o bersh 2004, duijto seminari kaj te ovel khetano sikavipansko materiali and-i Romani chib. Manusha katar o Ministerija katar i Finland, Romania, Bulgaria, Direktorija andar o shkolija, profesorija thaj lingvistura avile po kidipen. Akava da posibiliteta te dikhel pse savo materiali isi pe romani chib thaj akalestar te dikhel pes sar te xarnijaren pes o love vash i produkcia po materiali, i translacia, thaj i adaptacia akale materialeske pe situacia ande sajekh them savo si membro and-o Evropako Konsilo.

7. O Kordinatori vash o aktivitetija kerde e Romenge thaj o Travelura
And-o bersh 2004 o Kordinatori kerda kordinacia mashkar importanta organizacie mashkar o guverno thaj institucie. O prioritetija dine pes kaj te zorijaren pes maj but o kontaktija e Grupasa vash o Roma, Sinte thaj Travelura. Akava kontakti kerda pes mashkar trin zorale Evroputne shterutnimata: Greek, Italian thaj Irish.
Naisaras pe lachi relacia thaj koperacia mashkar o OSCE – ODIHR, fulijarda pes rekomandacia vash i Grupa Kontakt and-e akciako plani and-o OSCE. Akaija rekomandacia azutisarel kaj te zoraijrel pes o prozesi mashkar o Netherlandsko sherutnipen, savo kerda trin kidimatura katar i Grupa Kontakt. Akala kidimatura dine posibiliteta te zorijarel pes i relacia mashkar o importantna manusha save keren buti pal akava, thaj te buxlijarel pes o gindipen kana keren pes kaj aktivitetija thaj kana kerel pes buti pala lende. I Grupa vash o Kontakti vazda o pushiba vash i edukacia, i desegracia and-o shkole thaj akala pushiba vazda lent e oven sar prioriteti and-e akciako plani, plani savo ka ovel mashkar lende.

Dikhel pes akana, kaj i Grupa vash o Kontakti te shaj te kerel kidipen and-o Luxembourg vaj United Kingdom sherutnimata katar i Evroputni Unia.

O Kordinati dikhel te kerel zorale kontaktura e Evroputne Uniasa, katar i Komisia thaj o Evroputno Parlamenti.

I Komisia astarda te kerel buti thaj vazda jekh komisia mashkar o departamentura, komisia vash o Romane pushiba. O Kordinatori kamel te kerel kaj akaija komisia te kerel buti khetanes e Evropake Konsulesa thaj o Kordinatori dikhel sar te kerel i partisipacia and- e akaija komisia.

Kerda pes jekh proekti vash o mediatorija vash o sastipen, i edukacia thaj o sozialno azutipen, thaj akava proekti bichalda pes and-i Evroputni Komisia, thaj dikhel pes i posibiliteta kaj te kerel pes khetano proekti and-o bersh 2005.

And-o Evroputno Parlamenti o Kordinatori kerda kontaktura e Rainijasa Livia Jaroka, Romni katar o Hongriko Them savi si membri and-o parlamenti, voj kamel te kerel buti e Evropake Konsulesa thaj te sikavel e Romenge interesura.

O Kordinatori dinija but vrijama pester, kaj te kerel buti vash o Evroputno Forumi vash o Roma thaj o Travelura, vov sas sherunto thaj raj po kidimatura pe savende avenas o Romane exeprtura, kaj te keren o statuti vash o Forumi. E Ministerengo Komiteti das po akordi kaj te ovel partneri o Evropako Konsilo thaj o Forumi pe 3 Novembra 2004 kerda pes akava akordi thaj ki 15 Desembra and-o bersh 2004 akava dina pes i signatura pe akava akordi. Aijal o Forumi ka astarel te kerel buti. Vash i preparacia pal i buti savi ka kerel pes and-o vaxti kaj avel o Kordinatori, kampla pes lestar te dikhel savore komitetura kon silen interesi, thaj e averen kon kamen te keren buti vash o Roma thaj o Travelura, vov trobul te vakijarel lençar thaj te dikhel savi relacia von kamen te ovel len e Forumesa. But departamentura sikavde interesi kaj te keren buti e Forumesa and-o vaxti kaj avel, thaj o sherutno e Forumesko akharda pes te vakijarel po plenarno kidipen and-e Minoretengi Komisia and-i Desembra. O Kordinatori vakijarda vi and-i plenarno and-o ECRI pe 17 Desembra and-o bersh 2004.

O Kordinatori kamel te pandel relacia mashkar o Forumi thaj o departamentura and-o Evropako Konsilo thaj te ovel les siguracia soske akaija relacia si mishto vi e Evropake Konsulese vi e Forumese. Akalestar o Kordinatori kamel te mothovel soske spezialno, vazni relacia trobul te inkijarel pes e Grupasa katar o Spezialistura vash o Roma thaj o Travelura ( MG- S- ROM) soske akaija grupa si numaj o jekhto zoralipen and-i Organizacia. Akaija grupa kerel buti numaj pal o Romane pushiba.

