ევროპის საბჭოს ოფისი საქართველოში  და ევროკავშირის დელეგაცია განაგრძობენ საქართველოს მხარდაჭერას ციხეებში სამოქმედო გეგმის შემუშავებაში, ჯანდაცვის სერვისების ხარისხის გაუმჯობესების მიზნით.

23 და 24 მარტს 2-დღიანი სამუშაო შეხვედრის ფარგლებში, ევროსაბჭოს ექსპერტმა და საქართველოს სასჯელაღსრულებისა და პრობაციის სამინისტროს წარმომადგენლებმა სისტემაში არსებულ პრობლემებზე და მათი გადაჭრის გზებზე ისაუბრეს.  შეხვედრისას განისაზღვრა მიზნები, პრიორიტეტული სფეროები, აქტივობები, შემარბილებელიი ფაქტორები, პასუხიმგებელი პირები და ჯანდაცვის სერვისებზე ხარისხის მართვის შემოღების სამოქმედო გეგმის ვადები. შეხვედრა წარმოადგენდა ე.წ საწყის ფაზას,  ხარისხის კონტროლის მეთოდებისა და მექანიზმების  სახელმძღვანელო დოკუმენტის შემუშავებაში.

სამოქმედო გეგმა ხელს შეუწყობს ციხეებში სამედიცინო სერვისებისა და ხარისხის კონტროლის გაუმჯობესებას.   გეგმა იქნება პირველი დოკუმენტი,რომელიც დანერგავს ხარისხის კონტროლის მექანიზმებს და ფორმებს, რაც  ციხეებში სამედიცინოს მომსახურებას მნიშნველოვნად გააუმჯობესებს.

ევროკავშირი და ევროპის საბჭო მომავალშიც გააგრძელებენ სასჯელაღსრულებისა და პრობაციის სამინისტროს მხარდაჭერას ციხეებში ჯანდაცვის ხარისხის კონტროლის სისტემის დანერგვის მიზნით.

ღონისძიება გაიმართა პროექტის - „ადამიანის უფლებები და ჯანდაცვა საქართველოს ციხეებსა და დახურული ტიპის სხვა დაწესებულებებში II” - ფარგლებში, რომელიც ევროკავშირისა და ევროპის საბჭოს აღმოსავლეთ პარტნიორობის პროგრამული თანამშომლობის ნაწილია.

ვმუშაობთ ერთად ადამიანის უფლებების, დემოკრატიისა და სამართლის უზენაესობის გასაუმჯობესებლად!