ევროპის საბჭოს უმცირესობათა ენების სამდივნოს უფროს მოადგილე იორგ ჰორნი და ევროპის საბჭოსა და ევროკავშირის ერთობლივი პროექტის "ეროვნულ უმცირესობათა სამოქალაქო ინტეგრაცია და რეგიონულ და უმცირესობათა ენების ევროპული ქარტიის" ხელმძღვანელი მარიამ წიქვაძე, საქართველოს პრეზიდენტის მრჩეველს ეთნიკური უმცირესობების საკითხებში სოფიო შამანიდს შეხვდნენ.
შეხვედრის მიზანს სამომავლო თანამშრომლობის განხილვა წარმოდგენდა. მხარეეებმა განიხილეს რეგიონული და უმცირესობების ენების ქარტიასთან დაკავშირებული საკითხები და ის პრობლემები, რომელიც ეთნიკური უმცირესობების წინაშე დგას - ერთის მხრივ, ქართული ენის, ხოლო მეორე მხრივ, მშობლიური ენების სწავლების კუთხით. სოფიო შამანიდის განცხადებით, ჯერ კიდევ გადაუწყვეტელია, აზერბაიჯანული და სომხური სკოლებისთვის სახელმძღვანელოების მომზადების პრობლემა; ასევე, მიუხედავად იმისა, რომ განათლებისა და მეცნიერების სამინისტროში შეიქმნა უკვე მცირე ენების სწავლების მოდული, პრობლემად რჩება ამ ენების სახელმძღვანელოების მომზადებისა და მასწავლებლების გადამზადების საკითხი.
აღსანიშნავია, რომ შეხვედრის მონაწილეებმა არსებული წარმატებული თანამშრომლობისათვის ერთმანეთის მიმართ მადლიერება, ხოლო სამომავლო ურთიერთობისათვის - დიდი დაინტერესება გამოხატეს.