8. I Programa kaj te sikaven pes Terne Roma

Dikhindro o sukseso so anda akaija programa katar o 10 kursura save kerde pes e terne Romenge, katar i Iztochno thaj Centralno Evropa. Akaija programa kerdi and-o Evropako Konsilo and-i Divizia vash o Roma thaj o Travelura, o love pala late aven katar o Open Society Institute, akaija programa ka kerel pes vadze duj bersh. And-o aprilo 2004, I Lina Kondur katar i Ukraina, thaj i Sakibe Jashari katar o Kossovo (Serbia thaj Montenegro) astarde lengoro kursi, and-i septembra avile i Ilijana Tsankova andar i Bulgaria thaj i Martina Pokutova katar i Czech Republic.

Vo azutisarde o sekretarijato te keren aktivitetura and-i South thaj Iztochno Evropa, te azutisaren kana keren pes kidimatura vash i evaluacia pe politike kerde e Romenge, te keren lila katar o strategie save si kerde katar o guvernura thaj te keren publikacia pe lil savo si kerdo vash i programa kaj te oven akala kursura/traningura e terne Romenge. And-o lil ande saveste xramosaren o terne Roma, von sikaven lengoro gindipen thaj sar gindisaren vi pe lengiri kariera pal akava kursi.

I Informacia savi si vash o Roma thaj o Travelura and-o Evropako Konsilo shaj te dikhen las po internet, pe akaija adresa:
http://www.coe.int/T/E/Social_Cohesion/Roma_Travellers
I Divizia vash o Roma thaj o Travelura kerel publikacia pe jekh lil (te kamen te ovel tumenge bichaldo akava lil ande saveste si informacia vash o Roma thaj o Travelura and-i Evropa, o kontakti si: Mrs Karmélé Gangloff, DG.Roma@coe.int).

MIGRACIA THAJ ROMANO DEPARTAMENTI/ DIVIZIA VASH O ROMA THAJ O TRAVELURA EVROPAKO KONSILO – DG III SOZIALNO KOEZIA

Faxi: +33 3 88 41 27 31

Patrin: http://www.coe.int/T/E/Social_Cohesion/Roma_Travellers

Te kamen dokumentacia: DG.Roma@coe.int

Sherutni and-o Departamento vash i Migracia thaj o Roma Asistenka

María Ochoa-Llidó Andrée Muller

Maria.Ochoa-Llido@coe.int Andree.Muller@coe.int

Kontakti e manushenge save si vash i :

GRUPA KATAR O SPEZIALISTURA VASH O ROMA THAJ O TRAVELURA ( MG- S- ROM) PROGRAMA E ROMENGE & TRAVELURA AND- I EVROPA

( SPEZIALNO KONTO)

Administratori, Secretari ko MG-S-ROM Asistentka

Michaël Guet Victoria Hopson

Michael.Guet@coe.int Victoria.Hopson@coe.int

RELACIE MASHKAR O EVROPUTNO FORUMI E ROMENGE THAJ O TRAVELURA (ERTF) KOPERACIA E DV IV PROEKTI “E ROMANE CHAVENGI EDUKACIA”

Specialno manush kon te del gindo pe Romane pushiba Asistentka shaj te paruvel

(bichaldi katat o Guverno katar i Finland) Karmélé Gangloff

Miranda Vuolasranta Karmele.Gangloff@coe.int

Miranda.Vuolasranta@coe.int

PROGRAMA KAJ TE OVEL AZUTIPEN ( ANDRE FULEN O AKTIVITETIJA KERDE KHETANES E UNHCR & ACTIVITETIJA VASH O SASTIPEN, DZUVLIJA THAJ O TRAFIK )

Administrator Asistant thaj dokumentija

Eleni Tsetsekou Karmélé Gangloff

Eleni.Tsetsekou@coe.int Karmele.Gangloff@coe.int

KHETANI PROGRAMA CoE/EC/OSCE-ODIHR “ O ROMA AND- O STABILITI PAKT E SOUTH-EASTERN EVROPA”

Menageri vash o proekti thaj vash i patrin po internet Asistentke

Ivana D’Alessandro Nelly Tasnadi

Ivana.Dalessandro@coe.int Nelly.Tasnadi@coe.int

Audrey Gabilly

Audrey.Gabilly@coe.int

COUNCIL OF EUROPE CO-ORDINATOR FOR ACTIVITIES CONCERNING ROMA AND TRAVELLERS

Henry Scicluna

Henry.Scicluna@coe.int

* * * * *